صنع ايديا وحيات عنيا ^^

[ميره]

السلام عليكم ورحمة الله وبركاته

اول شي اخباركم عساكم مرتاحين ...


يالله شباب سكرووو باب المطبخ خلونا نعرف نشتغل عدل لول

صباياااا يالله شدووو حيلكم ترا المقادير سهله ^^

..............

بسكوت الهلال

المقادير :

2 كوب دقيق
كوب لوز مطحون او بندق حسب الرغبه ( حتى لو ساده حلو يطلع ) مجربه كل الطرق لا تخافون ^^
كوب زبده طريه
ثلاث ارباع كوب سكر ناعم
ملعقه فانيليا
صفار بيضه وحده
ربع ملعقه من كل من ( الهال المطحون والقرفه والزنجبيل والملح)

للتغطيه :
سكر بودره


الطريقه :

اخلطوو صفار البضه والفانيليا والسكر الناعم والزبده مع بعض لين ما تصير مثل كريمه
ومن الناحيه الثانيه اخلطووو الطحين والملح والسكر والزنجبيل والقرفه والهال مع بعض

بعدين امزجووو الخليطين مع بعض بتصير عندك عجينة بسكوت
واذا كانت لينه وما تتشكل زدووو طحين >>>> طريقتي السريه هههه


المهم ...

بعد ما تحطلون على العجينه
شكلهوها على اشكال الهلال يعني تاخذون قطعه صغيره لان راح يزيد حجمها بالفرن وتحاولون
تشكلونها بحيث انها تكون متينه من النص ورفيعه من الاطراف وبعدين تعطوها الشكل القوسي
وبتظهر لكم كأنها هلال ^^
كما هو موضح بالصوره ....



دخلوها الفرن بس تكتسب اللون الذهبي الفاتح
ولا تشلونها على طول لانها راح اتكون طريه دقيقتين من بعد الفرن بعدين شيلوها



خلوها تبرد على راحتها ورشووو فوقها السكر البودره ^^



وصحتين وعافيتين ^^"


همسهـ .... الصور من تصويري الخاص ^^​

 

[سجين القلم]

ميرة لا لا لا شو هذا الفن فطبخ


بصراحة كنت شارد من الدوام ومتغدى


حدرة المنتدى وشفت الموضوع والصور


والحين احس بجوع فضيع مرة ثانيه بس


لو سويتي خير وطرشتي حد ايبلي شوي هههه



مشكورة على الاكله الطيبه ولي تفتح النفس ونترقب


يديدج دمت بود ​

 

[ميره]

هههههههههههههههه
خلاص المره اليايه بيكون لك نصيب الاسد من البسكوت

تسلم نايف اخجلتني يعني شكله حلو ^^

عساك ع القوه لا هنت

 

[دايم الشوق]

بصراحة شكله مب لين هناك ... لكن دامها الطبخة منج .... فأكيد بـتكون لذيذة ....




تحيااااااااتي

 

[gmar]

غاليتنا ميره

اشكرج على المقادير وعلى الصور الداعمه للموضوع ....


وشكلج طباخة ماهره فلا تحرميني من ابداعاتج المطبخية .....



دمتِ بود ....

 

[ميره]

دايم الشوق

امممممم صح كلامك انا بعد مب مقتنعه بالصور
بس شو اسوي هذا اللي طلع وياي

ان شاء الله المره اليايه يكون الوضع احلى لول


قمر

تسلمين الغلا على دعمج المعنوي
عساج ع القوه لا هنتي

 

[كيـِـآטּ]

تسلمين أختى ميرة على البسكويت الحلو.... نترقب

جديدك في عالم الطبخ.... دمتى بود​

 

[سافيولا]

واووووووووووو لذيذ اممممممممممممم حلووووووووووو اكله شهيه ابصراحه


تسلمين وتقبلي مروري



تحيااااااااااااااتي

 

[منوة الروح]

يلا شكرنا باب المطبخ وبدينا نشتغل ونطبخ والعده موجوودة ^_^


تسلمين حبوبة وان شاء الله بجربها

 

[سعود الظاهري]

تسلم يدينج على المشاركه الرائعه وان شاء الله الكل يستفيد منها

لا عدمناج

تحياتي