هل تتوقعون أن في حب لدرجه الحبيب يموت عسب حبييته؟؟

[حلا بدويه]

مرحبا بكم في موضوعي..

بقولكم قصة واقعيه وحابه تقولون رايكم فيها..طبعا القصه صارت لوحده عزيزه ع قلبي
والقصة مستويه من شهر تقريبا..

مريم..عمرها19 وتدخل الشات من 3 اشهر و واااايد شباب تدردش معاهم..طبعا سوالفهم
عااديه مثل :أنتي من وين؟؟وشو اسمج؟؟ومريم تعطيهم معلومات غلط عنها..
وتدردش مع الشاب يوم وااحد وبعدها مباشراً تحذفه من قائمة الاصدقاء الخاصه فيها بالشات..

وفي يوم صادفت وااحد من الشباب(أسمه أحمد وعمره 22سنه وهو مريض بالقلب ويتعب
بسرعه)دردشة معاه اسبوعين وكانت سوالفهم عااديه مثل:شخبارج؟؟كيف صحتك؟؟كيف
الدراسه؟؟...الخ

أحمد دايما يقول لمريم أنه يحبها بس مريم ماتصدق أي من كلامه_معقوله حبني وفهالاسبوعين!!_
وبعدها احمد عطاها رقمه وهي من النوع اللي بسرعه تحفظ. وحفظت رقمه..وحذفته من قائمتها
فالشاات وظهرت من الشات للابد.....

دقت رنه لاحمد ومباشراً عرف انها مريم..وتواصلت معاه ع رقمه الخاص اسبوعين وكانت
بينهم مسجات بس وكلمها3 مراات..وعرفت مريم ان احمد مريض..
احمد قال لمريم:لو خليتيني بمووت وانا والله راح اخطبج..
مريم مااهتمت لكلامه.و ف يوم صار بينهم سوءتفاهم وقالت مريم:انا بخليك للابد ولاترسل خلاص..أحمد تعب ونقلوه للمستشفى وحالته
في أول يومين خطره ولمن تعدى حالة الخطر بقى فالعنايه لكن حالته تتحسن وترجع تتدهور
والسبب مريم..
مريم ماعرفت باللي صار وكانت ترسل بس مافي أحد يرد..الا ف يوم رد عليها رفيج أحمد وقال لها
باللي صار لاحمد..
بعد 5 ايام كلمت احمد وتأسفت منه طبعا فذاج الوقت احمد كان مايقدر يرمس كان بس يسمعها
وفاليوم الثاني تحسنت حالة أحمد للافضل مع أن الطبيب يأس من ان أحمد يقوم بالسلامه..

أحمد حاب يتواصل مع مريم ويخطبها بس هي رافضه فكرت التواصل..

شو رايكم فالقصه؟؟ وشو رايكم هل تتواصل مريم مع أحمد والا لا؟؟
وهل احمد يحب مريم من وجهة نظركم ؟؟
وهل تتوقعون فيه حب بهالزمن بهالدرجة؟؟


انتظر ردودكم....

تقبلوا تحياتي
حــــــــــــــــــــــــــــلا بدويـــــــه

 

[Ąℓŋ3αỉмỉ]

ومالحب ماا قتل

....

بصرراحه اذ الريال صادق بمشااعرره واحسيسه ليش مااتبادله الشعوور

....

ولا بس الريال هم اللي يلعبوون بمشااعر البنات ..

....

 

[واسع الصدر]

ردينا لسوالف الحب

مع انا تناقشنا وتكلمنا عن هالمواضيع

اختي شو فايدة هالموضوع مع احترامي لج

لا يسمن ولا يغني من جوع

ولو تلاحظين انه كل المواضيع الي تطرح هالفتره فالقسم هذا

هو عن الحب

فيه بنات واولاد صغار
المواضيع هذي تجرهم

وتعلمهم لا هم بيستفيدو ولا نحن

ياليت البعد وكل البعد عن مواضيع الحب وامثالها

لنها صارت الصحن المفضل لكل المنتديات

دليل على صغر اعمار الاعضاء ونه لا يشغلهم غير الحب

انتم تشجعون هالاعمار الصغيره والمراهقه على هالسوالف

بطبع الغريزه وحب التقليد

الله يهدي الجميع بس

 

[باب بيتنا]

تتواصل معه بس بشروط انه هو يخبر خواته انه يحب مريم ويعرفها ع خواتها عشان تضمن ان ما يضرها
وبعد في الف طريقه وطريقه عسب تتاكد انه يحبها وبيخطبها

 

[سنيوريتا]

الله يهديهم

 

[الــــ ع ــــنــــود]

لا تعلـــــــــيـــــــــــق

 

[تنتــــووون]

,,,,,,,,,,,,,,,,,,,,,,,,,,,
,,,,,,,,,,,,,,,,,,,,,
,,,,,,,,,,,,

صح كلام واااسع الصدر

كل مواضيع النقـــاااش تتكلـــم عن الحب تعبنـــااا

كثر ما نرمس في نفس الموضوع

اسمعي الغاليه وافهمـــي شي واحــد

اللي تتكلمين عنه يقص على البنت مافي شي اسمه حبها من اسبوع وبيموت عشانهاا

وابــويه انا

اسمعيي وربيعــتج بس لا تزعلين مني خفيفه

ليش تشل ارقم مافكرت في اهلها

وخليها اتشل الافكار من راسهاااا

,,,,,,,,,,,,,,,,,,,
,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,

 

[روح الشبلي]

اذا كان صدق يبها اي يخطبها اذا يحبها
بيكون صادق وبي يخطبها ام اذا ما كان
يحبها بيقول بي اخطبج بس ما بي ^_^
هههههه ها راااايي
تحـ غندووره ـياتي

 

[اثير]

بصراحه ملينا من قصص الحب والخرابيط

اصلا كيف تجرأت تتصل فيه ؟؟ لابعد ع طوول حشه كيف ضمنت هالريال ووثقت فيه ؟؟


وبعدين يختي الحب ما ايي بهالسهوله معقووله ؟؟
انا بصرااحه اقوولج
خليها اطبه واتقوله جان تبااني ها رقم اخوي ولا ابوي
والسلام ختااام

 

[أ‡أ،أ£أٹأ­أ£]

هل تتوقعون أن في حب لدرجه الحبيب يموت عسب حبييته؟؟

هيه ليش لا يصير
وانا واحد كنت بقتل عمريب عسنت وحده من كثر ما احبها
بس اقولكم شى
يا ريت لو البنات يستاهلن هالشسى
تقتل عمرك عشانها وهيه عندها ميت واحد غيرك

 

[Echo of Faith]

يسلمو ع الموضوع الرائع

مابعرف الصراحه القصه كتير مؤثرة بس بزمنا هاد
صعب تلاقي حد صادق والصادق صار ما عم يتصدق لانو كتير
من لامور صارت خلت تصديق الشخص صعب

الله يرحم زمنات أبأنا