(مقاهي الشيشه).....وأما بعد....~

[أم عقوص]

السلام عليكم ورحمة الله...~

صحيح أننا في عصر التطور والتقدم ولكن...~

هذا التطور بدأ يسلك مسارات متعرجه وبدأت تظهر آثاره السلبيه على شبابنا نتيجة لغفله من الحكومه ورغبه من الشباب....~

نقف عاجزين أمام كوكبه من (مقاهي الشيشه) التي انتشرت بكثره في الآونه الأخيره ... متجاهلين خطورتها ... والحرام قبل كل شيء..~

ألهذه الدرجه أصبحت أرواح شبابنا رخيصه....؟؟

ألهذه الدرجه نغفل عن أضرارها؟؟

ألهذه الدرجه تُعمي الماده قلوبنا؟؟؟

أم أننا نرغب بتقليد الغرب فقط ظنا ًً منا أنه التقدم والرقي؟؟؟

أسئلتي كثيره... ولكن هل من مجيب؟؟؟

وما الداعي لشرب الشيشه؟؟

أهي رغبه لإبراز الذات والرجوله؟ أم أنها غفله عن الحرام والأضرار؟؟

وللأسف.. لم يعد الشباب فقط هم من يترددون إلى هذه المقاهي..

بل أصبحت أولى مقاصد البنات...(الله يستر عليهن)!!!

إلى متى ستصبح المقاهي مباحه في محافظتنا؟؟؟؟

ألا يكفي أنها أصبحت مسك ختام يومهم؟؟؟​

 

[مس كلوزر]

تصدقييين خاطري ايرب هع
امممم
اول شي ثانكس ع الموووضع الي الكل غافل عنه
ثاني شي
صدق والله البريمي ماكنت جي فيها محلات الشيشيه بس الفتره الاخيره مادري بلاهم
واحيييد محل البنات من المدرسه كانن يطلعن منها ويسرله !!!
وبعدييين حتى يوم الجمعه يفتحونهم <<< ياخي خافو ربكم شووووي

والله يستر علينا
تسلميييين غناتيه ع طرحج ويزاج الله خير

 

[امير الحب]

اول باااركن طبعااا


اصراحه ماعرف شو اقولج < لا تفتي وايد


هذي حريه شخصيه الي يبي يمووت وهو يدخن هذا شي راجعله طبعاا

يعرفون الغلط ويروحون صوبه!!


اذا دخنت مره وحده بدخن مره ثانيه الخ.. صار مدمن ما يقدر يودر المقهى

يوم تسألين واحد ليش ادوخ شيشيه


ياريال تعدل ارااس


الي اهلها هب مربينها بتسوي جي واكثررر

يسلمو ختيه على الموضوع الجااااد !!

احترامي

 

[أم عقوص]

تسلمون ع المرور

مس كلوزر<<< استغفري ربج.. شو تبين تيربين؟؟

بغسلج بعصا خيزران تراني هع!


أمير الحب<<< يسلم منطوقك

كلامك عين الصواب

ترا (الادمان يبدأ من حب التجربه)

وهم أكيد يعرفون الغلط...بس يحرقون بيزاتهم وصدرهم...~

أما بالنسبه للبنات.<<< مب دوم اللوم يرجع للأهل

بعضهن يدخنن من ورا هلهن (يوم مفتوح)!!!

بس أترك المجال لباقي الأعضاء ونشوف آرائهم

 

[مس كلوزر]

ام كشه
صدتي تراني كنت اتمصخر بس قصووووري ماسكه الشيشه هع هع

 

[أم عقوص]

أدري حبوبه...~

بس لا تجلبين الموضوع الجاد حق مصخره ..هع^^

 

[مس كلوزر]

اوكيك
السمووووحه طال عمرج <<< بصخ

 

[امير الحب]

في بنت مربايه ادووخ شيشه هذاا شي مستحييل حدووثه

هذا شي يرجع للأهل يوم انهم ما يربون بنتهم صح

اكيد بدووخ وبتسوي اشياء غيرر ادوخه


احتراامي

ملاحضه/ هذه من وجهة نظري

 

[راعي صوغة]

اولا,, مقاهي الشيشه,, تجارة راااابحه ,, طبعا هيه حرااااام,, وفلوسها حرااام,,

والمدخنيييين من الفئتين الذكر والأنثى,,

وكل حد شوره ف راااسه,,

ما تروم تغصب ف الهزمن,,

النصيحه ما تييييب شي,,


وبس^^

 

[أم عقوص]

مشكورين ع مروركم واااااايد


بس أنا من وجهة نظري أن إغلاق مقاهي الشيشه له دور كبير في تقليل عدد المدخنين

صحيح اللي يريد يدخن يقدر يشتري شيشه ويدخن فأي وقت

بس لا تنسون أن بعض الشباب يسيرون مقاهي الشيشه بس ما يدخنون أبدا ...

وهذيلا يتضررون نفس الأضرار اللي يتضررها المدخن ....~

 

[CR7]

ليش البنات يدخلون ف اموووور الشباب
شيشة ولا بيشة

اووووووووووف!!!!!!!

 

[أم عقوص]

أخوي ...~

تعتبر الشيشه من خصوصيات الشباب؟؟؟؟؟

 

[مشاكل وبكيفي]

والله الي يدوخ والي يشرب شيشه وهالسوالف ما عنده سااااالفه
وكلن يعرف مصلحته
والغلط الاكبر انهم يعرفووون انها واااايد مضره بس يشربون
وكل واحد عقله براسه
ولا تهتمين ع ناس ما يبون الاهتماااام والنصييييحه

هاي وجهة نظري

 

[شبيك لبيك]

الله يهدي اليميع

 

[أم عقوص]

ثانكس مشاكل على وجهة نظرج الغاوية شراتج...

بس النصيحه واجب علينا عسب يوم يسألنا رب العالمين نبري ذمتنا...

بس حاز فخاطري وايد اللي أشوفه اهئ اهئ

شبيك لبيك..<<< ثانكس ع المرور ^^

 

[أم عقوص]

للرررررررررررررررفع

 

[أم عقوص]

لي رجعــــــــــــــه

فانتظارج عزيزتي^^

 

[Sμilε]

في بنت مربايه ادووخ شيشه هذاا شي مستحييل حدووثه

هذا شي يرجع للأهل يوم انهم ما يربون بنتهم صح

اكيد بدووخ وبتسوي اشياء غيرر ادوخه


احتراامي

ملاحضه/ هذه من وجهة نظري

ههه والولد عادي يعني ؟!
ناقشوا الموضوع بمنطقية لو سمحتوا بلا تعصب

!
وربي يهدي الجميـــع

 

[أم عقوص]

ههه والولد عادي يعني ؟!
ناقشوا الموضوع بمنطقية لو سمحتوا بلا تعصب

!
وربي يهدي الجميـــع

مشكوره عزيزتي.....~

أنا أشوف أنا الغلط غلط ... ||{...للجنسين...}||


يعني الاثم لهم هم الاثنين....~


بس للأسف مجتمعنا يشوف أن الوضع عادي بالنسبه للذكر... بينما هو غريب للأنثى ....~

 

[أ“أ‡أ،أ£ أ‡أ،أˆأ‡أڈأ­]

هي الإمور كما شاهدتها دول...فمن سره زمن سائته أزمان



عاطن