احبها هيه .. اخذها تخسي

[مس كلوزر]

مرحباااا
شحالكم
اسئله فبااالي وحبيت اناقش الموضوع معاكم

اممم مابقووول 50% بقوووول 80%
احبها هيه بس اخذها لا ولا بيرد بكملة تخسي
ياااخي ليييييييييييييييييييييييييييييييييييييييييييييييش؟؟؟؟؟؟؟؟؟؟؟؟؟؟؟
انت تقووول انك تحبها ؟؟ عيل حق شوتحبها عسب تتسلى يعني؟
ترضى حد يتسلى فامك ؟؟ فاختك ؟؟ باجر فبنتك؟؟؟؟؟
ودامك عارف انك مابتاذخها ليش ترمسها ليش تقولها احبج؟؟؟
ليش تاملها ؟؟؟ ليش تعذبها ؟؟ وتعذب عمرك بعد؟
(ولاتحسبن ان الله غافل عما يفعل الظالمون )
وهاالرمسه مب من عندي من الله سبحانه
فكرووووو شوووووي الله يخليكم
فكرررووو

هالشي بينردلكم فيووووم
ان الله يمهل ولايهمل
مردك بتنحط فهالموقف ليش تعطي مجال للندم ؟؟؟وانت بيدك القرار ومصير هالبنت بعد؟؟
اذا صدق تحبها
خل حبك طااااهر
تخاف عليها؟
خاف عليها من نفسك ومن الاثم الي بتاخذه من وراك ومن سمعتها ....
راجعوووو نفسكم شوووي
محد يدري متى راجعه روحه لله سبحانه

يعني فالاخيييير اذا تحبها تزوجها واذا ماتباها ودرها وبس من اللعب
والسموووحه

 

[الموج العالي]

هلا ...
انا ييت واول واحد..
انا بتابع الموضوع ويا الناس واحفظ بالسكوت بس من باب المشاركه والشكر..

 

[بنت الكعبي]

والله كلاااامج عين المنطق

مابزيد عليه بس

دامهم اثنين معناته الشيطان رقم 3

بس لي يحب يتوج حبه بشي حلال

بورك منطووووقج

 

[بنت البريمي]

مشكورة خيتوووووو ....


هالزمن ما تحصلين واحد يحب صدج ,,,,, كله يقصون على بنات خلق الله ,,,,,



دمتي بود ,,,\



بانتظارآراء الشباب ......

 

[~آللهم آغفر لي ولوآلدي~]

موضوع أنا شخصيا أعرضه وبشده

لان ما فيه حب جيه !!

هذا اسمه لعب × لعب = تسليه وتقضيه وقت لا غير

لان أسمى حب في هالدنيا ( حب في الله )

وكل شخص يختار الدرب الي يعيبه وهو مسؤوال ف النهايه عن قراره

هي أختارت بشطارتها هي تتحمل النهايه والفلم الي دوم يتكرر في مثل هالعلاقات

لاتحرمينا من يديدج المميز غناتي

عساج على القوة

دمت بود

 

[مس كلوزر]

الموج .. توقعتك تحدر بس انا مابا جي اونه تتابع بصت احييييدك تحتشر فهالمواضيع وابا رايك ^^ يعني هالمره مب محسوبه عليك
ثانكس ع مرورك الخطافي
بنت الكعبي وانا بعد مابزيد ع رمستج لنج فاهمه انا شو اقصد وانا فاهمه عليج ربي لاحرمني من مرورج الغلا
بنت البريمي .. ختيه تراه هنيه المشكله انهم يقصووون ع البنات وتنرد فوق راس البنيه عسب جي منزله الموضوع الي يحب يحب بطهاره ولا يودر البنيه ^^ ثانكس غلايه ع مرورج
الصمت ... اذا انتي جي فكرج هالشي راجعلج .. الدنيا بعدها بخييير ومب كل شي ينرد فوق راس البنيه .. باجر لو بنتج حبت ريال بتقوليين تساهل؟؟؟ انا مب مايده الحب ولامعارضتنه ... بس ابا راااي الشباب يعني ليش اذا حب ماياخذها واذا مايباها يودرها فهمتي قصدي؟؟؟ ويوم تقولين هي تستاهل اختار مصيرها؟؟ انتي لو فيوم عليج امتحان وصارج وماقدرتي تدرسين كان مزاجج متعكر ويوم امحتني رسبتي .. بتقولين استاهل؟؟؟ يعني قارني نفسج باي شي وفالاخير البنت لها مشاااعر واحاسيس
يعني مارمس عن الحب بشكل عام واذا هو صح ولاغلط
تسلمين ع رايج

 

[الغافري]

مس كلوز عين العقل تناقشين موضوع ساخن

من وجهة نظري كلا الطرفين غلطان

الرجل (( الشاب )) إذا يخاف على عرضه هالحركات ما بيقرب صوبها من الأساس

المرأه (( الشابه )) أتوقع المفروض تحط في بالها كل موقف غير عادي تبتعد عنه

في النهاية راعية البيت (( بنت الناس )) ألف ريال ما يهزون شعره منها

 

[مس كلوزر]

الغافري رمستك ماعليها زوووود
ومافيك حيله ع هالرمسه
اشكرك واحترم وجهة نظرك
تسلم ع المرور

 

[غيثة السحايب]

هلا وغلا بالمواضيع الي دووووم يبالها ضرابه <<<< خلونا بالمهم

مس كلوزر دوم طرحج ومواضيعج حساسه شوي وانا معاج بهالنقطه واااايد شباب جذا والمشكله اونه انه يحبها ويموت فيها اوكي وين الغلط لو تقدمت لها وصارت نهايه سعيده ؟؟؟؟؟ هذا معناته انه مايحبها ولا شئ (الحب) معناه ... تضحيه خوف الم وعذاب وتصفية القلب . ومثل ماقلتي الدنيا دواره ويوم لك ويوم عليك

والله يعطيج العافيه غناتي

 

[مس كلوزر]

برماويه هلا والله توه نور الموضوع
عاد شو اسوي احب مواضيع الضرابه هع
اممم مابكمل ع رمستتتتج
ربي يعااافيج ^^
لاتحرميني من مرورج الغاليه

 

[راعي صوغة]

من وجهت نظري ,, اللعب يكون من الطرفييين,,

الريال يضحك ع البنت,, ويعرف 10 غيرهاا,,,

والبنت تضحك ع الريال,, وتعرف مليووووون غيره’’

ونسبة 90 بالمئه من هالنووع’’

هب الكل طبعاا,, فيه فئه مختلفه’’

وجهت نظر ^^

 

[أبو سلطااان]

الله يهدي الجميع ...
حلو النسان يكون صادق مع نفسه بيكون غيره صادق معاه ...
و ما اجمل أن تختم النهايات بالحب العذري الصادق من القلبين ...

 

[امير الحب]

موضوع جاااد اصرااحه


داامني احبهااا بخذهاااا

بس بعض اشباب يفكرون كلمة احبج شويه!!!

كلمت احبج صارت لعبه ف لساان بعض اشباب ؟؟

يلعبون ف مشااعرهاا اخر شي البنيه تنجرح !! شو الفاايده

الله يهدي اشباب الي جي يسون؟؟

احترامي..

 

[!الـغ ـروب!]

لكل منـا رأي وتعليق ونظره

أعارض وبشده هذه العلاقات لانها أولا وأخيرا محرمه شرعا .. قبل أن تكون عيبا أخلاقيا عابه المجمتع العربي الاسلامي الاصيل .... كيف نتقلد أفكار غربيه ؟؟
اول الانحراف خوضنا في بدايات خطأ

لا أنكر أن هناك 1% من هذه العلاقات نجحت فهل يظن 99% نجاح هذه العلاقه وصونها وسريتها ؟؟
الدنيا بخير ستكون لو تقلدنا شرائع الدين .. وبصراحه لم نرى أي خير مذ تقلدنـا خروقات رغم ايماننا بعدم صحتها ...


لا اجبر الجميع على رأيي ... فالاكيد أن رأيي يختلف عن رأي الاغلبيه ربما هم في محور العمليه نفسهم فيريدون التمسك بمبدأيهم كتمسكي بنظرتي ...






همسه :.
الحب العذري والعلاقه العذريه هي التي تتوج بالنهايه
والرجل لا يرفع من قدر امرأه باعدت مبادئها وباعت قيمها وباعت دينها وتابعت علاقتها بــغفله الاهل قط مهما قال



أختي
شكرا وأكثر ​

 

[الموج العالي]

مس ما كان لدي تعليق هنا ولكن رايي من راي الاخت سجايا الروح لن ازيد على كلامها لانه كل الي كنت ابا اقوله قالته هييه..
مع كل الشكر..

 

[الاشواك الناعمه]

موضوعج حساس وايد....بس ما بقول غيـــــــــر
الله يسامحهم ....شوهوا معني اجمل شي ف الوجـــــود
اللي ترمسون عنه مب حب هذا لعب وتسليه وملئ فـــــراغ وما يمت للحب اي صله..

الحب عطاء وتضحيه ووفاء .....مب رمسيني وارمسج
والسموحـــــــه

 

[مس كلوزر]

راغي صوغه الحلو انك قلت مب الكل جي ^^ ورايك تاج فوق راسي تسلم ع المرور
سود ... والله هالبنات الي رمستي عنهن ذيلا فااارطااات يقهرني عنبوووو وين يبن حتى فشله نرمس فهالسالفه
تسلمين ع مرورج الغاوي
بوسلطان .. هيييه صدقك حلو الانسان يكون صادق وانا برايي هذيلا عندهم نقص عسب جي هم متخربيطين فعلاقاتهم وماعندهم ثقه بنفسهم
تسلم يالشيخ ع المرور
امييير الحب...انت دوووم رمستك فالحب درر .. جان زين الكل جي تفكيره كانت الدنيا بخير ^^ تسلم ع المرور
سجايا .. فديتج اانا ماقلت هالشي حلال وقلت تحت انه ورا الانسان موته يعني انا مب يالسه اشجع ع هالشي لا انا اقووول عن الي يحب يكمل الحب بزواج ولاينهي وثانكس ع راييج ولولا اختلاف الاراء لفسدت السلع احترم وجهة نظرج
المووج .. شراته الرمسه الي قلتها حق سجايا تراها حقك تسلم يالشيخ ع المرور
اشواك ناعمه ... رمستج مافيها حيله ومابزيييد عليها اسعدني مرورج الحلو فصفحتي لاخلاني منج

 

[امير الحب]

دررر مره وحده هههه

الله يسلمج بس ها واقع ف مجتمعنى..

 

[مس كلوزر]

ليش مب در نادر مانحصل ريال بهالتفكير عسب جي قلت درر
بس لاتبطر علينا ههههه
وثانكس ع المتابعه ^^

 

[امير الحب]

لأن موضوعج جاااد ونا من النووع الي يحب نفس هاي المواضيع

ما عليج انا ما ابطر بس اتخقق شويه

بس واايد بنات جي صارلهم ونجرحن والحين تعقدن حتى زواج مايريدن يتزوجن؟

يعني البنت نفس ازجاج حساسه ليش اكسر ازجاج!!

اتمنى زوال هاي الظاهره من مجتمعنى بأكمله لأن لعب ف مشااعر انسان ما هو بشي بسهل!!


تحيااتي لج مس كلوووزر على الموضوع ختيه والى الأمام دوما

اخوج / امـير الحـ××ــب