يآسمين || --- > ترى النور عن قريب ..~( حلقات ممنوعة العرض .. فقط هنا ||--- >*

[موزة النعيمي]

http://www.lz3zl.net



رآودتني أفكار . . . راوداني موآقف . . جسدتها في ذهني الصغير |[ صورة ]| . . ~

:imuae27:


قصة جديده - - بدأت احيكها واروريها.. - -

ربما ستكون ليست كما تعودتم - . -" او ربما افضل من الذي تعودتم عليه - - < :hehe2:

ولكني . . أ حبت ان أكتب من جديد - - :imuae69:

فأفكاري أشتعلت - - - ]| :blush2:


​

:imuae53:
13\8\2010
AM 12:40 ​

​

 

[موزة النعيمي]

:get-1-2009-7lydrpf4

يآسمين - - ترى النور عن قريب..
حلقآت \ ذكريآآت \ سوالف عبيطه . . .

لاتشوفون التصميم وتقولون انه حزن × حزن --- :026:

بس آنا رآح اترك لكم المجال للتعليق ::a7m:

بس قبل كل شي.. أحب ابدأ ببطلة الحلقآت. .

الغاليه على قلبي : سفيرة الحب

يآسمين ---- > سفيرة الحب


وبقية الشخصيىت راح تعرفونها من خلآل القصه^^..



ترقبوا - - - *




​

:imuae66:

:imuae66:

:imuae66:

​

 

[موزة النعيمي]

يآسمين |[ 1]|​

أحلام يآسمين.. والحنين الى الماضي . . . ~


ليلة باردة ممطره - - الساعه الثانية من منتصف الليل - - في طريق العودة من السعودية الى |[ البيت]| . .

كان الجو ضجيج. وصمت قآتل انتابني حين كنت أرى تلك الفاجعه أمامي - -
تتذبذب الرؤية في عيني لذلك المشهد.. لا اسمع شي.. لا ارى شي..

وفجأه ..

- ... يآبنت تسمعين.. بنت.. ردي عليه..؟
- ماتسمع ماتسمع شيلوها البنت حيه شيلوها. .

,أنا مازلت في صمت قآتل.. والرؤية متذبذبه -- استعياب فاق مقدوري.. ولكني مازلت احاول جمع شتاتي . .

دوريات شرطة . . ألوان حمراء + زرقاء تملأ السماء.. أصوات مرعبة .. حشد من النآس.. ليلة ممطرة.. صرآآخ الناس.. السياره منقلبه رأساً على عقب....

أين امي .؟ أرى رجلا يجلس على الأرض بآكيا..

أين اخي.. ..~؟

أرى كل هذا بين صدمة الواقع ..
وبين غيآب الحضور عن الحقيقه ..

- يابنت اذكري الله . .
أسمع هذي الكلمات ولكني لم أكترث..
لان هناك ماشد انتبهاي عندما سمعت احدهم يقول..


|[ لاحول ولا قوة الا بالله .. توفوا ]|




|[ غيآب رغم تسجيل الحضور لليوم ]|

​

10\10\1997

​

 

[موزة النعيمي]

وبعد مرور آعوآم من الزمن || ---&



غرشووبة العين يالسه ع اللاب في الصآله ..​

سويره: يالسه على طاولة الطعآم تآكل وتشوف المسلسل مع خوآتها ..​

خآفق أحساس \ انسانه \ عنآتي . . . . ~​

ويشوفون مسلسل [ نور]:3ash:​

........​

غنآتي: يآآي طاعي الحب طآعي.. آآ× ياقلبي.. وينه هالروميو الي جذا بيحبني..؟​

خآفق احساس: وابوي عليج قسم يبالج ولاغ بهالعصا.. اشووه روميو ماروميو.. حنا هني ماعندنا هالخرابيط وصلبي عمرج لاتي امايه وتسمعج..​

غنآتي: يووه فكينا انتي بعد كله نجره وحنه..​

أنسانه: لو اسمحتن.. انطبن ابغي اشوف شو بيصير...~​

غرشوبة العين يالسه عاللاب تدرس وتسوي تقاريرها وبروجكتاتها..^^​

وفجأه. دون سآبق انذار..​

يسمعون شي يطيح ع السراميك وبقوة.. وكلهن فزن ..​

الا سويره كانت قاعده على الطاولة وتشوف بنت عمها​

غرشوبة: خير شو شوه. وسارت تركض..​

غناتي: عوذ بالله هاي انتي..​

خآفق احساس: خاطري اعرف انتي ليش مقروده ودوم تركضين في هالبقعه..​

انسانه: الله يهداج يااخي.. تعرفين انه هالمكان منحووس ضربي في بريك قبل لاتوصلينه..​

سفيرة الحب: تقوم وهيه تنظف ملابسها: مـ. مــز. صار. شــ شي.. نزين..نظارتي.. نظارتـ..ي.. و و و ين؟​

غرشوبة نزلت تحت وشالت الناره وعطتها سفيره: كآهي حبيبتي لبسيها..​

وجىن تلبسها سفيره وهيه منحرجه منهم..~​

انسانه: يالله الغاليه ماتشوفين شر ان شاء الله..~​

غناتي: نسير نسير نكمل مسلسل..​

وراحوا البنات عن سفيرة الحب.. وتمت غرشوبه​

غرشوبة: ليش نازلة تركضين جذا حبيبتي من فوق؟​

سفيره: ر.. رب..عتي.. برع يايه تزورني..​

غرشوبة طارت من الوناسه: صج.. ربيعتج.. يايه تزورج. من هذي؟​

سفيره: و ..وحده معاي بالجامعه ..​

غرشوبة: زين حبيبتي سيري سيري استقبليها لا تخلينها برع فضيحه منقوود..​

سفيره ابتسمت: ان شاء الله..​

وسارت تمشي بخطواتها( الغير واثقه) صوب الباب تشوف ربيعتها.. ولكن مالقت حد..
رجعت دآخل..​

غرشوبة: ها وين رفيجتج؟​

سفيرة: مادري.. مادري.. مـ.حد ب..برع.​

وجىن غرشوبة ماتعرف شو ترد: ماعليه حبيبتي اكيد يايه ماعلي صبري..​

سفيرة: صارلي انتظرها من . من .. من ساعه ومايت. هيه قالت بتي ساعه .خـ..خمس ومايت للحين..​

ويوم شافت غرشوبة الساعه لقتها الساعه ست ونص .. يعني كالعاده.. .​

غرشوبة: ماعلي دقي عليها يمكن صار لها ظرف او شي..​

سفيرة: ايه. ايه صدقـ.صدقج.. بدق احين..​

وجآن ادق ولكن محد يرد..
غرشوبة عرفت السالفه.. وماكان منها الا تقول حق سفيره: ماعلي حبيبتي يمكن صار لها ظرف وماراح تي.​

سفيره شوي ودمعتها في عينها..وساكته.~​

غرشوبة: سفيره حبيبتي؟
سفيره صرخت: بــ بــس.. ما ما ابي اسمع شي.. كل يو .. و ..ووم جيه. ليش ليش؟ ​

غرشوبة: سفيره. حبيبتي.. سفيره يمه وقفي.. وسارت وراها..~​

وتمت تصيح وسارت فوق..​

وصدن عليها بنات عمها وهن يطالعنها::​

غناتي: والله مسكينه هالبنت..​

خافق: ودون اكتراث: يالله مسكينه الله يعينها.. يعن يشو تبين نسوي لها.؟​

غناتي: تكسر خاطري..​

انسانه: اففففففففففف بس بس ابغي شووف..​

وجآن فجأه اتي سويره وتبند هالتلفزون اللي جددامهم​

سويره: ابا اعرف انتن شووه؟ انتن عديمات احساس؟ يعني هالبنت المسكينه مستخسرات تيلسن معاها تسولفون معاها . وتجابلون هالسخيفين بالساعات؟. شو هالدم اللي فيكم..؟ صج ماتستحون..​

وسارت عنهم..​

وقعدن البنات يطالعن عمارهن مستغربات --​

|[ هذا العآلم ضيآآع ]|..~​

 

[موزة النعيمي]

يآسمين تلك الفتاه البريئة التي مالبثت ان اكملت..[ 7 سنوآت]
حتى لاقت الذي لاقته من ضيآع وتفكك أسري..
وفرآغ عاطفي.. من نوع آخر || :baby:
لا صديقه\ لا ام\ لا أخت..
كانت تلك الياسمين الذابله بين شجيرات خضراء يانعه..
ياسمين بياضها باهت. بعكس رائحتها الطيبه التي تعطر المكان..


يآسمين فتاة الـ20 . . . ~


في ضيآع مع دوامة هذه الحيآه.....~


الكثير منا قد يلا يعيش ماتعيشه هذه فتاه الحمدالله لدينا مايغنينا عن. العالم . . عن الناس . .
ولكن هيه تنادي وبقوة..


[ أريد ان تكون لي حياتي الخاصه].


صديقات \ دراسة مشوقه ممتعه مع مجموعتي \ زيارات أهلية \


والاهم من ذلك..


[ أم ترعاني...]..~



يآسمين (2)...~


غرشوبة في غرفة ياسمين تحاول تهديها. وياسمين ماشي يالسه تصيح..


غرشوبة العين: بس ياقلبي بس قطعتي قلبي بصياحج حبيبتي..~
ياسمين: أأن..نا كله حظي عاثر جذا..ليش ليش؟
غرشوبة العين: ياعمري لاتصيحين ماعليج انتي هذيلا اصلن ماتبين صداقتهن ولا تبين ترابعينهن طبيهن عنج.. وان شاء الله رب العالمين راح يعوضج باليي احسن عنهن.~
ياسمين: يا بنت عمي.. ا..انت.. انتي اروز.وحج ماتحبين ت..تقعدين. معاي وايد..
خو.وواا..ااتج مايطيقن القعده معآآي.. اعرف ان ان سوالفي.. مـ..مــ..مــ..


غرشوبة قاطتها: بس بس ياياسمين.. لاتقولين جيه بالعكس حنا بنات عمج ونحبج ونحب نسولف معاج..
ياسمين: صدت الصوب الثاني وماقابلتها : خـ.خ..خليني بروحي مابي اسمع هالكلام.. من .. من عشر.رر.رر..رر..ين سنه وانا اسـسـمعه...~


[ وقعدت تصيح]


غرشوبة ماعرفت شو ترد.. قعدت اطالعها وهيه حيرانه وصج حاسه في بنت عما لانه محد يقعد معاها.. والكل منشغل عنها.. وهيه محتاجه لهم...~
طلعت عنها.. وكانت سويره واقفه عند الباب تسمع اللي يصير.. حز في خاطرها .. ولكن كالعاده .. سارت دون ماتسوي اي شي ممكن انه يخوز ضيجتها..~



ونزلت غرشوبة تحت عند خواتها وهيه ضايجه.. ويلست..
غناتي: ها سكتيها؟
غرشوبة حرتها بعين: البنت مجروحه ..
انسانه: عدال دلع بنات..
غرشوبة: صدق انه مافيج احساس .. الف مره اقولكن.. يلسن معاها. رمسنها. سولفن وياها شوي.. حرام عليكم ولاكانها معاكم بنفس البيت


خافق احساس: بصراحه هالبنت مقعده وسوالفها.. مول...( وسكتت]
غرشوبة: حق شوه سكتي كملي؟
انسانه: صج يعني بصراحه احسها ياهل ما احسها يعني يعني..
غرشوبة: بس عاد.. قطيعه عديمات احساس.. جابلوا هالزفت لي مابينفعكم..~


وقامت عنهم..


خافق تمت اطالع غرشوبة من فوق لين تحت لين ماسارت.:
خافق: احين انا خاطري اعرف ليش هاي محتشره علينا. دام كاسره خاطرها هالكثر ترووح وتقضي وياها وقت..~


وجان ترجع سويره وحاطه ايدها ع خصرها: لو فيج خير ماقلتي هالرمسه يا خيشه الرقاد..
وانت رتراني لو فاضيه جان جابلتها ماييت ورمست ناس شراتكن. انمف عليكن..


وسارت مره ثانيه عنهم.


خافق احساس: طاع هااي من صجها؟


غناتي: خخخ تستاهلين..~


وشوي يسمعون رقعة بالباب وكل البنات يصرخن..

خافق\ سويره\ انسانه\: ابووووووووي وصل.!
وطيران على الغرف..

الا غرشوبة العين..: لا تعالن قعدن جابلن هالغش ليش قمتن...

ابوسلطان: السلام عليكم..

غرشوبة العين: حي الله ابوي الغالي وعليك السلام..

وهو ماشي تاخذ عن الشنطه عنه..

غرشوبة: ع السلومه ابوي..

ابوسلطان وهوو يبطل ازارير الكندوره: ربي يسلمج يابنت الغاليه وينها امج؟

غرشوبة: في المطبخ. تزهب العشا...

ابوسلطان: خواتج؟
غرشوبة تقول في خاطرها [ خواتي المفلعات لو تدريبهن ابوي]

ابوسلطان: وخواتج وين؟

غرشوبة: ها؟ في غرفهن يدرسن..

ابوسلطان: وسفيره؟

غرشوبة: هم في غرفتها..

ابوسلطان: شو احوالها ؟ عسى ماقاصرنها شي؟

غرشوبة وتقولها بحسره: لا مب قاصرنها شي يابوي..

ابوسلطان: زين الغاليه بلغي امج اني وصلت.. وخلي الشنطه في المكتب..

غرشوبة لعين: ان شاء الله ابوي..

وسار عنها

غرشوبة تنهدت نهده طويله: اف الحمدالله خلص التحقيق..
​

 

[موزة النعيمي]

في اليوم التآلي :​

الساعه 7:30 صبآحآ ...~​

غناتي وخافق طالعين من غرفتهم...​

غرشوبة العين وسويره طالعين من غرفتهم..​

التقوا في الممر وكل وحده مشغوله بشي..~​

[ خافق مب طايقه شي ويالله يالله ناشه \ غناتي يالسه تعدل حلقها الوردي اللي لابسته \ غرشوبة العين.. تضبط شنطتها وهيه ماشيه \ سويره تقول الاذكار بهمس . . . ]​

لين وصلوا غرفة سفيره..​

سفيرة الحب( ياسمين): صبآح الخير( وهي تعدل نظارتها)​

والجميع: صبآح النور..​

غرشوبة العين وقت حذالها والباجيات كملوا الدرب: ها كيف اصيحتي حبيبتي؟​

سفيرة: الحمدالله بخير..​

غرشوبة: الحمدالله الضيجه راحت عنج؟​

سفيره: هيه راحت ماتشوفوني ارمس عادي هههه.~​

غرشوبة: يعل هالضحكه دووم..~​

سويره تسمع ولكن ماودها تلتفت ورى تشاركهم السوالف..~​

ونزلوا تحت ع طاولة الريووق.. ​

اليآزيه: صبآآح الخير يا بنات...​

غناتي: صبآح الورد امي..​

خافق: صباحج امي..​

غرشوبة: احلى صباح لج امي..​

سويره: صبج الله بالنور...​

وكلهم يلسوا. .​

الا سفيره سكتت وتريت حرمة عمها لين ايلست ع الكرسي.. وسارت باستها على راسها..​

سفيرة: الله يصبحج بالنور والسرور امي...​

اليازية: حبتج العافيه يا الغاليه..^_^​

وبدوا يفطرون وهم ساكتين والجو كآن هادي لأبعد حد --- *​

اليآزيه وهيه اطالع في ويوه البنات: هيه زين ماشي تصبيغ اليوم.. خلكن جذا دووم..​

غناتي: أصلن امي نحن مانصبغ ويوهنا. بس انتوا من بياضنا جذا تشوفونا حمر وخضر هههه​

خافق: عدال انا مول ما احب احط شي في ويهي يوم اطلع..​

اليازيه: لا قصورج تحطين جان تبين ابوج يغسلج وايلسج في البيت..​

غرشوبة: ههههههههه مسكين ابوي وينه ماشفته اليوم..؟​

اليازيه: اليوم بينش متاخر.. تعبان من الشغل فديته..~​

سويره: فديت ابوي.. الله يعطيها الصحه والعافيه​

اليازيه : آمين يارب..~​

[ وبدا الجو يتغير --- ..​

غرشوبة قامت اول وحده: يالله بنات يدوب انلحق على الشغل ونوصل في الوقت..~​

سويره: هيه والله : يالله قمنا..~​

اليازيه: ربي يحفظكن وعن اللعب..~​

خلصوا فطورهم واطلعوا ..~ السايق كان ينتظرهم بعد. عشان تبدأ رحلتهم..~​

وفي السياره: تبدأ العفسه​

غناتي: يالسه جدام.. عدال السايق بحكم انها اصغر وحده خخخ..وهيه صاده ع ورى.​

غناتي: خفووووووق هاتي الجحال بسسسسسرعه بوصل المدرسه وبعدني ماحطيت.​

خافق : وهيه تتجحل وفي ثبانها شنطة الميكب متروسه ونص الاغراض طالعه برع​

خافق: صبري ياخي صبري..​

وجان يضرب السايق بريك واخترب جحالها..​

خافق: ويع يا ايووب.. ماتعرف تسووق زين جي خربت جحالي؟​

ابوي: سوري مام هذا سياره مايعرف يسوق.​

خافق: بس بس ماعيرف يسووق وفرت الجحال على غناتي وتقولها: القلوس الوردي وين؟​

غناتي: داخل الشنطه طالعيه عدل..​

غرشوبة مب شايله هم متعوده على هذا الموال كل صبآح..​

في البيت ماشي ومني طلعن يكشخن..~​

سويره تقول حق خافق: الحين هذي اللي ماتحب تحط شي مول يوم تطلع​

خافق طالعتها بنص عين وردت تسوي الميكب آب...~​

سفيره اطالع البنات وهيه مبتسمه.. وتضحك في خاطرها.. وتقول الله يهديهن..~
وردت اطس من الجامه واطالع الناس برع من حولها..​

في لحظات في حياتنا نحس فيها ان الامل موجود.. وفي لحظات للأسف تقتل الأمل || . . .​

 

[موزة النعيمي]

وبالبيت..

الخدامه تدخل غرفة انسانه. وهي نايمه غرقانه في لنووم..

تفتح الستاره.. فتحت الشباك..

وبدا الضوء يدخل الغرفه..

انسانه فجت عيونها شوي شوي..وهيه منزعجه من اللي يصير...~

انسانه: ايه انتي تستهبلين ماتشوفيني راقده؟

الخدامه: مدام ماماه يقول جيه سوي..آيام سوري..

انسانه: اففف. آآخ منج يا امي .. لازم تقوميني بهالطريقه..~

وجان تنش تيلس ع السرير.. وهيه تحك راسها ومطفره.. والويه معفوس فوق تحت خخخ ..~

طلعت الخدامه قامت انسانه ولبست الروب مالها.. وقفت جدام المرآيه.

وطبعا راح يبدا شغلها اليومي..

وبدت تسوي خلطاتها.. وتحط الماسك الاخضر..^^ ---- وصبآحكم تفآح أخضر :imuae27:...^.^

بدت تلخ ع الويه.. لين ماصبغته كله.. وطلعت شوي عند الباب الغرفه الا وتجابل...

عمر( وسمي البريمي): زاغ زيغه طيحت كل اللي بيده...: اعووذ بالله من هالويه..ش شو شوه انتي مشتغله فلم رعب ع الصبح؟

انسانه: شدعوه شو شايف انت جني؟

السويمي: هيه يني عود بعد اعوذ بالله.. الكشه من صوب والويه من صوب..

انسانه: بس عاد بس .. لاتم تسويلي فيها حنه من الصبح..~


الوسمي وهو يشيل اغراضه: وكم مره ابوي قايلج هالغش ماتسوينه ع ويهج؟

انسانه: وابوي شو دراه اني مسويه؟

الوسمي: تتحرين مابخبره يعني؟

انسانه: سير خبر جان فيك خير. اعرف تراني انا بعد اخبر..

الوسمي: عدال شو بتخبرين يعني؟ انا ريال ما انعاب؟

انسانه: ( وهيه تمشي بشويش): ريال والنعم فيك ياخوي.. بس مادري جنه واحد البارحه واصل البيت متأخر قبل الفير بشوي. ولا بعد الباب كان مسكر ومتصل فيني .. يباني ابطله هع..
تعرفه منوه؟

الوسمي ارتبك: ..آآ..آآ. وخير يعني؟ واصل متاخر شفيها؟

انسانه: لا مافيها شي.. بس لو قلت حق بيكون فيها شي وشويات صح ولا؟؟

الوسمي: وااع اع ملاغتج قولي وبتشوفين شو يصير فيج؟؟ انمف ويا هالويه الاخضر.. وسار عنها..~

انسانه: هههه خبل. وردت دخلت غرفتها وقفلت الباب..~

الوسمي نزل تحت سلم على امه اللي كانت قاعده تقرا الجريده.

الوسمي: صباحج خير عيوزي..

اليازيه: عيز الله عدوك.. صباحك نور

الوسمي ضحك: هههههه شحالج كيف اصبحتي؟

اليازيه: الحمدالله زينه( وهيه تقرا الجريدة)

الوسمي: عيل الشيبه وين؟

وجان اتيه ضربه ع جتفه . .

ابوسلطان: احين انا شيبه يالشباب؟

الوسمي: هيه عيل شو ؟ كم مره اقولك سير عرس سير عرس.. خلاص طاف عليك الدهر واستويت شيبه

وجان يزوي تنزل الجرايد وهيه طالع ولدها..

الوسمي خله عمره ماقال شي.: الا اقول ابوي.

ابوسلطان( وهو يبند معقمة الكندوره): ههه هاه قول..

الوسمي: سلامتك خخخخخ..

وقمات يزوي اتيب حق بوسلطان اغراضه..

اليازيه: لا قول قول؟ شتبي؟

الوسمي: ماشي كلام رياييل..

ابوسلطان: بس بس لاتفتح لنا باب من صباح الله هههههه

ووصلت يزوي وبيدها الغتره والعقال تعطي ابوسلطان..

اليازيه: محد بيخرب شيبتي غيرك انت يا ولد . . .

الوسمي: افا الغاليه هههههههههه الا اسولف تراني....

اليازيه: هيه سولف وحطها براسه صج. ترا الرياييل ما منهم امان..

ابوسلطان وهو يعدل العقال: افا يالغاليه ام الغالي انا ابدل غيرج؟ ماعاش..~

ويابت المدخن وهيه تهفه ع ريلها: هيه قص قص علي بهالرمسه وباجر هات وحده فوق راسي...

الوسمي: صبري عليه كم سنه بسوبيبها خخخخخخخخخ

اليازيه عصبت عليه: فال الله ولا فالك .. اهي تدخل مني وانا اطلع مناك...~

ابوسلطان: افا عليج انتي الغاليه ام العيال انتي. هيه تطلع وانتي تدخلين.. ماعليه بفتح لها شقه عسب ماتطلعين من البيت انتي..

الوسمي: ووككخخخخخخخخخخخخخآآآآآآآآآآي...~

اليازيه عصبت وسكتت ومااعرفت ترد..

والوسمي وابوه متعمدين يطفرون بها ههه وهالموال شبه يومي في الصبح..~

ابوسلطان: هههه يالله الغاليه انا سايره..

اليازيه: زين( وهيه مبوزه)

ابوسلطان: تامرين ع شي؟

اليازيه: سلامتك..

الوسمي يهمس لابوه: تراها منتفخه..

ابوسلطان: ادري خخخخ...~

وجان يسير ويحبها فوق راسها: ولاتزعلين ترانا نسولف وياج .~

اليازيه: زين خلاص سيروا.

وجان يطلعون الوسمي وابوسلطان رراكبين السياره و متجهين الى مقر العمل..^^

وصبآحكم ورد جوري \. وتوت احمر.\ وتفاح اخضر..~

:imuae27:

البارت الاول انتهى.


​

 

[حكاية روح]

يزوي ربي يعطيج .. البارت غاوي .. :cute:
بو سلطـان طلع عمي ..
بفتن عليكن ليش شردتن يوم يا العم :26:
ههههه
غرشوبـه وينها مالها حس ابد :65:
وتسلمي يزوي لانج نزلتيـه التكملـه ^^
ويالله السموحـه تسجيل خرووج ..
ومتآبعه غداً بأذن الله .. ^^ ​

 

[أم أحمـد]

:182fd25f9b06446ba41

 

[ذات أثر]

:333: استغفر الله //

بطرانة و متبرجة و غير مباليه <---+ راحت خافق

لا اله الا الله

البارت غاوي نتريا التكملة هههههههه

:hehe2:

 

[موزة النعيمي]

خافق ياخي الا قصه ههه
يعني يعني. لاتسويلي فيهاس الفه:facepalm:

وثاناي غرشوبة اعين بخير وتسلم عليكم خخخ
من تلقى فرصة اونه بتحدر
تدرون العيال والريل والبيت

اونه ولدها داقنه اسهال.. مادري شفيه خخخ..~

يالله برب​

 

[حكاية روح]

حليلـها .. :523c674c20b8112b223
جيه هيــه كيف لماذا .. ~> عقـب الشفره تنحـل ..
ويا غرشوبـه .. :29:
.
متآآآبعــه .. :approved:​

 

[حكاية روح]

للرفـــــــــــع .. ^^
.
.
الإشراف الذاتي .. ​

 

[Ąℓŋ3αỉмỉ]

:mh0226::mh0226:

اماايه الياازيه الشررع حلل 4 بدال الووحدهــ خخخخخخخخخخخ

 

[ذات أثر]

:hehe2: ~ يزووي نترياا

 

[حكاية روح]

ههههه خلوها على راحتهــا ..
عمر ما شاء الله .. اخذ الأولى قبل .. ههههه
.
.
بالإنتظــار .. :4f7c50bc2e7eee3c450​

 

[شووق قطر]

هههههههههههههههههههههه حللللللللللللللللوه القصه

مبدددددددددددددددددعه يزووي

يلآمتآبعه واحيآنآ بصمت

 

[أبو سلطااان]

هههه
القصه حلوه لكن زيدي الشخصيات من الأعضاء خلينا نعيش نفس القصه الأوليه

يعطيج العافيه

 

[Ąℓŋ3αỉмỉ]

ههههه خلوها على راحتهــا ..
عمر ما شاء الله .. اخذ الأولى قبل .. ههههه
.
.
بالإنتظــار .. :4f7c50bc2e7eee3c450​

:a'9arb::a'9arb::a'9arb::a'9arb::a'9arb::a'9arb:

 

[أم أحمـد]

ههههههههه
متاابعه
^^
احتراماتي
سويره