مطلوب عمل هديه للعروس

[مشاعر البريمي]

هلا بنات البريمي شحالكن عندي ربيعه معرسه ومادري شو اهديها اتمنى تعطني افكار حلوه او اذا وحده تقدر تسويلي هديه وبنتفاهم ع السعر
ومشكورات واتمنى تردون علي

 

[البريميه]

حبوبه وايد هدايا ممكن تهديها

فكره - سيري عند خان الصابون و عندهم افكار و هديا مغلفه و جاهزه و صابونات روووعه

فكره - سيري عند البنفسج - محل لبيع البخور و العطور في البريمي و عندهم دخون حلو وايد نسيت اسمه
و خذي كميه و لفيه بشكل حلو او وديه بوادي مول و عندهم محلات تغليف راقيه و متطوره - فلبينيات

فكره - خذي دهن عود من اي محل موثوق - سيد جنيد مثلا او دهن العود جذاب من اجمل و غلفيه عند اي محل تغليف في بوادي مول او شارع الورد في العين - محلات التغليف و ما اظن في اروع م دهن العود الاصلي للعروس


تبين هدايا صنع ايدج - بسيطه : عندج دايسو - خذي منهم السبريهات - السبراي - العلبه البلاستك
و خلطي زيت اللوز + توله دهن عود
و علبه ثانيه اخلطي فيها زيت الاطفال + اي توله من عطر فرنسي او مخمريه جسم و شعر بريحه فرنسيه

و غلفيهم و عندج موقع عالم حواء عندهم عالم من الافكار

انا بعد اجهز هدايا حق بنت خالتي و ولد عمي

خذيت له من كل بستان زهره مخمريات و عطور و دخون و صابون و قاعده اختار الثيم - شكل التغليف لكل العلب

لا تنسي - مكتبه المكتبه عندهم تغليف حلو - في الطابق الثاني فوق

 

[»̶»̶̥ м̽ɐ̲łќ 3̨̐τ̅н̲]

اهديها عطر من عبد الصمد القريشي

 

[سقوط المطر]

اهديها عطر من عبد الصمد القريشي

مشكله قروب تفجير يعرف سوالف الحريم


اقوووووووووووووووووووووول سيري باريس وشتريلها ساعه وكمن عطر وفكي عمرج من صدعة الراس

 

[رماد الشوق]

انا اعرف وحدة تصنع شباصات وايد راقية وحلوه ...
حج عرايس (سلة من الشباصات) ع حسب الطلبية ..
اذا تبييييييين خبريني ...وان بجوللها

 

[رماد الشوق]

انا من البريمي

 

[الم الهواجس]

انا اعرف وحده تغلف هدايا ...وبالنسبه للهديه شوفي الرساله عالخاص

عطيتج رأيي

 

[غصن الورد]

هلاااااااا

بصراحه أنا الأسبوع الماضي مسويه 7صناديق هدايا للعرايس

الصندوق يتضمن عطورات ولوشن وعلبة مكياج وعلبة دخون

بس بجد واله الكل عجبه شغلي

ف اذا حابه اسويلج فاااالج طيب