تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="المرزم" data-source="post: 266834" data-attributes="member: 2145">ذهب العروس زمان أولكان اهم شي في جهاز العروس هو الذهب .. وكانو يحاولون يضعون في الجهاز لو القليل من الذهب لانه غالي وممكن ما يستطيعوون ماديا توفيرهاما اذا كانوا يستطيعوون فسوف تكون قطع الذهب المصاحبه للعرووس كثيره واكثر من هالحين لانها توضع في اماكن مختلفه من الجسم ابتداء من الهامه الى العرقوب يوضع على الراس ثلاث قطع او اكثر اولها الحلقه وهي توضع في مقدمة الراس وهي من الذهب والفضه ومرصعه بالاحجار الكريمه ولها اشكال كثيره والهامه وهي جوخ مرصع بالذهب والاحجار والفصوص ويوضع في مؤخرت الراس شقايق وهي شبه سلا سل تتكون من حلقات تدلى من خلف الراس وتصدراصوات ثناء الرقص.. ومتاليل وهي ايضا حلقات مربوطه ومزينه توضع في جوانب الراس...يعني الاولين يخلوون الراااس كله ذهب ايضا ما ننسى الخماخم اللي تعلق بالاذان وكانو منول يخووقوون البنت وهي صغبره علشااان الخماخم..ومازالت عادة التخوييق الى اليوم نجي للصدر والرقبه وكانت تاخذ حقها من الذهب..طبعا تبي تقولون اول شي المرتعشه والحقيقه ان المرتعشه جديده وكانت ماتعرف كانو يستخدمون القلايد بانواع مختلفه ويسموونها خناقاات..وكان فيه شي اسمه مرقال وهو عباره عن قلب من الذهب يعلق بالرقبه والمرقال مرصع ببعض الاحجار الكريمه ايضا فيه شي اسمه طبعه وهي ذهب وتعلق على النحر فوق المرقال يعني ملاصقه للرقبه..والمرقال والطبعه يصلحن ينلبسن سواء..اما الايدي فالاصابع يوضع عليها الخواتم والخاتم يجي فيه فص من الاحجار الكريمه اما اذا كان مافيه فص ويكون عباره عن دبله فكانو يسمونه مرمى..اما الذرعان فكانت تحلى بالاساور المختلفه ..وتسمى الاسواره مرفوده وهي من الذهب او الفضه وفيه شي اسمه ملافت وهو سلك او شريط ذهبي محلى بالاحجار الكريمه المختلفه الالوان وقطع الذهب والفضه ..كلها منظومه في السلك او الشريط....اما الارجل ففيها الحجوول ووالخلاخل والفتخ وممكن تكون قطعتين وتصدر صوت او قطعه وحده وتكون عريضه..ايضا الخصر ممكن يكون فيه محزم ذهب او بريم ..والبريم من الجلد اما اذا كان البريم محلى بالذهب فهذا شي ثااني..يعني البنت هااااااي مره...نسيت اقول لكم حاجه في الراس وهي الزمام اللي يوضع بالخشم وكانو منول يسموونه فرده او بالاصح كان فيه قطعه اخرى توضع بالخشم تسمى فرده وهي تشبه سلسله قصيره تتدلى من الخشم..يعني بنت النعمه منول تبي لها تريله تشيييل ذهبها معها...صحيح منووول قل وفقر بس فيه ناس رازقهم الله وممكن ينفخون وينفشخرون ويحاولون يظهروون بمستوى مختلف عن باقي الناسمكونات الذهب اللي ممكن تستخدمها العروس وتشتريها هي الحلقه---الهامه---الشقايق---المتاليل--- الخماخم---الخناقات---المرقال---الطبعه---المرتعشه---الفرده---المعاضد---المرفوده---الوخش---المجااول---الحزام---الحجول--الخلاخيل---الخواتم---المرامي---الفرده---الزمام</blockquote>

الإسم

التحقق