غيثة السحايب
¬°•| مُشرفَة سابقة |•°¬
وهذا الخبز طبق شعبي خليجي تراثي
الحين بكتب لكم شو نحتاج حتى نسوي الخبر المحلى
جيله طحين رقم 1
فنجان سكر
القليل من الهال وزعفران وملح
3 بيضات
وسمن لمسح المقلاه عن يلتصق الخبز فيها وتفضل مقلاة التيفال حتى تسهل الشغل علينا
الحين الطريقه
نحط الطحين والبيض وسكر والهال وزعفران ونخلطه بماي دافي حتي تصير عندنا عجينه سائله
يعني نكثر الماي عليها حتى ماتصير ثقيله يوم نصبها ع المقلاة وتطلع وايد سميكه
بعد مانعجنها نخليها ترتاح ساعه وبعدها نرجع لها ونسخن مقلاة التيفال
ونخلط العجينه ونبتدي في صبها ع المقلاة مع التحريك حتى تعطي سطح المقلاة
بعد مانشوفها نضجت نقلبها ع الجنب الثاني
لين نخلص العجينه اللي عندنا
وهذا شكل النهائي للخبز المحلى
ولاتنسون السمن العربي والعسل تراه شي اساسي في نجاح خبز المحلى
وبالعافيه
.........................
