العا(هدوء)صفه
¬°•|عضًوٍ شرفُ|•°¬
مرحبا الساع
شحالكم
الزمان-- قبل عشر سنوات
المكان--- عند مطعم بابو
كنت متعود اروح مطعم كل يوم واكل من عنده
والهندي من كثر ما متعود علي كان كل يوم
يجيبلي اي شي جديد او ظافه على القائمه
المهم
في يوم
كنت يالس
واجاني بابو
وقال اليوم فيه عصير فريش وجديد((ع قولته فنان ))
((عصير فراوله))
لازم تجربه
فقلتله ما اريد
وما خلاني لحد ما حلف اني اشربه واجربه((ههه غصب))
قلتله خلاص سوي بس اريده بارسل
وفي ذيك الساعه صارت زحمه ع المطعم
وانا يالس انتظر العصير
وبعد ما لاعت كبدي وصل بابوه
وقالي سوري شغل زياده
وعطاني العصير وسرت عنه
ومن القهر لي فيني
يلست اجرب العصير ((الفنان))
بس كان طعمه غريب شوي
بس يله مشيت حالي وشربته
المهم
في اليوم الثاني سرت مع بابو
ومن شافني ياني يركض
ويقولي سوري سوري
والله نسيان انا
وانا اطالعه ومستغرب ((شو السالفه))
قلتله شو صاير
قال:
امس انت ما يشيل عصير مال فراوله
قلتله: هيه
فقال
انا حطيت حليب وسكر وماي وخلطته
وشغل زياده
ونسيت لا احط الفراوله
ههههههههههههههههه
وانا مسكين ولا عبالي شربته
بس حلف انه يسويلي مرة ثانيه وببلاش
وعاد ما رديته
هع
العا(هدوء)صفه
