يابحر فيني من الحزن كثر ما فيك

[كحل العيون]

بسم الله الرحمن الرحيم​

السلام عليكم​

كيفكم ان شاء الله بخير وصحة​

يـابحر .. فيني من الحزن .. كثــر مافيـك ..
من حزن .. وأوجاع .. وغيـــاب .. وغـــرايب !!

لاتلومني إليا شفتني .. دايم أجيــــــــــــك ..
ولاشفتني دايم .. على الشـــــــط .. ذايـــــــــب !!

حزني كبير .. أكبر من حدود .. شــاطيــك ..
وأقسى من جروح الزمان .. العطــــــــــــــايب !!

وإن كان تنشدني فـ أنا .. مقـــــدر أخفيـك ..
دايم اظن .. ويطـــلع .. الظــــــــــن .. خـــايــب !!

في هـ الزمن .. أقرب حبايبك .. يشقيـــك ..
إليـــــــــن تدفع في غــــــــــــلاه .. الضــــرايب !!

من بعد هذا .. يبتعد .. عنك .. ويجفيـــــك ..
ماكنــه .. بـ جنبك .. قضــــى الوقت .. طـــايب !!

وإلا .. الخوي اللي توقعت .. يفـــــــــــديـك ..
يفديك عمــره .. لاغـــــدت بك .. نشـــــــــايـــب !!

صد .. وتصدد .. مايبي .. سمــع .. طاريــك ..
وياما .. أنت .. دونه .. أتعبتك .. الطــــــــلايــب !!

لاتقــول لي .. بــدري .. وتـــــوك .. ويمديك ..
وتعال .. وأسمع باقي الهرج .. صــــــــــــــايب !!

خلك بـ حالك .. وأطلب الرب .. يهـــــــــديك ..
ولاتنشد اللي غاب .. ويــــن أنت .. غـــــــــايب ؟؟

وإن شفتـــني غايب .. عن حدود .. شاطيك ..
أعرف تراني .. تحـــت .. ذيـــك .. النصــــــايــب !!

وأعرف تراني .. دايم إن ضقت .. بـ آجيك ..
لأني .. أنا .. والمـــــــوج .. صــــــرنا .. حبايب !!
​

 

[صقر قريش]

يسلمووووووووووو على هالخاطره الطيبه

 

[كحل العيون]

يسلمووووووووووا اخويه صقر قريش ع المرور

 

[الخنبشي]

وأن شفتني غايب عن حدود شاطيك
أعرف تراني تحت ذيك النصايب
وأعرف تراني دايم ؟إذا ضقت :بآآآآآآآآآآآجيك"
لاني أنا والموج صرنا حبايب..!!

أختي كحل العيون..من الواضح انج صاحبة ذائقه جميله
وأحساس مرهف ..

والله يبعد عنج الحزن ..

دمتي بود

 

[كحل العيون]

تسلم اخويه ع المرور الغاوي
والله يبعد الحزن عن كل مسلم

 

[ترحال]

يسلموو كحل العيون هالاختيار الحلو...
بصراحة خاطرة ف قمة الروعة...

 

[كحل العيون]

تسلمي يالغلا الظبيانية
انت الحلوووووووووه

 

[انا بنت البادي]

في هـ الزمن .. أقرب حبايبك .. يشقيـــك ..
إليـــــــــن تدفع في غــــــــــــلاه .. الضــــرايب

صح لسانك خيووووووووو
سلمت يمينك

 

[كحل العيون]

صح ابدنح ختيه انا بنت البادي
فديتج يسلموووا ع المرور الغاوي