العاثرة
¬°•| عضــو مــهــم|•°¬
السلام عليكم ورحمة الله وبركاته
مر دهر و ... حطبه منذ ان كتبت آخر مواضيعي أو حتى تواجدت فالمنتدى
والسمووحه منكم على هالقطعه والغيبه الطوييييييله <<أدري اشتقتولي
Any way
الباااارحه يوم الخلايق نياما <<(عاشت العاثره الماجد)
كنت أمر بحالة أمساك فكري مستعصي والذي ينتج غالباً عن عقدة
أو لعنه أسمها (انتي حرمه)
أساس هذه اللعنه هو التقلب المزاجي الـ(رهييب) اللذي نمر فيه
فننتقل من حالة الـ( :belokan: ) إلــــــ..ـــــى الـ( :61: ) بلمح البصر.
على كلاً ..كنت خلال هذه الفتره الكسيفه ..
مستلقيه على بلاط الصاله البارد وعيناي مركزتان على السقف
( أدري الحين بتقولون اووه بلاط ..مااال أووول .. بس مالنا بكثر الحكي تراه يخيس الحلج)
عموماً ..وانا في حالتي تلك ..داهمني (روووحي يافصحى) أحساس الــ(ــيعل) ..
وهل منا من لا يعرف اليعل؟؟
اليعل حشره سوداء وتطير وتعلق فالشعر <<< يعني كلللللش الحين الكل عرفه
يعني ماعرف كيف أوصفه حقكم ..المفروض الكل يعرفه لأنه من التراث مالنا ..
عاد اللي مايعرفه يروح ينتحر لأنه اكيد مغشووووش ..
نعود لوصف حالتي اليعليه .. في تلك الوضعيه
اي وانا منسدح ع ظهري وأعاني من امساكي الفكري
تذكرت حال اليعل أول ما ينجلب ع ظهره .. حيث لا يكون امامه اي خيار آخر
غير الموووووت ...
صدق والله .. هو الحشره الوحيده اللي من تطيح ع ظهرها تلبد محلها لا ترفس ولا تدور ولا غيره
جنه مستبيع ويبا يمووت..
السؤال هنا هو هل يمر الرجال بتلك الحاله أو حالات مشابهه؟؟
طبعاً اكيد الكل يمر بتقلبات المزاج واللي حول هالشخص هم اللي يعانون منها غالباً
لكن كل اللي اريده من موضوعي اليوم اني احاول اخليكم تتفهمون الغير
مب دايم الشخص اللي متضيق يبا يتكلم ويقول شو اللي مضايقنه أحياناً المفروض نسد حلوجنا
ونيلس ساكتين ..بدل لا نتم نسأل (شو بلاك.. ليش متضايق..زين خبرني ...قوووول..) كل هالأشياء تضيق
الشخص أكثر وخصوصاً اذا كان الشخص متضايق وتقوله
بلاك زعلان؟؟)اثبتت الدراسات ان اكثر الرجال يعني بنسبة 95% تقريباً ما يحبون يتكلمون فالفترات اللي يكونون فيها متضايقين و وصفوا حالتهم بحالة رجل الكهف اللي يحبس نفسه فكهفه وما يظهر منه ليين يتعدل مزاجه وشبهوا الشخص اللي يحاول يخليه (يبأ اللي فألبوو) بالشخص اللي يوري ضو (نار) عند مدخل الكهف عشان يجبر صاحبه انه يطلع فيزيد حالته سوء.
بينما الحريم غالباً ما يكونن العكس يعني تتريا الواحد يقولها (بقــ..) الا وبتبدا تتشكى وتقول كلللللل اللي مضايقنها
بس فالأخير مب كل الريايل تفكيرهم وطبايعهم وحده ولاكل الحريم بعد
و صح شي ثاني قبل لا انسى..
أعتبروها نصيحه من يده لأحفادها..
إذاااااا .. ياكم شخص يشكيلكم الحال من موقف ولا مشكله ... أبــداً لا تلومونه
بينوله انه هو غلطان فالنقطه الفلانيه بس ساندووه كثر ماتقدرون لأنه ما اشتكى الا لأنه يبا حد يواسيه
مب يزيده هم وضيق.
هذا اللي عندي for now
تصدقون عاد .. وحشتوني وحش الوحييش
و وحشتني الكتابه الصرقعيه .. عاد اتمنى ان الموضوع
ما يكون ثقيل عليكم واني ما اكون غثيتكم فيه
هيه صح.. قبل لا انسى
اللي عنده (حلول) حق أمساكي الفكري لا يبخلبه عليّ
^_^
تحيـــــــــــــــــــــــــــاتي للجميع
العـــــــــاثرة
