فزعتكم - ابغي احسن شركه مقاولات في البريمي باسعار تنافسيه - عرض للاصحاب المقاولات

[البريميه]

السلام عليكم
كل واحد يقول عن تجربته في البنيان و تجربه تعامله في شركات المقاولات


بصدق و امانه لاني ابي استفيد من تجاربكم في البنيان في البريمي و اتفادى الاخطاء قد المستطاع و ابغي اسماء الشركات المعروفه بالالتزامها و بنيانها الجيد و طبعا بأسعار تنافسيه مقبوله و مب اسعار خياليه


عندي تحدى - و ابغى ابرهن اني اقدر ابني بيت في البريمي احسن من بيوت مسقط و بنفس التكلفه او اقل

لان في ناس قالوا لي مستحيل و الشركات تعبانه و اغلب البنيان بتان و افغان و بنيانه تجاري ما ينفع

اللي مستعد يوقف معاي في هذا التحدى و يساعد بتجربته يتفضل و اللي يمر للقراءه تكفيني دعوته بالخير ...


انتظركم كلكم

 

[البريميه]

اعتمد على ارائكم و صدقها يؤثر في قراراتي

فلذلك بليز لا تمرون على موضوعي الا و الكل مشارك بتجربته

 

[الخنبشي]

أتمنى لج التووفيج أختي البريميه

بصراحة مااا جربت أدخل مجال المقاولات..

ومثل ماا قلتي عندنا البتان والأفغان هم عمال البناء عندنا >>والهنود السيك شغلهم أحسن عن غيرهم على حسب علمي..

وربي يسر أمورج وتووصلي لغااايتج.

مووووفقة بأذن الله

لج ودي وحترامي..

 

[Ąℓŋ3αỉмỉ]

بالتووفيق

مااعندي شي اقوولهــ

 

[البريميه]

معقوله محد ياله و بنى بيت او فيلا و تعامل مع شركات المقاولات او مقاول زين و سمعته معروفه ؟

 

[البريميه]

سبحان الله و بحمده سبحان الله العظيم

 

[سنيوريتا]

ربــــي يوفقج

 

[لعيونكـ أشتاقـ]

بالتووووووووووووووووفيج

 

[صقر قريش]

اتمنالك التوفيق

ما اقدر افيدك بشي للاسف

 

[المنصـــــــــوري10]

السلام عليكم اختي بريمية اختي بريمية هنى في المنتدى اغلاب الاعضاء طلاب مدارس او كليات والقليل منهم غير ذلك ولم يسبق لهم انا خاضو في هذا المجال ولكن ما يمنع انج تنزلي موووضوعج يمكن احد الاخوان جرب وربي يوققج اختي

 

[كلكجي]

شو تقول هذي والله ما فهمت شو تبا ؟ انتي تبين تصيرين مقاوله خخخ

 

[cute-girl]

شركة الفوعة الزاهية للمقاولات >>>>>

 

[ALSH@MSI]

مرحبا اختي


عندج مقاولات صروح الدار موقعهم قبل الادعاء العام


صاحب الشركة ما فيه حيله لايغش ولا يبغي حرام وشغله مرتب

 

[غصن الريادي]

السلام عليكم - عليكم السلام ورحمة الله وبركاته
كل واحد يقول عن تجربته في البنيان و تجربه تعامله في شركات المقاولات - كتجربة اول شي كل مقاول يختلف عن الثاني
ولكن بالنسبه لي انا بنيت وجبت الاغراض بنفسي وخليت شغل ايدهم فقط
اتحكم بهندسة المبنى على ذوقي والكميه الي ابيها والشكل والتصميم الداخلي وكلً على حسب ذوقة
طبعاً العمال يبيلهم وقفة ومتابعه يومياً مع بذل شوي من الجهد حتى نوصل للشكل المطلوب


بصدق و امانه لاني ابي استفيد من تجاربكم في البنيان في البريمي و اتفادى الاخطاء قد المستطاع و ابغي اسماء الشركات المعروفه بالالتزامها و بنيانها الجيد و طبعا بأسعار تنافسيه مقبوله و مب اسعار خياليه


عندي تحدى - و ابغى ابرهن اني اقدر ابني بيت في البريمي احسن من بيوت مسقط و بنفس التكلفه او اقل

لان في ناس قالوا لي مستحيل و الشركات تعبانه و اغلب البنيان بتان و افغان و بنيانه تجاري ما ينفع

اللي مستعد يوقف معاي في هذا التحدى و يساعد بتجربته يتفضل و اللي يمر للقراءه تكفيني دعوته بالخير ... ((( مستعد ) فالش الطيب


انتظركم كلكم

بس اذا تبين مقاول صدق كتجربة الي هوه ( شركةابو احمد البادي للمقاولات ) الكائن قرب مخبز السويداء وهو صاحب مخبز السويدا الحديثة

والي ماسك المشاريع ومديرة اعماله هو ( خليفة راشد مسلم البادي)99883331

وهاش ارقام تيلفوناتهم المكتب - 25652306
واتمنى لش التوفيق

اخوش غصن الريادي

والسموحة على التاخير في الراد

 

[جسووم]

ما عرفت شو المغزى من الموضوع وهالسوالف فيها تـ ح ـدي بـ ع ـد !

عسى الله يوفقج ان شاء الله يا ربي !

المهم وايد عنا مقأولين والنعم فيهم !


أنا بنظري أنه الشبول كل شغلهم بضمير ! بس مـا أضني عندهم تحدي وهالسوالف عندك فلوسك فالك طيب !

 

[علي بن سيف الساعدي]

العمال اللي يشتغلون بمسقط هم نفس الجنسيه اللي يشتغلون بالبريمي او غير البريمي

واحسن مقاول ابواحمد البادي والكل يعرفه بس يقولون شوي اغلى عن البقيه لكن بناينه زين وما يغش احد ويبني كانه قاعد يبني حق نفسه

عندج بعد مقاولات مكتوم الساعدي بالبريمي

مكتبهم عدال كهرباء مجان بنفس مكتب مرجان الخليج للعقارات

 

[البريميه]

مشكورين و الحمد لله لقيت ردودكم تبشر الخاطر و انا بسجل كل المعلومات المطلوبه

لكن ابو احمد مغلي الله يسامحه و نحن يا دوب هالراتب - ان شاء الله خير و اشكر ردودكم و اتمنى يثبت هالموضوع عسب الكل يستفيد .

 

[مروض الكهان]

... |


على حسب الشغل بتحصلي المقاول ...


يعني كلن بيمدح شغله ..

 

[حول البريمي]

السلام عليكم
نحن مستعدون للوقوف بجانيك
موسستنا تحما اسم حوّل البريمي للتجارة والمقاولات العامة
عندنا عدة مشاريع واسعارنا سوف تعجبك ان شاء الله
للتواصل 92772339 او 0506933782
ابو انور