عۈد بطرآنيـے
¬°•| فخر المنتدى |•°¬
- إنضم
- 7 أكتوبر 2009
- المشاركات
- 3,883
بلاك بيري يا عرب بلشـه
و الأوادم فيـه مربوشـه
و كـل شاب ٍ مرتبش ربـشه
ضايع ٍ في عالم الطوشـه
و كـل محضور ٍ نعم دشـه
تايه ٍ و ينبش عشوشـــه
و البنات بحيـل مغترشـه
و أصبحت الأفكار مغروشـه
حتى لونـه غيروا نقـشه
و خدروا شاشاته و حوشـه
لا تبين أشياء منخـشه
للملا و يشيع منبوشــه
من جلس منهم يا هـي طفشـه
على المسن و يتابع طروشـه
حد منهم في المسن عشـه
جالس و قايم على عروشـه
يرسل و يستقبل بلا نشـه
و الخبر onlin لا يحوشـه
عاد مثـله ينتعش نعشـه
و الفكر و النفس منعوشـه
و الخبر لـي ياه لا طـشه
غير نكتـه و صوره مغشوشه
و السوالف كلها دفـشه
و النوايا عاد مخدوشـه
هذا مع بوشهاب و يحشـه
و هاذي مع مريم مع عوشـه
ما عرفنا كيـف بندشـه
التطور زادت قروشــه
حسبي الله على الذي غشـه
بالسلع هالناس مغشوشه
حتـى أنا منهم في هالربـشه
ملتهـي في عالم الطوشـه
بلاك بيري يا عرب بلـشه
و الأوادم فيـه مربوشـه
حتـى أنا منهم في هالربـشه
ملتهـي في عالم الطوشـه
بلاك بيري يا عرب بلـشه
و الأوادم فيـه مربوشـه
كل منا مرتبش ربـشه
ضايع ٍ في عالم الطوشـه
ضايع ٍ في عالم الطوشـه
و السموحــه من جميـع حامليـن بلاك بيري ...
" الشاعر/علي بن مطر المزرعي"
التعديل الأخير: