لا تسوق اذا ما عندك لسن ...

[Mshaks]

السلام عليكم والرحمه​

اشحالكم .؟
عساكم دبل كيك ​

----------------------------------------​

هالموقف تذكرته اليوم وقلت شو وراي خلني احطه لكم
كان عمري وقتها 15 سنه ​

-----------------------------​

في يوم من الايام الوالد ياب هنود عسب يسون صيانه للمطبخ ويغيرون الاثاث وجيه
ومن نحاسه هالهندي ان عنده سياره ​

والسياره فيها المفتاح
وبحركه خطافيه ركبت سياره الهندي ويلا ع السوق ​

وطبعا ما عندي ليسن ​

وبينما وانا احاوط بالسياره (( عباره عن كورولا موديل 98 ما فيها درايش ولا ابواب ))​

مشغل اغنيه هنديه ومستانس عليها
وكانو الخلق يطالعون فيني اول مره يشوفون موتر بهالحلاوه
وقفت عند الاشارات واشوف واحد يطالع فيني
قلت له خير يا بو الشباب ضايع لك شي في ويهي .؟
قال : قد شفتك في مكان بس ما اذكر
قلت : هيه ترى يقولون مايكل جكسون يشبهني
قال : لا لا انا شفتك في مكان
المهم الاشاره تولع وادوس ع الريس
شفت السيارات صافه طابور
اقلت اكيد الدعوه توزيع اراضي
اتريا ايي دوري ويعطوني ارض ببلاش
الا واشوف شرطي يقولي الليسن والملكيه
قلت له يا حسافه الملكيه ضايعه والليسن موجود في البيت
قالي كم عمرك .؟
قلت 15
وعندك ليسن
قلت : عادي تصير مرات ..ترى اصابع يدك هب سوى
قالي افتح الدبه
فتحت الدبه والا يشوفون كرتون متروس نسوار >> نسوار شي يستخدمونه البتان ويحطونه تحت البراطم وريحته زفته
الا والشرطي يصارخ مروووج مرووج وياه مخدرات
وانا اللي اقول وينه وينه هالمروج
وحطو المسدسات على راسي ​

قلت له : شوفو يالربع ترى حركات الكيمرا الخفيه ما تمشي علي
يلا قولولي وين الكيمراا وينها
ولا اقولكم لا تخبروني بدورها بنفسي​

لا حياه لمن تنادي
كلهم يطالعون فيني وودهم يلعنون خيري
وبحركه بهلوانيه ادوس ع الريس باقصى ما عندي من قوه لين قال دنااا حمووت
واذكر الكورولا ما تمشي غير 90
بس هاك اليوم وصل لـ ميتين وثمانين من الخوف ​

ما اشوف الا الدوريات وراي
وانا ادوس ع الريس لين وصلت حدود سويحان
وفجاه
قال الكورولا (( عفوا البترول خارج التغطيه يرجى تعبئته في اقرب محطه )) >> جوال هب سياره
قلت له : مب وقتها ترى الشباب ورانا
قال : انزين شسوي لك >> حليله قام يرمس ​

لقيت خيمه وفيها ناس
قلت ما لك الا هيفاء ​

وادخل عليهم وقلت ابا قهوه
يابو القهوه وشربتها وعدلت راسي
قلت لهم : عندي طلب ويا ليت ما تردون طلبي
قال واحد منهم : افا وانا اخووو ليلى انته امرررر
قلت في ناس يلحقوني وانا ما سويت لهم شي
قال : ولا يهمك يالاسد حن وياك
قلت : الاسد امك ما تشوفني ادمي بلحمي وشحمي ​

المهم اعلنو حاله استنفار >> اشهد انهم رياييل
وصلو الشرطه ودخلو الخيمه قالو : ما شفتو واحد منحاش
قالو : شفناه هذا هو
قلت لعنبوكم
قالو : شنسوي كاتب القصه يبا جيه ​

بحركه خطافيه جلعت عمود الخيمه
وخذ وهات ضرب فيهم
مسكت راس واحد منهم وضربته في الخيمه وقال طررررررررراخ ​

عقب هالمعركه العنيفه قلت ابي اميي ابي ابوووي ابي بشكاره الجيران ​

قلت لهم : دنااا غلبان خذوني ​

المهم اكتشفو ان السياره مب لي
وطبعا خذيت لي اجازه في غرفه خمس نجوم لمده يومين في المركز ​

---------------------------------------​

 

[العيادة القانونية]

ميرسية...................ههع

 

[»̶»̶̥ м̽ɐ̲łќ 3̨̐τ̅н̲]

هههههههههههههها

عيل انا دعمت بسيارة ابوي و لا زخوني

 

[المنصوووري]

زين زين الله يعين بس خلاص لا تسووقون من دوون ليسن

 

[جرووح دفينه]

هاي قصه صدجيه ولا فيلم هندي.........ههههههههه


عيبتني مغامراتك وقريتها للاخر


تسلم اخوووووووووووووووووي

 

[ذبحهم غروري]

ههههههههههههههههههههههه

 

[مروض الكهان]

شااااايف لم اكشن ... ولا هندي

ما شاء الله وانت بطل السيناريو بعد ^^

 

[الكعبية]

ههههههههههه

مشكله اللي يسوقون بلا ليسن

دومهم يتطورون

بس الذكي اللي يقدر يشرد عن الشرطه ^^

 

[عۈد بطرآنيـے]

مستوي شاروخان حضرت جنابك .. بس جنك إلا تخارط عليناااا

 

[ЄỉмΘωεllά]

ههههههههههههه
خوِش سآآلفه بس آظني
زآيد شوِي منِ آلروِآيه جم سطـْرِ
هع هع

بسِ وِرِبي تجتل~
من آلضحكِ فلمِ هندِي تقليدِيِ ,’

هههههههه

آنسآنهِ

 

[الهادي999]

زين زين الله يعين بس خلاص

 

[special]

ههههههه..
عجيـــبه القصه,,

أحلى شي يوم تكلمت السيااره .. هاع..

والتعبير خطيــر..

تسلم عالطرح ^^..

 

[بنت ابوي]

ههههههههههههههههههههههههه
حلو الواحد يسوق بلا ليسن

 

[ظبيانية بريمية]

مغامرات مشاكس لاتسوق من غير ليسن

 

[غٌَ ـلآ بُنٍيً گـ عُ ــبُ]

<<<<<<<< ميته من الضحك وهي تقرى القصه

بتخبرك هذي قصه صدقيه ولا فلم هندي