....اهداء الى خافق احساس....

[دانة غزر]

موضوع يديد من مواضيع

اهداء ل "خافق احساس"


خافق احساس تنش من الرجاد على صوت امهااااااااااا

ام خافق: اااااااااف وهالبنت بعدها راجده خافق انتى ما اشبعين من الرجاد يالله قومي ريقي سعود


خافق احساس بالغصب تفج عيونها: امااااااااه الله يخليج ابا ارجد شويه بس

ام خافق:يالله عن الدلع نشي اقولج عن ايبلج ماء بارد وارشه على ويهج

خافق احساس: اف انزين بنش

وتقوم خافق احساس ونروح الحمام وتغسلت وخلصت ونزلت تحت

خافق احساس: صباح الخير عالحلوين

ابوخافق واخوها ابو الحسن: صباح النور

خافق احساس تبوس ابوها على راسه: شحالك يبه

ابو خافق: هلا بنتى بخير يعلج الخير انتى شحالج

خافق احساس وهيه تدلع: دامك بخير انا بخير

ابو الحسن وهو يطالع خافق احساس بنص عين: ايي انتى عن الدلع انزين تري ما يناسب عليج

خافق احساس : وانت شو لك خص يالدب بدلع وبكيفي والى ما عايبنه يدق راسه فالطوفه

ابو الحسن: يا جليله الحياء انا اخوج العود ولازم تكلمينى بحترام وتسلمين عليه بعد وتبوسينى على راسي

خافق احساس: ايخسي الى انت ابوسك على راسك احلم انت بس

ابوخافق احساس: ايي انتوا حشموني على الاقل عيال اخر زمن

ام خافق احساس تدخل: صوتكم واصل لا اخر الشارع فضحتونا شفيكم

ابو خافق احساس: تعرفينهم عيالج يحبون يتغايضون جنهم توم وجيري

ابوالحسن وخافق احساس يضحكون: ههههههههههههههه


خافق احساس: يبه​

​

 

[دانة غزر]

ابو خافق: امري بنتى

خافق احساس وبكل ادب: اباك تشتري لنا كمبيوتر يديد

ام خافق احساس: وليش ان شاء الله تبين كمبيوتر تراه عدكم واحد

خافق احساس: هالكمبيوتر خربه مرتين انفجر فويهي وتري الثالثه ثابته

ابوخافق احساس:انزين بنصلحه وبس

خافق احساس وهي معصبه: نعم نعم شو تصلحونه والله العظيم انك ما تصلحه انا ابا واحد يديد

ابو خافق احساس وهو طالع من الباب: انزين بشتريلكم يديد لاحول ولا قوه

خافق احساس وهي تصارخ: يعيس ابوووي يعيش

ابو الحسن وهو ساير حجرته: حمدالله والشكر البنت ينت

وشوي ويرن تلفون البيت ترن ترن ترن ترن

ام خافق احساس: الو سلام عليكم

بنت البريمي: وعليكم السلام شحالج خالوه

ام خافق احساس: حمدالله بنتى انتى شحالج وشحال اهلج

بنت البريمي: كلهم بخير الحمد الله

ام خافق احساس: وينكم عن ابوه من زمان ما شفناكم عن ما يكون زعلانين علينا ونحن ما ندري

بنت البريمي وهي تضحك: لاخالوه شدعوه نزعل منكم بس تعرفين اشعال الدنيا

ام خافق احساس: عيل خلاص نترياكم هالاسبوع تون عدنا

بنت البريمي:ان شاء الله بنى عدكم وبنبات كم من يوم امري بس انتى

ام خافق احساس: هيه جيه اباكم ما تقطعونا

بنت البريمي: خالوه وين خافق احساس

ام خافق احساس: الحين بزقرها حقج صبري شوي فديتج

ام خافق احساس حطت التلفون وسارت تزقر خفوقه​

 

[دانة غزر]

ام خافق احساس تزقر بصوت عالي: خافق خااااااااااااافق خاااااافق وصمخ

خافق احساس: هااااااه يمه شو تبين كنت فالحمام ما سمعتج

ام خافق احساس: تباج بنت البريمي عالتلفون

خافق احساس تقفز من عالدري وتروح تركض

خافق احساس:اهلين دبوووه شحالج شخبارج ان شاءالله بخير وشحال اهلج ويرانكم وكل حارتكم

بنت البريمي: بسم الله روعتيني شوي شوي يابوج

خافق احساس: لاتلومينى يا اختى ميته من الفرح بطير بطير

بنت البريمي تطنز عليها: لادخيلج لاالطيرين بتكسرين حارتكم يالدرام

خافق احساس تضحك: ههههههههه محد غيرج درام يالضفدعه

بنت البريمي: يالله يالله خبريني ليش فرحانه

خافق احساس:شو تتوقعين؟؟

بنت البريمي: شدراني يالله قولي وخلصينى لازم هالمذله يعنى

خافق احساس: الله يسلمج ابوي فديته واخيرا قرر يشتري لنا كمبيوتر يديد بدل كمبيوترنا الخربه

بنت البريمي: والله ونااااااااسه عقبال ما يشترون لنا واحد يديد نحن بعد

خافق احساس: لا وازيدج من الشعر بيت قلتلهم اول برنامج ينحط فالكمبيور الفوتوشوب تعرفينى اموت فالتصميم

بنت البريمي: خلاص انايوم الخميس يايه عدكم وان شاء الله يكون الكمبيوتر اليديد واصل عشان نخبص فيه انا وياج وبعلمج اشياء وايد

خافق احساس وهي ميته من الفرح: عيل اترياج مبتغيرين رايج وتقولين ما بيي ترانى بذبحج

بنت البريمي وهي تضحك:لالاما بغير رااااااااائي

خافق احساس: اقول فديتج اسمع منال تصيح شكلها قمت من الرجاد بسير اشوفها وبدق لج عقب اوك الغاليه​

 

[دانة غزر]

بنت البريمي: لا قولي انج تبين تفتكين منى

خافق احساس: لافديتج لو ايلس ارمسج 24 ساعه ما بمل منج

بنت البريمي: ادريبج فديتج بس اسولف وياج عاد تعرفينى احب اطفربج

خافق احساس:ماعليه بادبج بعدين الحين برايج يالله مع السلامه وسلمي على امج وخواتج كلهن وحارتكم وحارت حارتكم

بنت البريمي ميته من الضحك: خيه كل هذيلا حشا ما اروم ولا اقولج عندى فكره بحط مكبرات صوت فالحاااره وبقولهم تسلم عليكم خفووووقه

خافق احساس: اسوينها مب حاشات ادريبج مينونه وتضحك يالله حياتي مع السلامه

بنت البريمي: محد غيرج معلمنى الخبال ههههههههه يالله فداعه الله

اخوووو بنت البريمي: حشا بالعات رادووووو

بنت البريمي: جب جب ما يخصك فاهم

اخوبنت البريمي يعايب عليها ويروح


عقب يومين وصل الكميوتر اليديد بيت خافق وخافق كانت فالمطبخ ولا شافتهم يوم يابوا وركبوووه الاشويه اخوووها سعود يزقها

سعود: خاااافق خااااااااافق

خافق احساس:هلا حبيبي شو تبا

سعود: تعالي بسرعه بسرعه براويج شي

ويت خافق تركض وكان سعود مسكر الباب عشان يسويلها مفااااجئه

خافق احساس: شفيك روعتنى ليش مسكر الباب

سعود:شوتتوقعين داخل الحجره؟؟؟؟؟

خافق احساس: اممممممممم قطووووه

سعود يضحك بصوت عالي :هههههههههههههههههههههههههههههههههههههه لا

 

[دانة غزر]

خافق احساس وهي مستغربه: شو عيل؟؟؟؟؟

سعود: ثي انتى تحبينه وااايد وقايله حق ابوي يشتريلنا واحد

خافق احساس: لاتقول الى فبالي

سعود صح ويفتح البااااب

خافق احساس: فديته باباتي احبه انا

وراحت خافق احساس تيلس على الكمبيوتر تشوف شو البرامج المحطوطه فيه وهيه ميته من الفرح اكيد ويوم شافت ان الفوتوشوب موجود ارتااااااااااااااحت.

خافق احساس بدت تصمم اول تصميم لهااا وكانت ما تعرف تصمم وااايد بس مع الايااام تعلمت وصارت محترفه. وسجلت فمنتدى ثانى وصممت اول تصميم لهاااااا وكانت مشرفه قسم التصميم

خافق احساس: انا كم مره قايله حق المدير ينزلنى من الاشراف مليت من كثر ما العى نزلونى نزلوني

خافق احساس وهي تتحرطم: الحين بطرش حق المدير رساله اخيره عشان ينزلنى من الاشراف ما ابا اكون مشرفه مب غصب.وكانت خافق محتاره شو تكتب حق المدير بالضبط

خافق احساس: بكتب أي شي المهم انها رساله يالله بسم الله ببدا وكتبت الرساله للمدير وخلصت

ولكن مدير الموقع ما عطاهااا ويهه كالعاده

خافق احساس تدخل المنتدى وتشوف جان المدير رد عليها ولا لا

خافق احساس وهي معصبه طز فيه لا يرد طول

وفنفس الوقت كانت خافق عالماسنجر ودخلت عليها نور الصباح

نور الصباح : هلااااااااا
خافق احساس : اهلين حياتوو
نور الصباح : شحالج ؟!
خافق احساس : تمامز و من صوبج
نور الصباح : يسرج الحال .. اقوول !
خافق احساس : هااه !
نور الصباح : شرايج بالصورة اللي بالماسنج ؟!
ألحين أنا انصدمت .. تعرفون ليش ؟!
خافق احساس : منو عطاج اياها ؟!
نور الصباح : سرقتها من موقع ..

​

 

[دانة غزر]

خافق احساس ( فخاطريها ) الحين لا يكون حد مهكر على الجهاز و سارق صور !!
خافق احساس : أي موقع ؟!!
نور الصباح: منتدى البريمي
خافق احساس: عطينى الرابط اشوف
نور الصباح: اوك دقايق
خافق احساس وهي تضحك: خخخخ ليش ما موثقين الصور

وفجئه انصدمت خاافق لانها شافت صور اخوها سعود اكثر من وحده بس ما قالت شي سكتت

نور الصباح: بعد شوفي هالموووضوع وااايد حلووو

كان الموضوع عن رحله شباب المنتدى 2 ويلست خافق تلف فالمنتدى ودووور وكانت تعرف ان بنت البريمي "بنت خالتها" لانها كانت تسوي لها تواقيع وجى

وكانت خافق مندمجه فالكمبيوتر وفجئه تسمع حد يصاااارخ

ام خافق: خاااااااااافق خاااااااااااااافق

خافق احساس وهي خاااااايفه وتركض صوب امها: هااه اماه شفيج؟؟

ام خافق وهي تتالم: دقي حق ابوج بسرعه بسير المستشفي

خافق احساس عرفت ان امهاااا بتربي سارت تركض ودق تلفوون حق ابوها

خافق احساس: الووووووو يبه تعال بسرعه امي بتربي

ابو خافق :شو تقولين انزين الحين يااااااااااي

ويسكر ابو خافق احساس التلفون ويركب سيارته وينطلق بسرعه كان بسوي حادث بس الله سلم
وصل البيت وكانوا يتريونه عدال الباب وركبوا وساروا المستشفي بسرعه بس خافق ما شلوها وياهم عشان محد عندالعيال

خافق احساس وهي الصيح:يارب تقوم امي بالسلامه

وفجئه يدخل عليها ابو الحسن ويشوفها فاجه مناحه

ابوالحسن وعلامه التعجب فويهه: شفيج؟؟؟

خافق احساس مب رايمه ترمس من كثر الصياح:امي تعبانه واااايد بتربي

ابو الحسن يوم سمع جى يطلع من البيت بسرعه ويلحقهم فالمستشفي​

 

[دانة غزر]

والساعه 2 فليل ربت ام خافق ويابت بنت وتصلوا على خافق يطمنون عليها ويخبرونها بالخبر الحلو وطبعا خافق ماتت من الفرحه اخيرا بتكون عندها اخت

وبعد 3 ايام طلعوا من المستشفي وكان البيت زحمه من الناااااس وكله على راس هالمسكينه خافق تركض تحط قهوووه وعقب تسير عند سلامي

خافق احساس تقول حق امهااااااا: اماااااااااه عرس بنت خالوه عقب كم يوم خاطري اسير

ام خافق: سمعي يابنتى انتى بسيرين العرس بالنيابه عنى تعرفين توني مربيه وما اقدر اسير شو بقولون الناس عنى

خافق احساس بحزن: يعنى بسير بروحى

ام خافق: هيه وبسير وياج ابو الحسن

خافق احساس ما قدرت تقول لا تخاف امها تزعل

وطبعا خافق واخوها تجهزوا وحظروا العرس وكان العرس واااايد حلو استناسوا فيه وايد تمنوا ان امهم وابوهم وياهم وبعد ما خلص العرس رجعوا على طول

وهم فالطريج خافق احساس تقول حق ابو الحسن: تعرف شو فخاطري

ابو الحسن: شو؟؟؟

خافق احساس: ايسكريم باسكن روبنس

ابو الحسن: عنبوا انتى ما شبعتى من اكل العرس


خافق احساس: ما كلت شي يوعانه

ابو الحسن رحمها وسار اشتري لهااااا وخطف عالمطعم وطلب عشاء حقه وحقها

وعم الهدواء فالسياره لانهم كانوا ياكلووون وعقب ساعتين وصلوا البيت والكل فرح يوم شافهم

ابو خافق احساس وهو يلف عليهم: لكم وحشه البيت مب حلو من دونكم

ابو الحسن: فديتك يبه صدق انه فراقكم صعب

ابو خافق احساس: تعالوا خبرونها شخبار العرس

ابو الحسن: عرسهم بياض ويهه صراحه ما عليه رمسه​

 

[دانة غزر]

وتنط خافق احساس من صوب: صح عرسهم واااايد حلو وستانسنا وااايد وسوينا اكشنات عجيبه

ابو خافق احساس ميت عليهم من الضحك
وبعدين خافق احساس وابو الحسن استاذنوا عن ابوهم بسيرون يتغسلون ويسلمون على امهم وسلامي بس للاسف يوم فتحوا الحجره على امهم حصلوها راجده هي وسلامة وما حبوا يزعجونها وكل واحد سار حجرته

خافق احساس على طول دخلت النت وكلها شوق

خافق احساس: مشتاقه حق النت وااايد احس انى من سنين ما دخلت

وبعد تفكير قررت خافق انها تشترك فمنتدى محافظه البريمي وكانت محتاره شو تختار اسم وفي نفس الوقت كانت تسمع نشيده خافق احساس وقالت فنفسها ليش ما اسمي عمري خافق احساس

وسجلت فالمنتدى واول رساله يت لها من عند عثاري يرحب بالاعضاء الجدد

ويلست خافق تحوط فالمنتدى وتحط موواااضيع بس كل مواضيعها تنفر فالزباله لانها مواضيع مكرره

خافق احساس: شو هالاحباط من اولهاااااا احسن لي احط صور من تصويري عشان محد يقول انها مكرره

ومع مرور الايام استوت خافق عضو نشيط وتعرفت على واااايدين ولقت تشجيع من عند وايدين اولهم كان الظاهري. واول رساله يات لها من عند كبريا كانت تبا تتعرف عليها وكل يوم يطرشون حق بعض رسايل لين ما استون ربايع

ومن ضمن الرسايل الى رسلتهن كبريا حق خافق انها ترشخها للاشراف في قسم عدسات المبدعين

خافق احساس: لا ما اريد استوي مشرفه

كبريا: ليش انزين عطينى سبب

خافق احساس:لاني مشرفه فمنتدى ثاني فما اقدر امسك منتديان

وبعد اقناع من كبريا دام عدت ايااااااام وافقت خافق انها تكون مشرفه وطبعا كبريا فرحت واااايد وشدوا حيلهم وخلوا القسم تووووب

ولكن مع مرور الايام قررت خافق احساس انها تترك فالمنتدى ل اسباب خاصه وااايدين زعلوووا ويقنعونها ما تطلع ولكن خافق مظطره انها تطلع وهيه قلبها يتقطع لانها ما تقدر تفارق المكان الى حبته .

وعقب صارت سالفه الحدود وكانت تراقب المنتدى من بعيد لبعيد تبا ترجع بس مب قااادره وكانت تنقهر اذا حد تكلم عن الامارات .

وغابت خافق احساس فتره من الزمن ولكنها رجعت بكل نشااااااااااط والكل فرح برجوعهاااا
وكانت نشيطه وااايد وصارت مراقبه.

وهذا جزء بسيط من حياه اختنا الغاليه خافق احساس

اتمنا ان الروايه عيبتكم​

 

[°ღ°♥ بنت قابوس ♥°ღ°]

آلآهــدآء وآآآيد حلو بصرآحه وآلقصه آلآروع ^^

​

 

[شووق قطر]

آآآآآآآآآحلى اهدآء

ذكريآآآآآآآآت حلووووووووة والقصة مشوووقة تسلمين

ويعطيج الف عآفية

 

[راعي صوغة]

ماشاء الله عليج أخت اخت بسمة,,

يبتي العلوم كلهااا,,

والقصه فنااااانه’’

ربي يعطيج العافيه

ونترقب الزود

 

[ذات أثر]

ما شاااااااء الله عليج خيتوو

خالطة و دامجة و معدله

صرااااااحة فاجاتيني بالاهداء العجوبي

ما عرف شو اقووول

مشكوورة خيتوو

ههههه

عاد استحيت لوول

بس صدج صدج عندج ابداع فالكتابة

و سرد الاحداث

ربي لا هانج يالغلا

و نتريا الزوود

.
.

احترامي​

 

[المشاعر]

اوووه حماااس حلو واايد


حلوو اسلوبج

نتريا القادم الاجمل منج بسمووه

 

[أبو سلطااان]

قصه روعه أبدعتي ...
برد أكملها الصبح عورني عيوني خلاص قفلت ههههه
يعطيج العافيه ....

 

[حشيمة القلب]

انا قريتها قبل لكن مالحقت ارد


قصتها حلووه وعشنا يومياتها ومشاكساتها ^^



تستاهل خفوق الاهداء يعطيج العافيه حبيبتي

 

[»̶»̶̥ м̽ɐ̲łќ 3̨̐τ̅н̲]

وووووووووواو القصه روعه