شو الافضل..الاستيشن ولا%%النيسان؟؟

[المنصوووري]

خبرووني يا شباب شو الافضل بين النيسان والاستيشن وعطوونا المواصفات كلها وعشان نعرف وين الافضل فيهن؟؟؟

 

[CR7]

انا بقول وجهة نظري وانت بتستنج شو الافضل بالنسبة لي ..

السعر جديد
الاستيشن 8 سلندر 264 الف درهم(تقريبا)
الاستيشن 6 سلندر 194 الف درهم(تقريبا)

الفتك سوبر سفاري 194 الف درهم(تقريبا)
الفتك سفاري تقريبا مش اكيد 165 الف درهم(تقريبا)

الشكل
الاستيشن 2009 بالنسبة لي فخم والشكل الجديد 2010 افخم
الفتك شكله هو تقريبا ما تغير شي الا الاصطابات اللي ورا وبعض التعديلات البسيطه وشكله حلو وما عليه رمسه بس مشكلته مكتوب في الشبك قدام وورا نيسان ..

المواصفات والفخامة
الاستيشن 8 سلندر رقم 1 تقدر تقول عنه لكزس بكل معنى الكلمه والمواصفات اللي فيه رهيبه كاميرا وحساسات ونفقيشن وثلاجه وكراسي جلد فتحة 6 سيديات وخزان البترول في الشكل الجديد واحد ما فيه اسبير مواصفاته روعه .
الفتك سوبر سفاري تقريبا نفس المواصفات بس يختلف في الفخامة الاستيشن افخم واريح ومافيه حشرة .

الوسع من الداخل
الاستيشن والفتك نفس عدد الركاب لكن الاستيشن المساحة بين الكراسي اكبر شوي من الفتك .

المشاكل والاعطال
الاستيشن للحين الحمدلله ما شي مشاكل الا صوت الهوا على السرعة .
الفتك اذا كان جير عادي ما شي مشاكل وصوت الهوا طبيعي فيه يعني طول الوقت تسرع ولا ما تسرع تسمع صوت الهوا وما شي فيه اعطال اذا السياره ما ينلعب فيها .

اسعار قطع الغيار
الاستيشن والفتك .. كل يوم يطلعون بطلعه وكل يوم سعر ما لهم اسعار ثابته واحدد لك من الرخيص ومن الغالي يعني احيانا قطعة في الفتك ارخص من الاستيشن واحيانا نفس القطعه في الاستيشن ارخص من الفتك يعني التحديد لازم تعرفه من وزارة الاقتصاد

الاستعمال في البر او الرملة
القوة وما يتخلخل الاستيشن
الخفة الفتك
بس الاستيشن الجديد قوي في الرمله وخفيف بعد 6 سلندر ..

السعر مستعمل
الاستيشن مستعمل اغلى من الفتك وهذا شي معروف

 

[المنصوووري]

تسلم وانت الصح دايما

 

[CR7]

تسلم
ونتريااا تعليقااات الاعضااء الباقين

 

[الغضب]

حد يقول انه الفتك حلو وحد يقول الاستيشن حلو

انا اقو كلهن نفس الشء بثنينتهن حلوات وسموحه

 

[المنصوووري]

مسمووح اخووي تعليق حلوو ورايك احلى

 

[ذبحهم غروري]

الاستيشن 225 حصان 6 سلندر 4500 سي سي

الفتك 280 حصان 6 سلندر 4800 سي سي
Vtcنظام انجكتر يعطي اداء رياضي عالي الي هو
وهذا سبب تسميته فتك

اما الاستيشن نظام انجكتر عادي مايعطي عزم قوي ولهذا السبب يسوي مشاكل اذا دست فيه وايد ولعبت فيه

لكنه الصراحة افخم من الفتك بوايد خشب ودلع وحق الرحلات الطويلة

اما الفتك من داخل تكون جنه كبت ومافيه مواصفات وايد شرات الاستيشن
والفتك فيه نظام توكام الي يعطي عزم عالي خصوصاً يوم تترايس وهذا السبب الي يخلي النيسان يخرش اما الاستيشن موتر عائلي مب حق ريس واي موتر تزود فيه اشياء لازم يخترب عليك
لكن الاستيشن بشكل عام يعمر اكثر

 

[المنصوووري]

تسلمين عالراي الحلووو يالمغرورة

 

[ღ أ”أ£أ¦أژ ღ]

كله واااااااااحد :imuae55:



,،



بس ع قولة اخوي : ستيشن يعزك و لا فتك يذلك :giving-up:

" انجلبت الموجه هع "

​

 

[معاااد يمديك]

ستيشن ستيشن ستيشن

 

[المنصوووري]

تسلموووون الاغلب يقوول الاستيشن هنا

 

[امير الحب]

كلهم نفس الشي

بس الكرز احسن عنهم بثنينهم


احتراماتي..

 

[»̶»̶̥ м̽ɐ̲łќ 3̨̐τ̅н̲]

فتك وبس والستيشن خسسسسسسسس

 

[ذبحهم غروري]

فتك وبس والستيشن خسسسسسسسس

يخسي والله قصدك العكس الفتك الخس هع :huh-:

 

[فتكاوووي]

الصراحه الفتك الي يبدع لستيشن الى 4500 بقره ما يشل عمره و الكرز مخلف حق العزب