شووق قطر
¬°•| مراقبة عامة سابقة وصاحبة العطاء المميز |•°¬
توّج صغيره وابتديتي تحبين
من علّمج ليل السهر يآصغيره ؟
بدري عليج العشق يآبنت هآللحين
حرآم هذآ القلب وشهو مصيره ؟
انتي بريئه في الهوآ ليه تشقين ؟
دروبه طوآل ٍ عليج وعسيره
رحتي بدرب ٍ مآله آصلا ً عنآوين
وانتي مشآويرج من اول قصيره
يآطفلة ٍ حبّت ورآحت على وين ؟
عقب الهنآ ذقتي الحيآه المريره
وينج ووين الحب والشوق والبين ؟
عنّيتي عيونج وصرتي سهيره
امحق تسلّي جآن ودّج تسلّين
الورد لولا اللّون وشهو عبيره ؟
خلّيتي دروسج وصرتي تحآتين
الدرس في ديره وصرتي بديره
وصرتي بعد من غير هذا تغآرين
والمشكله يآبنت منتي خبيره
نصيحتي لج جآن ودّج تردين
يم السعآده والحيآه المثيره
خلّج بجو العايله لا تعدّين
مآمآ وبآبآ والعجوز الظريره
شيبآنج اللّي مآيبونج تعآنين
من بينهم عشتي جانـّـج اميره
الحب قبلج هز نآس ٍ كثيرين
وخلاّ القلوب تعيش هم ٍ وحيره
الحب يفضح لا انكشف دآخل العين
وانتي بنفــّسج مآ هقيتج بصيره
طيعي كلامي واحذري لا تمآدين
ترآجعي لاعل في الامر خيره
عيشي الطفوله والبرآءه لج سنين
وبعدين حبّي لا غديتي كبيره
للتحميل
