حلى السنكرس من تاليفي

[الشامسية]

السلام عليكم ورحمة الله وبركاته ​

مبروك عليكم شهر رمضان ​

اليوم سويت حلى السنكرس وقلت اخبركم طريقتي ................ يا ليت يعجبكم .....الحمد لله في البيت وايد عجبهم ................... يالله نبدء باسم الله .​

المقادير :​

طريقة الكريمة :​

2 ظرف دريم ويب
3 حبات جبن كيري
قشطة وحده
2 فنجان ماء بارد
2 ملعقة طعام حليب بودرة
ملعقة فانليا ​

الطريقه :​

نخلط جميع المقادير مع بعض بالخلاط الكهربائي حتى تصير متضاعفة في حجمها ( يعني يزيد حجمها )
نتركها على جنب​

ثم نحضر وعاء ونحط فيه ( ماء+ حليب بودرة )
كالتالي​

ثم نحضر صينية زجاجية او اي نوع تحبونه
انا عن نفسي جبت صينيه من الزجاج وبعدين جبت بسكويت أولكر وغمست حبة تلوى الاخرى في الحليب وصفيته في الصينيه كالتالي​

وبعدين حطيت عليها نصف الكريمة​

وهنيه بعد ما وزعناه​

وبعدين مرة ثانية البسكويت ونغمسه في الحليب ونحطه فوق الكريمة ​

ونرجع نحط على البسكويت الجزء الثاني من الكريمة​

ونحطه في الثلاجة لحد ما نسوي صوص السنكرس ​

المقادير :
4 حبات اسنكرس كبير + 3 ملاعق حليب ​

اولا :​

نحضر قدر ونحط فيه 3 ملاعق حليب ( من الحليب الباقي الي غمسنا فيه البسكويت ) طبعا فهمتوا + السنكرس ​

طبعا نحط تحته جدر فيه ماء ونحط فوقه الجدر الي فيه السنكرس والحليب
ونحطه في النار​

نخلطه بالخلاط اليدوي لحد ما يصير نفس الصوص​

ونصبه فوق المقادير السابقة​

وبعدين ندخله الثلاجة ( الفريزر علشان تجمد شوي تقريبا لمده نصف ساعة بس ) ​

وهذي قطعة لكم​

وبصحة وعافية ​

ان شاء الله تعجبكم​

 

[اثير]

لا اله الا الله

 

[جرووح دفينه]

يم يمي

شكلهااا لذيذه

يبالي اجربهااا

تسلم ايدج خيتوو

 

[موت وميلاد]

يلا سويلنا اياها مرة ثانية عيبتنا

خخخخ عقولتج السنكرس غلا صار 3 دراهم هههه

تسلم ايدج 000

 

[أسطورة بنفسي]

شكلهآآآآآآآآآآآآآ مشهي

بجربها للعيد

يسلمووووو

 

[شووق قطر]

يــــآآآآآآآآآمآآل العآفيه وآلله

تسلم الآيآدي ع الحلوو الزيييييز

 

[ريمّ تواقّ]

يسلموووووووووو الصراحة
شكلها

تشهي

يسلمو
ربي يعطيج العافية
وتسلم ايديج :a054:

 

[راعي صوغة]

ماشاء الله عليج اختي

وصفه سهله ,,

وشكلها غاااوي والله ..

الف شكر لج اختيه

وتستاهلين التقييييم

 

[قطوة البريمي]

بالنسيكرز ^^

يا حلاتها والله

اكيد بتكون طرر ^^

يسلمو ع الطرح ..

 

[راعية البورش كاين]

يمي يمي حلو

 

[سنيوريتا]

ما شا الله حلو
سلمين اختى

 

[الشامسية]

مشكورين على المرور الطيب​