جرووح دفينه
¬°•|مُشْرٍٍفة سابقة |•°¬
اضافة الاصفر للازرق او السماوي ما يعطي نتايج حلوة
الاحلى يكون مع الليموني او البيج
وهاللونين مناسبة لغرفة المعيشة اكثر شي
وماننسى ان التحف والمراكن والمناظر كماليات تساهم في
دمج الالوان بطريقة حلوة اما اذا دمجتي الازرق ودرجاته كل ابوها مع البنك وبكثرة
فابشري بلوك باربي الدلوعه وبكذا تعطين ديزاين طفولي بحت
جايتكم في البارت اللي بعده مع الوان قاتلة
الاحمر والاورنج والوردي
http://up.shamoa.com/uploads/images/shamoa-1b83a2eee1.jpg
نتابـــــــ ع ....
احمر يا احمريكا
اغلب البنات او الحريم او الاناث بشكل عام يحبو الاحمر
فيه جرئة وقوة بس احب اذكركم بالكلمه اللي قلت لكم لها فوق عازةاللي هي تدوووم <<< اش معناتها ياحلوين
معناها الاحمر حلو ويجنن وكل شي بس من الالوان اللي تتعب النظر زيها زي الاورنج والاصفر
كمان توحي بالحركة والحماس يعني ماتحتاجينها في غرفة النوم الا بشكل قليل جدا
كمان لازم تدمجينها مع الوان ثانية في غرفة الضيوف
ولا يحبذ استخدامها في غرفة المعيشة او المطبخ
استخدام سليم جدا للأحمر في غرفة الضيوف
مكس بين الاحمر والاورانج <<<< ينقص الغرفة الوان غاااامقة
تناسق فضيييع بين الالوان حلو بكل مافيه
بس السجادة محلها غلط
دمج الاحمر مع الوان ثانية يحتاج منك دراسة عميقه
ليش لانه لون قوي وحتما راح يغطي على اللون اللي بتدمجينه معاه
بالمختصر هو سي السيد يفرض نفسة بالقوة
اوريكم استخدام خاطئ للأحمر في الدمج
اتخيل مع شويه صحون فسفوية وقدور صفرا
وكاسات فوشي ويصير بيت السنافر او الاقزام السبعة وراعية البيت تتمرجح بلوك سنوايت وتكون كملت الصورة
الحين نجي للاورنج و الأصفر
اغلب استخدامات اللون الاورنجي في الديزاين الخريفي
يعني اورنج مع مشمشي مع بني يمشون
لكن نرجع لحكايه بعد النظر وهي الملل من اللون وتأثيرة على العين
دمااااار للعين >>> لاحول ولا قوة الا بالله
*
*
*
*
*
*
نجي للوردي والبمبي والبنكي والى مالا نهايه
باختصار شديد ياحلوات لا تعتمدي اللون ذا على كامل الديكور
يعني خليه يدخل في الدمج بس بدون مايطغى على اللون الاساسي
الا في حالة وحدة بس وهي غرفة بنوته مراهقة طعمونه وحلوة وأمووورة
في هذي الغرفة الشكل مررررة مريح ويوحي بالنظافة والمثاليه
لكن تحسون ان فيه شي جدي بالموضوع طبعا لاااا
يحتاج لخداديات غامقة وستاير من العيار الثقيل و........ ماحنخلص
الناس اذواق طبعا بس احس ان هالغرفة مايجلس فيها الا بنات
وبس ممنوع دخول التماسيح
الابيض كثييييير خرب الديكور
اتوقع انها غرفة بنك بانثر >>> ترم ترم ترم ترم ترم ترم ترم تراااااااام تررارارم
احلى لون ممكن تدمجينه مع الوردي هو وبلا منازع البني او الخمري الغامق
نشوف صورة مثاليه جدا
هوا ذا اللي اتكلم عنه بالضبط استخدام خفيف للوردي
وابشري بعزك
واتمنى انكم تستفيدون من هاي النصايح
