رد.. صدمني عن جد.....!!

[موزة النعيمي]

السلام عليكم ورحمة الله

تخيلوا لوين وصل الحال....

من وجهة نظري : الدراسة اهم لان الشهادة في هالزمن وااااااااااااااااايد مهمة .. لانها تحدد المستقبل و تضمنه ..
اما الزواج فهو آخر اهتماماتي .. و انا افضل للبنت انها تكمل دراستها و تعيش عند اهلها و تخدم امها و ابوها احسن من انها تخدم الغرب ..

[/QUOTE]يؤيؤيؤيؤ

سمحووووووولي بديت بدفاشه دون ما اخبركم شو السالفه..!

احمز..

اليوم الله يسلمكم كنت افكر بموضوع نقاشي احطه

وقلت قبل لااحطه بشووف في قوقل شو اراء الخلق في هالموضوع

نزيـــــــــــــــن

وانا احوم واتخشش هني وهني واشوف المواضيع والردود

صدمني رد هالبنت........!!!

اما الزواج فهو آخر اهتماماتي .. و انا افضا للبنت انها تكمل دراستها و تعيش عند اهلها و تخدم امها و ابوها احسن من انها تخدم الغرب ..

الغرب؟

استغفر الله

احين رب العالمين يوم شرع الزواج في الدنيا شرعها عشان بناتنا يروحون يخدمون الغرب؟؟

معقوله التطور وصل لبناتنا انه جذا يخليهن؟

ولا هن مخوخهن فيهن حايه ويبالها تضبييييط؟؟

وايد انصدمت من قريت هالرد

وطبعا تغير مسار موضوعي...

وقررت اني انزل واعلق عن هالشي

معقوله في بنات جذا يفكرن

وانه في بالهن ان الزواج يعتبر خدمه للغرب؟

استغفر الله..!!

اترك المجال لكم للنقاش.

تحياتي: يزوووويه..~​

 

[راعي صوغة]

هل الزوج يعتبر من الغرب,,

ام اهل الزوج يعتبرون غرب,,

يمكن هالبنت حاطه ف راسهاا,,

ان ازوجت,, يعني بسير تخدم أهل زوجها,,

وطبعا هب الكل يقول هالرمسه ’’

الزواج اخر أهتماماتي,,


في فئه بسيطه,,

وجهت نظر ^^

 

[دانة غزر]

يمكن هالبنت متعقده او مصدومه

في حياتهاااااا من جى تفكر

هالتفكير واايد ناااس تفكيرهم

غير حتى تستغربين منهم


مشكوره الغاليه

ونتريا البقيه

 

[مس كلوزر]

كح كح
اقطع ايدي جان ماتطلع ميته ع الزواج
<<تالف ع البنت

امم
اغلب البنات يبن الستر
ويكملن نص دينهن صح بيقولن صغار وجي
بس مصيرهن يعرررسن
وهالشي من الدين اصلن

والتطووور مامنع انه البنت ماتعرس
وشووفيها لو خدمت ريلها واهله؟؟؟
عيل شو خانتها يو مماتبخدم ريلها؟
شو فايدتها عنده؟
والبنت لو خذت شهاااده وصلت الدكتوراه
مصيرها تقر فالبيت تربي عيالها
والي تقول هالرمسه بيي يوم بتتمنى الزواج ومابتحصله


تسلمييين يزوويه

 

[غٌَ ـلآ بُنٍيً گـ عُ ــبُ]

اسمحولي اقولكم صباح الخير لان هالبنت شكلها ما تعرف اي شئ في الدين ولا في سنه الحياه


قالت غرب قالت

 

[امير الحب]

احم احم


بسم الله الرحمن الرحيم وبعد:-



احم احم

لو ياها معرس وااحد تحمد ربها!!

اصلا محد يباها جي تقووول

تراه ماشي سالفه

اونه ( الغرب ) ياعيني

اصلا ازواج مافيه غريب

ازواج مسؤليه

هذي هب حاسه بشي

وما عندها خلفيه لحياتنا


يزوي< عندي سؤال < هذي البنت من البلاد ولا خارجهااا.ّّّّّ


لي بااك انشاء الله


احترامااتي

امــ/ــير الحـ//ــب

 

[بنت البريمي]

هههههههههههه ,,


الصراحة تضحك بردها !!! ,,,

ما تعرف شيء ف الحياة ,,, اذا هذا رد اغلب البنات على الدنيا السلام ,,

لي عودة ,,,,


شكرا يزوي ع الموضوع ,,

 

[!الـغ ـروب!]

اولا :. اشكرج اختي ع الطرح المفيد والقيم


ثانيا :. رد الفتاه ربما جاء نتيجه ظروف مرت بها ولم نمر بها نحن .. ربما قسوة الحياه كسرت جزءا فيها ادى الى برمجتها تلك النظرة .. كما انها لم تنفي الزواج وانما قالت انه آخر اهتماماتها بمعتى انها مهتمه ولكن بالاخير



اما وجهة نظري الزواج مهم مثل الدراسه بالضبط فهو نصف الدين ولم نخلق نحن سوى لعبادته تعالى ولاعمار الارض .. واهل الزوج سيصبحون اهل وليسوا غرباء


وجهة نظر لا اكثر

 

[شووق قطر]

ابصرآحة آنا رآي من رآي مس كلوزر

 

[جرووح دفينه]

صج الدراسه مهمه وااااااااايد وحلو ان الوحده تكمل دراستها بس بعد الزواج

شي اساسي ورب العالمين بعد وصانا ع الزواج لانه فيه تكمله لنص الدين.


وها البنت للاسف تفكيرها رجعي ويمكن بعد هي متعقده من الرياييل

والوحده لما تعرس يكون ريلها واهله اهلها الثانيين يعني ما فيها شي انها تخدم ريلها واصلا هي ملزمه بخدمته شرعا.تسلمي حبوبه ع موضوعج الراااااااائع.

 

[موزة النعيمي]

هل الزوج يعتبر من الغرب,,

ام اهل الزوج يعتبرون غرب,,

يمكن هالبنت حاطه ف راسهاا,,

ان ازوجت,, يعني بسير تخدم أهل زوجها,,

وطبعا هب الكل يقول هالرمسه ’’

الزواج اخر أهتماماتي,,


في فئه بسيطه,,

وجهت نظر ^^

يمكن ترا فيه بنات حاطات هالشي في بالهن

ماعرف شو اسمهين

والقهر انها متعلمه هالبنت هع

يسسلموو ع المرور الذهب خيوو.~​

 

[موزة النعيمي]

يمكن هالبنت متعقده او مصدومه

في حياتهاااااا من جى تفكر

هالتفكير واايد ناااس تفكيرهم

غير حتى تستغربين منهم


مشكوره الغاليه

ونتريا البقيه

ممممم

متعقده ممكن

سبحان الله بس انا شفتمن اسولبها انها عادي فري......!

عموما

تشكرين ع المرور الذهب.~

 

[ونتي ونه خفيه]

اسمحولي اقولكم صباح الخير لان هالبنت شكلها ما تعرف اي شئ في الدين ولا في سنه الحياه


قالت غرب قالت

احترم وجهة نظرج ...ولكن اختي اذا كانت البنت شكلها ما تعرف في الدين ولا في سنة الحياه
هل نحن بنسير نقول جدام الناس ..ونوضح أفكارنا ونقول فلان يعرف وللا ما يعرف...؟


كنت اقصد لو وضحتي فكرتج دون مساس في فكرة احد أفضل بكثير من ردج..!



ولو على سبيل المثال ونقول نحن على سبيل المثال لو البنت شافت ردج اكيد بتزعل وبتعصب وبتاخذ فكره مب زينه وبتعقد الفكره في راسها..ولكن لو كان الرد مميز ويوضح الصح من الخطأ دون ما يجرحها اكيد بتغير نظريتها بأسرع وقت..!




:a054::a054::a054:

 

[ونتي ونه خفيه]

السموحه مب ياي اتفلسف ..

بس حلو نشوف ثقافة الردود حريصه على عدم التجريح وتوضيح المعنى..



مثال : فلان ما يعرف يشرب ماي ..!

ثقافة الرد الخاطئ : انت ما تعرف تشرب ماي.


ثقافة الرد الصحيح : يا اخي العزيز لو شربت الماي وأنت جالس وسميت بالله وشربت برويه .



هاذا كان مجرد مثال صغير...لاحظت الكثيروون يتفلسفون ويجرحون في الردود ولا يعرفون يكتبون كلمه وحده صح..

 

[»̶»̶̥ м̽ɐ̲łќ 3̨̐τ̅н̲]

تتزوج ما تتزوج هاذا شي راجعلها

 

[واسع الصدر]

هووووو فالاخر راي وحده مينونه

من بين ملاين البنات

يعني كلام مجمع تعال وتسمع

وبتحصلين اراء مثل هذي في مواضيع كثيره

وهذي يمكن تكون صغبره ولا فهمت الدنيا

ولا عرفت شو هو الزواج

 

[سنيوريتا]

اعتقد انها تقصد يمكن ما تبي تشتغل وتصرف على ريلها واهله

انا راي مثل اخوي واسع الصدر يمكن صغير وما تعرف ف امور الحياه