تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="ĴǾҚЭŖ" data-source="post: 418561" data-attributes="member: 2748">السلام عليكم والرحمه اشحالكم .؟ عساكم بخير ونعمه ------------------------------------ انا واعوذ بالله من كلمه انا واخواني ما نخالط البنات وما عدنا خوات كبار  .. وما نتعامل ويا الجنس الناعم  بشكل عام ... الا اذا اقتضت الحاجه وهالشي اسميه عقده استقراطيه ومن اعراض هالعقده انك اتحب كل شي مؤنث ولاعه .. زنوبه .. غساله .. طباخه .. مخمه .. جلابيه .. يعني كنا منعزلين عن البنات ما عدا خواتي الصغار .... لين الله فرجها وقرر ابوي اييب لنا بشكاره تعاون الوالده ومن يوم يت البشكاره انا واخواني وراها وراها .. نمشي وراها .. ادش المطبخ  وحن وراها .. تسير الصاله وحن وراها .. تخيلوا اربع انفار وراها وراها وين ما راحت >> ما الومكم يالبدوان حتى الحمام لو ابوي يخلينا جان دخلنا وياها ... واذا رقدت نتم انا واخواني  منسدحين جدام غرفتها لين تنش .. نغسل الصحون ونخم البيت ونسوي كل اشغالها بس عشان تعطينا ويه   نوره>> يا لبى اسمها  يا ليتنا ما سرنا وراها عقب فتره اكتشفنا انها غبيه وبصراحه حرام انسميها جنس ناعم بالله عليكم شفتو بنوته يدينها وريولها وحتى لسانها متشقق ..؟؟ المهم يالربع توهقت في هالبشكاره تدرون ليش  لانها حبتني والمشكله شكلها ما يساعد بوصف لكم شكلها باختصار >>> تقول لوحه فنيه مسويها طالب في صف  الثاني مره من المرات رديت البيت ابا ارقد  وشفت رساله في غرفتي مكتوب فيها ((الى متى هالقسوه والتجاهل .. الا تدري كم احبك يا هذا .. الا تظن اني  فارسه احلامك .. لقد عرفت معنى العشق والرمنسيه من عيونك الفسفوريه ..وعرفت  الحنيه من لمساتك السحريه .. ماهو ذنبي اني احببتك كم اتمنى ان تحبني وتقول لي احبك بكل لغات العالم .. قلبي يهواك ارجوك ثم  ارجوك لا تجعل هالقلب ينكسر ولا تدع الاشواق تتلاشى .. الصفحه 34 .. مجله  سيدتي .. المرسله . نوره)) >>>> هالغبيه حتى رقم الصفحه  كاتبتنه المهم خذيت ورقه وكتبت عليها ... كلي تبن واسكتي ..  وحطيتها في  غرفتها .. وكملت رقادي وفي يوم ثاني كان وقتها الساعه 10 بالليل كنت راقد.. نشيت وسرت المطبخ ادور  ع شي يسد جوع بطني فتحت الثلاجه لقيت فيها فيران ميته من اليوع ..>> الله اكبر عذرنا ما نبا ناكل واسير اجابل التلفزون وهات وخذ ع الاغاني والفيديو  كليبات العربيه ما غير هيفا ونانسي وروبي وفجاه تظهر لي البشكاره وتقعد وياي بالصاله .. كنت مندمج بالاغاني والبنات الحلوات و فاج حلجي من الحلاوه والجمال تنط لي البشكاره وتقول : لا تصدق ترا هايلا اشكالهم شينه بس كله من المكياج  وانا اللي اطالع فيها وودي العن خيرها قلت لها  هب مشكله .. المشكله اللي  شينه بمكياج ولا بدونه قالت : انتو يالخليجيين أي شي ايبكم ويوديكم قلت لها : عدال يالتركيه .. وبعدين شوفي حبيبتي ليكون تغارين .؟؟؟؟ شوفي فديتج انتي لازم تغارين ع شي من مستواج .. يعني مفروض تغارين من  الثلاجه من الطوفه من الغساله ... لا تغارين من اشياء ما فيها مقارنه بينج  وبينه قالت : انته ليش تعاملني بقسوه ليش ما ادلعني .. قلت لها : شوفي حبيبتي ليش  ما تسيرين الدنمارك لان عندهم خبره في تدليع الابقار اشوي وتزعل مني ودموعها سوت نهر في الصاله مرت الايام وانا على هالحاله .. متعذب مع هالشينه صج قلبها طيب وحبوبه ... بس ويهها يقول اذا فيك خير قرب عقب شهور والحمدلله ابوي فرجها علينا لان الوالده طردت البشكاره لانها شافت ابوي يدق الباب على نوره وفي يدينه ورده حمرا ميته   >>> حتى ابوي رايح فيها ---------------------------------------- انتهى الموضوع نصيحه مني .. لحد يحاول يتقرب من البشاكير ولا مصيره بيكون شراتي >>  الاعدام شنقا بالرصاص </blockquote>

الإسم

التحقق