اليكم القصيده وهبه خطره

[مستر أكس]

أليكم القصيدة يا جماهيري وهيه خطره ​

وخلوها الرقابة تسجن الشاعر وجمهوره​

هدوء أيها السادة حضور الحفل والسهرة​

مساء الخير ع الصاحي وأشوف الناس مخمورة​

أنا آسف على الإزعاج ولكن طارت السكرة​

ذكرت أني قبل ساعات أصيل وعزوتي نوره​

على فكره الكرفته عجزت أفكها عسره​

أبي واحد ينزلها أو وحده ومشكوووره​

وأبي ثوبي يقول وثوبي الاشهف مع الغتره​

قبل والله لطربقها على هالحفل وحضوره​

ولا واحد يتكلم قبل ما اخلص النشرة ​

ومن يحكي قسم بالله لدوس برجلي حنجوره​

تراها قفلت يا سادة بلادي ويا ستره​

وهيه ما دامها خربت بقول الليلة الثورة​

أنا بحكي من أول يوم جيت لدنية قذرة​

وتكرم عن قذارتها بيوت الله ومعمورة​

انا مولود في ليلة شتاء مع بردها مطره​

في خيمة وسط صحراء ما بها سستر ودكتورة​

انا يا حضرة السادة غريب وضاع من صغره​

أنا عن جدي زماني بين مدهوره ومهجورة​

حملت من الشقا مالا يطاق وجايكم ذكره​

ولاني عاجز أتحمل وأموت بنفس مقهورة​

وأنا ادري يذبح الرجال كثر الصبر في قهره​

وعن قهر الرجال المصطفى حذر ومذكورة​

وهم قالو مفاتيح الفرج للحي في صبره​

وأنا أشوف الصبر مفتاح ضاع وزاد طابوره​

تعبت ألملم أيامي بيدين الهم والحسرة​

تعبت المع البرواز وأمسح غبرة الصورة ​

تعبت أبوس كف الجوع وخشم الفقر طال عمره​

تعبت اكذب على الحاجة وأقول الحال ميسورة ​

تعبت أحمس من القهوة وأحط السمن والتمرة​

تعبت ودلتي وحده وكل شوي منثورة​

أحسب العز بالدله وبيت النذل بها عشره​

دلاله أكثر الملعون ومليانه ومسطوره​

أنا بحكم البداوة أنزرع في داخلي بذره ​

عن علوم المراجل ألف بذره فيني مبذوره ​

تربينا على الدين ونطيع الله مع شكره​

تعلمنا نصلي ونحفظ القرآن وكل سوره​

تعلمنا نحب الضيف وفينا الكرم فطره ​

تعلمنا نقول الصدق لا لفه ولا دوره​

تعلمنا نحلب النوق ونعرف وش اهيه البكره​

تعلمنا الضما وحنا بيدينا ألبير محفوره ​

تعلمنا وكثير اللي تعلمناه وش كثره ​

أخذنا درس بالدنيا بلا دفتر وسبورة​

وانتم يا سكارى الحفل عفو أيها الزمرة​

منو فيكم قهر الزمان وظلمه وجوره​

منو فيكم وطاه الجوع وذله واصفقه فقره​

منو فيكم عرف يحتاج للقمه ونشف زوره​

منو فيكم من الضيقة حفر بأصابعه قبره​

منو فيكم رقد ليله وسط أجساد مقبورة​

منو فيكم مشا حافي برمضا كأنها الجمرة​

منو فيكم سهر ليل الظلام بدون اباجوره​

منو فيكم ما طاح ألفين مره وسلمت الجره​

وأنا من قبل اطيح وجرتي بأيديني مكسوره​

لكم الماء والوجه الحسن والمال والخضره​

ولنا حنا الضما والجوع وفقر وشيقة عوره​

ولا مره حظي ضحك بوجهي واشكره​

وغيري مبتسم حظه وكل ايامه مسروره ​

كتبت الشعر من صغري وبيوتي ما بها كسره​

وانتم تبرزون اللي كتب بيتين مكسوره ​

انا يا حضرة الساده فقير ما اغتنى بشعره​

ما دام المومس اللي تشري الاشعار مشهوره​

انا يا حضرة الساده هنا الليله وعلى فكره​

تراه هالبدله مسروقه ورجلي بجزمه محشوره​

ولكن قلت ابأحضر هالحفل والعمر بختصره​

وابي ابدع معاكم وسط ليلة انس ومحضوره​

واذا كانت رجولتكم بكاس الثلج والخمره​

انا بشرب بدون الكاس وثلجه ألف قاروره ​

ابويه قاللي مره دسم شاربك بالغبره​

ما يدري بالشنب محلوق وجابر فاقد شعوره​

انا بمشي ما دام الليل ودع وابتدى فجره​

بروح ارد هالبدله على هالمعلاق مزروره ​

وانا ادري يا كلاب الحفل اني بنسجن بكره​

ما دام الليله جبت العيد بهذا الحفل وحضوره​

 

[نسايم ريف]

تسلم ياخوي ع الطرح الجميل

وصح لسان قايلها وتسلم يد ناقلها

 

[آل يذوه]

مشكور اخويه مستراكس على الطرح الرائع والجميل

صح لسانك ولسان قايلها

قصيده مميزه وراقت لي

تقبل مروري الله لا هانك


وتنقل للمكان المناسب

دمت بود​

 

[جرووح دفينه]

صح الله لسانك اخوي

 

[شووق قطر]

صح لسآنك ويعطيك العآفية ع القصيدة الروعة