ام القمل ...!!!

[أم أحمـد]

بسم الله الرحمن الرحيم ​

بدايه باسمي واسم زميلاتي اميراات الهدوووء​

ومسابقه تحدي القمم ابداا موضوعي ​

بــ|السلام عليكم ورحمه الله وبركاته ​

شحالكم ..عساكم مرتااحين ​

بخبركم عن قصتي مع القمل ........!!!​

اول يوم العايله كلهاا مختبصه ​

الكل يظهر القمل من شعر عياله ​

وسويره تناظر في العيوون ومع مليون علامه استفهاام ​

وما حسيت الا اصبحت انا من ضمن القووم ​

شوو صاير ​

سوووويره فيها قمل ​

شوو صاير الكل يطالعني​

خالتي تصرخ مستحيل شعرج طويل ​

بنتعذب ​

وانا نظراتي تنتقل بين الحضور ومازالت نظراات الحيره والأسى على حالى ​

مسيطره على الموقف ​

وشوي اليووم الاول في الشمس ومشط ودواا القمل والصيباان ... عبوه غبيه خلصوو في شعري عبوتين ونص وبدأت اتحارق واااو​

بس لا تعليق ​

ما شي مجال القمل مقاوم << شكله مسويله مستعمره من سنين هع ​

ومره اليوم الأول على خير ​

اليوم الثاني في الشمس "يفلوني " مسكينه وما زلت مستحملتنهم الشمس تحرق والجوو صيف وعطش << الأجازه الصيفيه اختربت حرااام​

المهم اليوم الثالث الكارثه ​

جااء صديق الجماهير " البف بااف " وكاان مصير العبوه شعري المسكين ​

وذهب اياام الشعر الناااعم المتسلسل الذي لا يحتااج لأستخداام المشط ​

ياا ربي​

ولكن ذهب القمل بلا رجعه هع ​

.........<<<نص مقطوووع ​

كااانت هذه الحادثه منذ 11 سنه كنت في الرابع الابتدائي ​

لكن اليوووم خاطري اسمع عن حد يعاني من القمل ​

احسه انقرض ​

قبل كل نهااايه وبدايه صيف لازم احتفاال رسمي وياا القمل ​

بس الكل يتسائل شوو ياب القمل على بالي ​

والحادثه المأساويه الي قصوو فيها شعري عسب انه ما كانوو يقدروون ​

على قمل مع الشعر الطويل​

الله يسلمكم ​

الأسبووع المااضي ​

كناا مسويين ملتقى اناا وربيعاتي ​

وكناا نهذر عن هالموضوع ​

وهاات ياا ضحك كل وحده فيناا كان لهاا قصه مع القمل ​

ولكن الشي الي فر مخوخنااا​

قالولناا انه القمل يطول الشعر ويزيد كثافته<< هل يعقل لا اصدق ​

وجاان اصرخ من بين الجماهير ​

ما بييني القمل ​

لو ترد بي السنين لوراا ما قصيت شعري ولا سويتله بف بااف ​

هع ​

لكن الشي الي يدوور في راسي ​

القمل اختفى ولا موجود ​

ولا اختفى مع ظهوور الصبغاات والكيماوي ​

ولا اختفى مع القصاات الغريبه << الي ما يحصل مكان يثبت فيه بسبتها ​

ولا اختفى بسبب العولمه<< مدري ليش هع ​

THE END​

احترامات​

​

​

 

[سنيوريتا]

موضوعج حلو

انا الحمد لله ما قد ياني قمل

بس وحده من الاهل الله يرحمها كانت ف الجامعه والي عدالها مبطله شعرها والقمل يتسابق ف شعرها ويحليلها البنيه تشوف القمل من بيفوز وبيوصل شعرهاوف الاخير شبك وصلها

 

[سعود الظاهري]

جااء صديق الجماهير " البف بااف " وكاان مصير العبوه شعري المسكين ​

وذهب اياام الشعر الناااعم المتسلسل الذي لا يحتااج لأستخداام المشط


والله فطست على الرمسة
صديق الجماهير
الشعر المتسلسل الله خخخخخخخ الذي لا يحتاج لاستخدام المشط
عاش اللغة العربية
تراج فلم سويرة خخخخ
أستمتعت بقرائة الموضوع
ألف شكر لج أختي
أحترامي​

 

[كبـــــــريـاء]

سورينام ، قصة عجيبة ، بس اول سبب من اسباب حدوث القمل فالابتدائي هو انه " ما كنا نغطي شعورنا" وتعرفي شيء بنات "وسخات" والقمل يتنطط من راس لراس 2 ،،

اما في الوقت الحالي من " الصالونات" تلقين اللى السشوار يستخدم لاكثر من زبونه " وعاد النظافة في شيء من الصالونات " تحت الصفر ،،


لكن اقول لحمد الله ما مريت بهذي التجربة ،،



موضوع عجيب ،، يا سورينام ،،

 

[موزة النعيمي]

تحدي القمم4..~

ههههههههههههههههه

يالله ايام القمل

بس الحمدالله انا ماكنت اعاني منه وايد

عسب جذا شعري صغير وماينفع هع

استمتعت بقراءة موضوعج سورينا

تحياتي لج..~

 

[rosereem]

قصه عجيبه
انا اذكر جبته مره من المدرسه
ويوم عرفت امي عصبت وتمت كل شوي تشيك على شعري وكان طويل
وانا خاطري يكون قصير
كنت اقوللها مو مشكله نقصه احسن لكن بعدها ما وافق

بس تو قصيته هع

 

[Sμilε]

ههههههههههه

ذكرتيني بالتوصيآآآآت لما نروح المدرسه يوم كناا يهاالوه ~
انا نحط عقاطتنا عن الا حد يعدينااا ^^"


تميزتي فطرحج غلاآآي ,,
لج مني دعوة بدوام إبدااعج ,,

 

[موت وميلاد]

هههههههههههههههه

صدق وين راح القمل اول يوم صغار متروسين قمل
بس كان شعرنا طويل وغليظ منه هع هع
بس الحين ما اسمع حد فية
مشكورة اختي على الموضوع الحلو 0000

 

[ᗩl - ᗰaha]

ههههههههههه

^^


هههههههه !!..~


عليج حركآآت دبوؤوؤنه !!..~


وآلله إحنآ يوم صغآآر أفلآآم :belokan: !!..~


يوم نشووف وحده فيهآ قمل .. نسسوي سبآق وسردآت عنهآ !!..~


^^​

 

[أبو سلطااان]

..هههههههه
يحليلج رشوج بف باف خخخخخخ

أنا بخبرج ليش القمل أنقرض زيغان من التسريحات الغريبه تخوف الآدمي مب قمله ضعيفه حليلها خخخخخ

يعطيج العافيه ...

 

[دانة غزر]

والله انج فلم سويره

اسلوبج حلو في الطرح

تسلمين الغاليه

تعالي كل يوم

 

[أم عقوص]

هههههههههههههههههه








عاد مب موضوع .....~


الحمدلله ما مريت بهالتجربه أبدا ....~


بس يوم كنت صغيره فأيام الابتدائيه إذا شفنا وحده فاجه شعرها وفيه شي أبيض<<< هذيلا الصيبان عيال القمل هع>>>

نشررررررررررررد....~


أبدعتي غلايه....~

تقبلي مروري الله لا هانج^^

 

[شووق قطر]

يحليلج يعني عآنيتي
على ايآم المدرسة وآيد نسمع

ونحس برعب اذكر لمن بنت تكون بالفصل ويقولون فيهآ قمل

اخآف واوسوس ومآحب احد يمشط شعري اخآف يصدموني ويقصون شعري آروح لرفيجآتي

فتشولي شعري ههههههههههه والله جنآ عآيشين رعب

وتدرين يمكن منخش متخرع من انفلونزآ الخنآزير

وتسلمين يآمبدعتنآ ع الموضوع العسولي

 

[°ღ°♥ بنت قابوس ♥°ღ°]

قصهـ حلوة ..

آذكر أول مره يـآني آلقمل لمـآ كنت صف آلآول .. لوووووول ..

بس من يومهآ مـآ قرب صووبي

​

 

[الغافري]

عليكم بالديزل

مره موقف حصلي وأنا ابدل زيت السيارة كان يقرب صوبي واحد وقال أخوي محتاج الآيل طبعاً أجبت بغموض وقلت لا

قال بآخذه عندي الدبش فيهن اليرب (( الجرب ))

كنت أضحك في خاطري وبموضوعكم هذا تذكرت السالفة

 

[موزة النعيمي]

قال بآخذه عندي الدبش فيهن اليرب (( الجرب ))

ههههههههههههههههههههههههههههههههههه

 

[الغــريب]

فعلا انقرض القمل هالأيام

بس ضحكت على سالفت بف باااف ههههههه

مشكووره سويره ع الموضوع


الله يعطيج العافيه

 

[»̶»̶̥ м̽ɐ̲łќ 3̨̐τ̅н̲]

مشكوووووووووووورة ام القمل

 

[~آللهم آغفر لي ولوآلدي~]

جااء صديق الجماهير " البف بااف " وكاان مصير العبوه شعري المسكين

ههههههههههههههههههههههههههههه

بف بااااف ههههههههه وحليلج والله معانه يوم كنتي صغيره ^^"

يمكن انقضر لان الحين زمن الاستشوار هع هع

عيبتني كتابج عزيزتي واصلي ولا تحرمينا من يديدج المميز

تستاهلي التقيم + 5 ستار

عساج على القوة عزيزتي

​

 

[مس بنوته]

مشكوؤه خويتي ع القصه من 11 سنه
بس عجيبه كيف يطول الشعر سبحان الله