غيثة السحايب
¬°•| مُشرفَة سابقة |•°¬
السلام عليكم ورحمة الله وبركاته
شحالكم اخواني وخواتي ان شاءالله كل شئ تمام
المهم <<< لاتطولين
حبيت اخذ رايكم بالجيل هذا يعني انت او انتي شو رايك ورايج بشباب وشابات هالايام ؟؟؟؟؟؟؟
وببتدئ من نفسي ::::
بصراحه انا اشوف انه هالجيل فــــاسد وغير مثقف ومافيه مسؤليه انا مااخص الكل لكن 90% جذا
وبخصص ع شئ معين يمكن البعض منكم يقول انه ماعندي سالفه بس انا اشوف انه هو المشكله الرئيسيه
(الثقافه) احس انه محد قام يقراء هذوه المكاتب مخزنه بالهكتب بس مافيه قراء طيب ليش ؟؟؟
هل لان نحن نعيش عصر التكنلوجيا والحياه صايره اسهل
او فيه خلل ونحن وماندري ؟؟؟
يعني بذمتكم واااحد كاشخ من راسه الين ريوله واحلى موبايل ويجيك واحد ويسئلك سؤال تااااافه ومايقدر يرد عليه ... شو تسمونه هذا ؟؟؟
ومعظم الشباب بيشترون جريده بس عشان المحلق الرياضي <<<<
ولما تسئل بنت ف الثانويه طلعيلي البلد الفلاني ع الخريطه ماتعرف وين الله حاطنها بذمتكم هذا مو شئ يقهر ؟؟؟
من وجهة نظري انه الثقافه هو اساس المجتمع عشان ينصلح ونتطور لازم نثقف هالشعب وعشان نترتقي بما هو احسن واذا بنتثقف بتنصلح اخلاقنا
والله سبحانه شو يقول ( اقراء وربك الاكرم )
هذوه شبابنا كله ع التلفزيون او الفيديو جيم او النت بس هذا محيطهم اما شئ ثاني مستحيل .. يعني نحن مانستغل الوقت بشئ مفيد .
الدول المتقدمه مافيه احد مايقراء صغار او كبار ف السن تلاقيهم يقرؤن بالشوارع ع المترو ف المنتزهات ف اي مكان نحن تعال شوف وينهم يفترون ف هالمولات لا شغله ولا مشغله ومب الشباب بس حتى البنات .
يااخي عندك وقت استغله بالقرايه او بشئ يفيدك ولما تناقشهم ف موضوع معين مايعرف يتناقش وياك ويشوف انه ماعندك سالفه ...
يمكن طولت عليكم بس اتريا ردودكم
والسموحه
