قصيدة عتب...

[حلاتي في عيونيR]

وقت العتب راح لاترجع تعاتبني
مات الوفا والبقا في راس وجداني..

ماني مثل ما انت خابرني وتحسبني
فلان الاول اصبح واحدا ثاني..

خلاص مات الهوى لاتهدم وتبني
تركتني لين جا النسيان ناداني..

العام ادوّر سبب منك يقربني
واليوم ادور سبب عشان تنساني..

بعثرتني في هواك اليوم رتبني
نسيتني الناس شفني صرت وحداني..

كان السهر في هواك اللي محببني
والحين حتى السهر يكبر على اجفاني..

اجيك يمحيني عتابي ويكتبني
مافيه طاري عتب يمر ماجاني..

وارجع وانا اقول: وش للجرح جايبني
ادري بجرحك ولا ادري ويش وداني!!

عن صدق الاحلام جا الواقع وكذبني
وعن فرح الايام جا حبك وبكاني..

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

بكيتك العمر كله يامعذبني
وشفيك ماتبكي الليله على شاني..

كتبت ماهو عشان تقول عاجبني
مليت من جزله وصح الله لساني..

انا وطن شعر لو شعري مغربني
كتبت اجمل جروحي لجل تقراني..

خلاص لاتتعب وترجع تعاتبني
انا نسيتك دخيل جروحك انساني..

مع خآآآلص حبي ...حلاتي في عيونيR
أنتظر رايكم فالقصيدة

 

[اصعب أحساس]

يسلموووووووووو حلو حلو الشعر استمري كذاك

 

[موزة النعيمي]

مرحبآ...
بداية مرحباج الغاليه في المنتدى وفي قسم الشعر..~
وبصراحه القصيده مافيها حيله بس يبالج شوي ادققين على الوزن

ودام ابداعج يارب.
تحياتي
خويتج: يزوووي:clap:& عيوز دوت كوم& أصعب احساس​

 

[أم أحمـد]

ابدااع × ابدااع
كلماات جميله على نغمه اجمل
تتسلل الي الوجداان
لترسم لوحه من جفا المحبوب
ابدعتي في ما خططتي
تقبلي مروري المتواضع
سويره ​

 

[حلاتي في عيونيR]

يسلمووووو عالمرور.....تحياتي....وإنشالله تشوفون الأروع والأحسن


حلاتي في عيونيR

 

[بنت المقابيل]

كلمات راقية وأكثر من روعة

القصيدة ما عليها رمسة بس يبغيلها شوية ضبط في وزن


دمتي بهذا التألق

تسلمين

 

[ريمّ تواقّ]

يعطيج العافية خيتوه
ماشاءلله عليج شاعره
يالله مثل ما قالوه خواتي
يبالج اشوي فالوزن
وان شاء الله راح تكونين شاعره :3ash:

 

[قيادة حرس الرئاسة]

يسلمووو .. صح لسانك ..

 

[بيـاض السحـب]

حلاتي في عيونيR

أبيات رائعة وجميلة جداً

وبداية موفقة لقلم يريد أن يحلق بسماء الابداع

سلم نبض قلمك وبوح فكرك الراقي

فدمت ودام تواصلك معنا

 

[فـيـ الـكـعـبـي ـصـل]

صح لسانج يالشاعره .. وابصراحه قصيده في قمة الروعه

 

[الجوهرة الثمينة]

يسلمو فديتج كثير حلوة
بس مثل ما قالت اختي اليازيه لو اتدققين بالوزن رح تطلع كثير روووعه
ننتظر جديدج​

 

[ريح الحزن]

كلمات رائعه بروعة حضورك الجميل
دمتي ودام لنا عطائكِ المميز
ولكِ ودى وتقديري

​

 

[أمواج هادئة]

كلمات حلوووه ..

تسلمين عليها ..​

 

[غلا السعيدي]

:nocomennt:آكثر من رآآآئعه كلمآآآت معبره وآآحسآس ممتع

شكرآ لآنآملك آالمتآلقه

دمتي بود

تحيآآآتي :غلآ آلسعيدي

 

[مس سارة]

يسلمووو ع النقل الفانتك​

 

[ساعديه طر]

وعليكم السلام ورحمة الله وبركاته

صح لسان قايلها وتسلم ايدج عالنقل الطيب

كلمااات في قمه الروووعه ..والاحساس

منوره القسم بطرحج عسى نورج يدووم

تحياتي لج​