مسجات من تليفوني :)

[من لي غيرك]

صدفة تذكرتك وانا ماني بناسيك

واشتقت لأيام بها كنت وياك

ذكرت حلم مات وأحياه طاريك

وحب غدا مابين همك وذكراك

ليتك تشوف الي من الناس يغليك

مسجون بأسوار الزمن كيف يلقاك



ضايقه بالحيل محتاجه اشتكي

لولا طبع فيّ يمديني شكيت

بس أدور عذر عشان البكي

لو يدوسون بطرف ثوبي بكيت

كل ماجيت اتريّح وارتكي

يزدحم في خاطري ألفين بيت

ويش بيدي أفعله غير الحكي

قاصره خطوات رجلي لومشيت

أسرعي يانفس موتي وأهلكي

صرتي همي يوم بالدنيا شقيت




راح الزمان..

اللي به من الناس وافين..

وجانا زمان ليتني ماحضرته..

اللي تعرفنا عليهم كثيرين..

ومحد أخذ قلبي مثل مااخذته..

اسمك وهو اسمك على الراس والعين..

وقدرك لو اقدر اجمعه ماحصرته..



ليت العمر شريط تسجيل ينعاد

وأعيد أجمل مامضى من حياتي

أعيد لحظات قريبات وبعاد

لحظات تحمل أجمل ذكرياتي

ايام كنا لأطيب قلوب رواد

يوم الشمل ملتم قبل الشتاتي



أسمـع صـدى صـوتك وأدورك ويـن إنت

وأصيـح بين النـاس سامعـك وينـك

ردوا علـي النـاس مـسكـيـن يـاأنت

اللي سمعتـه بيـن نفسـك وبينـك

الصـوت هـذا مصـدره داخلـك انـت

فـي وسـط قلبـك سـاكـن نـور عيـنـك



اكذب عليك ان قلت بعدك شي عادي

أضحك وانا من جور الأيام مجروح

جرح توسط في حنايا فؤادي

وليت الجروح ضيوف ويومين وتروح

بعثر ورقنا هالزمان الرمادي

وأصعب شي على الانسان هي غربه الروح



في غيبتك غابة عيوني عن النوم

وين أنت ياللي مبتعد عن نظرها

عز الله إني صرت تايه وجنون

ماعاد أميز يومها من شهرها

إن جيت أسلي خاطري عنك وأهيم

صرت النظر والعين تتبع نظرها

 

[السَعيدي]

تصدجي معضم المسجات اذا مب كلهم في جهازر
خخخخخخخخخخخخ

بس واااايد حلوا اختيارج


تسلمين وخلينا نشوف يديدج

 

[سعود الظاهري]

من لي غيرك. مسيت بعطر ..

تعقيبي مختصر يا من لي غيرك

شكرا لأختياراتك الحلوة ..

كون كما أنت بشفافية وضياء وخير ..

تحياتي ..

الظاهري

 

[من لي غيرك]

الأرجنتيني البار ،،، يسلموووو ذوقك بالرد


الظــــــــــاهري مشرفني بوجودك أخوي وردودك الحلوة ^ـــ^ الله يخليك

 

[omani hack]

الف شكر اختي على الكلمات الطيبه

تحياتي

تقبلي مروري