ًًًًَََ~ًًًًَأبلغ من العمر 21 سنهًًًًٌٍََََُِِ~ًًَُُُُ

[دلع بني كعب]

{ أبلغ من العمر 21 سنه وشعري أسود حلو ونآعم وأريد الزوآج



السلام عليكم ورحمة الله وبركاته



مرحبا باليميع



اليوم ان شاءالله رآح اتكلم عن قضية مهمه ومشكله بالنسبة لي

وزآدت بالفترة الاخيرة

الا وهي " الرسائل القصيرة المطروحة في الشريط السفلي لجهآز التلفآز "




عندي كم مثآل من هالرسآئل المطروحه
مثآل على فتآة تريد الزوآج :

أنا عمري 21 حلوة شعري أسود ناعم أحب الرومنسية أبغى أتزوج واحد مابين 25-35 أبيض وسيم حنون يخاف الله اعزب

رقم العضوية 0000000

يعني الحينه الوآحد يوم يبغي يعرس مآيدل بآب البيت يعني هالظآهرة انتشرت بشكل كبير بين شبآبنا

وتقريبآ كل قنآه نحدرها نشوف هالرسآئل اللي مآلها معنى !!هل هالطريقة مثآليه للزوآج ؟؟ وطبعآ مايندرى يمكن كل عضو يسجل يكون مرآهق ويدعى على انه وحده !
ف هالزمن صآرت معظم البنآت يعرضن أعمآرهن لتصوير انفسهن لتجذب الزوج المستعآر

وبكل سهوؤله يرسل الشآب ويقول أريد هذه الفتآه

وين الدين ووين الاخلاق ؟؟

شو عرفهم ان هالشخص صآدق بمشآعره وانه قد المسؤوليه ؟

انا عن نفسي أقدر أجذب وأقول انا جذه وجذه وجذه

بس فالنهآيه مابيفيدني طبعآ لانه بالاخير كله تآليف X تآليف

وليش أجذب ع عمري !؟
واللي اتعجبت منه آكثر يوم قريت
فتآه مرآهقة لم تبلغ السآبعه عشرة من عمرها اتقول :

أريد شآب وسيم رومنسي وحنون الخ
ومقولتهم اللي ماننسآها [/COLOR]" يقدر الحيآه الزوجيه ويحب السفر للخآرج "
ليش انتي مقدرة الحيآه الزوجيه ألحينه ؟؟ وشو تبينه الريل احينه عيشي حيآتج أحسلج





* ليش الزوآج متعة وترفيه بس ؟ ليش وين المسؤوليه ؟
* والاهل وين ؟ هل هم رآضين وعآرفين باللي يصير ؟
*شو رآيكم بهالقنوآت ؟
* أخواني وخوآتي منو منكم يقبل لعمره هالطريقة للزوآج ؟
*هل تتوقعون بهالطريقة ينجح هالزوآج ؟


اتريآ تعليقآتكم
يلا ترآني تعبت وكتبت الموضوع أبغي اشوف ردود حلوة ~*





بحفظ الرحمن ورعايته

 

[بصراااحة]

كل الي عقله ف راسه يعرف خلاصه ..
وانا اعرف اشخاص يدفعوا الاف الدراهم ع الكلام الفاضي هذا ...

بس المشكله مب منهم المشكله من الي اكبر عنهم ..

موضوع جميل ...

 

[دلع بني كعب]

اسعدني تواجدك اخوي بالموضوع
ربي يعطيك الصحه والعافيه

 

[اليوبيل الماسي]

بصراحة موضوع جميل وحساس _

هالموضوووووع يتكلم عن الاعلام وما ادراك ما الاعلام _ الإعلام الذي وضع بصماته بقيمة الشباب والبنات وصور لهم صورة الإرتباط والزواج عن طريق الحب _

من ناحية القيم الإسلامية التعارف عن طريق الرسائل النصية ما تيووز اصلاً ، الإسلام قال لنا انشوف عشان انقرر _

من ناحية تجارية _ طبعاً الكل عارف تكلفة الرسالة النصية عن طريج القناة ،،، والمقسوم تراه بين القناة وشركة الإتصالات وهذا المطلوب _



واخيراً بجاوب على اسئلتج _


* ليش الزوآج متعة وترفيه بس ؟ ليش وين المسؤوليه ؟
لوكان متعة وترفيه ما صار زواج بيصير متعة واشباع غريزة الشهوة ،،، المسؤولية آخر شي يفكرون فيها هالفئة من الناس وياريت لو يوفونها اصلن _

* والاهل وين ؟ هل هم رآضين وعآرفين باللي يصير ؟
الأهل طبعاً راقدين في العسل // دامنهم فاجين الحبل حق عيالهم ويعطونهم الفلوس عشان بطايق تلفونات ويدفعولهم الفواتير ، مع انه الفاتورة اتيي مفصلة اصلن كل فلس وين راح ،،، اكيد بيكونو راضين ومعتبرين عيالهم الصح في الصح _

*شو رآيكم بهالقنوآت ؟
القنوات هذي اتشوف مصلحتها ، وتقول طز في الاخلاق اهم شي الفلوس _

* أخواني وخوآتي منو منكم يقبل لعمره هالطريقة للزوآج ؟
عن نفسي انا ما ارضى بهالطريقة _

*هل تتوقعون بهالطريقة ينجح هالزوآج ؟
اذا نجح بينجح بنسبة 1% ، لأنه الزوج او الزوجة بيتهم طرفه الثاني وبيبدى يشك فيه لأنه هالطريقة تولد شك عند الطرفين _

واشكرج الف شكر على هالموضوع _
​

 

[دلع بني كعب]

اسعدني تواجدك وتفاعلك بالفعل للموضوع
ربي يعطيك الصحه والعافيه

 

[غٌَ ـلآ بُنٍيً گـ عُ ــبُ]

ناس فاضيين وما عندهم شغله

ليل نهار يالسين ع هالشريط ويمسجون والله قهر وشوفوا بكم المسج لو تقول حق الواحد فيهم تصدق بهالبيزات قال ما عندي عله ان شاء الله ما عندك دوم


قله ادب وحقاره الوحده تعرض روحها ويوم يعيبها واحد قعدت تشفر له رقمها بكلمات ورموز تتحسب انه بيقدرها ولا بيتزوجها

ترى هو عنده غايه ويبا يوصل لها ولا الزواج تشله من راسها وتحلم

 

[زهرالصباح]

بصرااااحة أؤمن بالزواج التقليدي

أمــا إللي تلجأ للمسجات في التلفزيون

عشان تتزوج أشوفه إسلوب ما يلوق ببنت محترمة

بالمرة

 

[@@هاجـ الليل ـس@@]

دلع بني كعب

موضوعك مهم ومفيد بنفس الوقت

ومانقدر نقول اله الله يهدي العالم هذي

لان الصراحه بدئت هذي البادره كثيره

وللاسف الحق دائم ع الكبار عندم يهملون الصغار وعدم المراقبه لهم

 

[بنت الكعبي]

موضوووووووووووووووووووووووووووووووع رااااائع

بس وين الرقابه ع هالقنوات

 

[~*¤ô§ô¤*~القلب داعيلك~*¤ô§ô¤*~]

ناس فاضيين وما عندهم شغله
بس اذ هذي الموصفات فبنت من امنتدى اريدها

 

[السيف]

تسلمي اختي طارحت الموضوع

تسلم ايدك بصراحه موضوع جميل يعطيك الف عافيه

انا سمحيلي ويسمحولي جميع الاعضاء انا اشوف هذا لي جالسات يسونه بعض القنوات وبعض المواقع

كرم الله وجوهكم والسموحه على الفظ هذا نوع من انواع الدعاره

ولا الزواج معروف شرعا طلب وقبول من الطرفين ما بالمسجات والصور

الله يستر من ذي الحاله

 

[ام سيف]

الموضوع في غاية الاهمية لان الزواج عن طريق المسجات او الانترنت وعن طرق القنوات الفضائيه فاشل وحرام وليس له اساس متين لعدد اسباب منها

1- اذا تم الزواج بين شخصين من دولتين مختلفتين فانهم يصطدمون باختلاف العادات والتقاليد
2-ان كل من الطرفين يبني احلام عن الطرف الثاني وبعدا ينصدم في تصرفات السخص الثاني
3- هذا النوع من الزواج لا يتم الا بعد الاخد والرد من الكلام والصور وهذا منافي للدين الاسلام
4-اغلب هذا النوع من الزواج يكون للبنات التي لهن تجارب في الحب فاشله وللذكور الذين لا يهتمون لماضي البنت فقط همهم الجمال والتجديد 5-كل شي يبنا بسهولة يروح بسهولة



هذا راي وكل الشكر لطارحة الموضوع وعلى الردود يلي تثلج الصدر وهذا ما نتوقعه دائما من اعضاء المنتدى وللاامام دوما

 

[المغرم الهاوي]

والله هالموضوع وايييييييييييييد منه صاير بهالزمن بس اللواحد وعادته بالزواج المفروض البنت تنظر نصيبها
هالشي راجع اهل البنت الكبار الفاهمين بهالامووور شكرا عالموضوع الحلو

 

[DarkFireSlash]

we leave what is good



هذا كله مستوي الحين ما ادري الكل يتوجه نحو الباطل هالايام






وبعد اسباب انتشار هالشي يمكن تجاري وترويجي وماهم حد اذا هالشي غلط ولا لا لكن محد واقول محد صادق في ما يقوله في هالشريط احس اعمم عشان ما تستوي اوتنتشر هالظاهرة


والحل توعية اجتماعية للافراد واشكل نحل هالشي

 

[قصي]

للاسف الشديد في ظل الانفتاح الكبير ترك الناس التفكير المنطقي وجرو وراء العاطفة
حفظ الله نساء المسلمين
لك الشكر على الموضوع

 

[اثير]

اوول شي اشكر فنج بصراحه ابعدعتي في طرحج
وثااني شي هالظااهره منتشره وهااي نوع من انواع الدعاره وسووء التربيه للاسف الشديد احين هااايلا اللي يرااسلون ووين اهلهم عنهم يعني سااايبووه (( خذووه فغلوه ))
مب حلووه من الاهل والبنت اللي تخون ثقه اهلها هااي مب حرمه بصرااحه كيف تتجرأتعرض نفسها للناس غريبه والله
اذا تبا الستر الريال يندل يختار وحده شريفه

بصراااحهايماانهم ضعييف وكله هاااي خدع وبلاووي بس عشاان بنات الاسلام يطيحوون فيها .. صح البنات مشااعرهم رقيقه وقلبهم رهيف بس مل لدرجه اسير افضح عمري وهلي عسب اعرس ويعلني ماعرست وولا اسووي جذيه


تلحين بجااووب ع اسئلتج:

ليش الزوآج متعة وترفيه بس ؟ ليش وين المسؤوليه ؟
لا والله مب متعه ازواج تفاهم محبه مسؤليه الوحده اذا بتعرس ماتفكر بالحب والحنان لازم تفكر كيف تسعد ريلها وبيتها وكيف تكون ربه اسره وتكون اخت وحرمه وحبيبه وصديقه حق ريلها
* والاهل وين ؟ هل هم رآضين وعآرفين باللي يصير ؟
الاهل في خبر كان ومعطين ثقه لبناتهم بس للاسف يخوونون الثقه
*شو رآيكم بهالقنوآت ؟
للاسف زبااااااااله
* أخواني وخوآتي منو منكم يقبل لعمره هالطريقة للزوآج ؟
مستحيييييييييييييل ا عرض عمري
*هل تتوقعون بهالطريقة ينجح هالزوآج ؟

لا طبعا لان بالاخير بيعايرها بيقوولها تراج انتي مشتطه ع العرس خخخخ ماتخيل بصرااحه


والسمووحه الغلا طووولت عليج

 

[دلع بني كعب]

يسلمو اخواني
اشكر تواجدكم فالموضوع
ربي يعطيكم الصحه والعافيه ان شاء الله
واتمنى من الجميع الابتعاد عن هالسوالف

 

[بنت البريمي]

{ أبلغ من العمر 21 سنه وشعري أسود حلو ونآعم وأريد الزوآج



السلام عليكم ورحمة الله وبركاته



مرحبا باليميع



اليوم ان شاءالله رآح اتكلم عن قضية مهمه ومشكله بالنسبة لي

وزآدت بالفترة الاخيرة

الا وهي " الرسائل القصيرة المطروحة في الشريط السفلي لجهآز التلفآز "




عندي كم مثآل من هالرسآئل المطروحه
مثآل على فتآة تريد الزوآج :

أنا عمري 21 حلوة شعري أسود ناعم أحب الرومنسية أبغى أتزوج واحد مابين 25-35 أبيض وسيم حنون يخاف الله اعزب

رقم العضوية 0000000

يعني الحينه الوآحد يوم يبغي يعرس مآيدل بآب البيت يعني هالظآهرة انتشرت بشكل كبير بين شبآبنا

وتقريبآ كل قنآه نحدرها نشوف هالرسآئل اللي مآلها معنى !!هل هالطريقة مثآليه للزوآج ؟؟ وطبعآ مايندرى يمكن كل عضو يسجل يكون مرآهق ويدعى على انه وحده !
ف هالزمن صآرت معظم البنآت يعرضن أعمآرهن لتصوير انفسهن لتجذب الزوج المستعآر

وبكل سهوؤله يرسل الشآب ويقول أريد هذه الفتآه

وين الدين ووين الاخلاق ؟؟

شو عرفهم ان هالشخص صآدق بمشآعره وانه قد المسؤوليه ؟

انا عن نفسي أقدر أجذب وأقول انا جذه وجذه وجذه

بس فالنهآيه مابيفيدني طبعآ لانه بالاخير كله تآليف X تآليف

وليش أجذب ع عمري !؟
واللي اتعجبت منه آكثر يوم قريت
فتآه مرآهقة لم تبلغ السآبعه عشرة من عمرها اتقول :

أريد شآب وسيم رومنسي وحنون الخ
ومقولتهم اللي ماننسآها [/COLOR]" يقدر الحيآه الزوجيه ويحب السفر للخآرج "
ليش انتي مقدرة الحيآه الزوجيه ألحينه ؟؟ وشو تبينه الريل احينه عيشي حيآتج أحسلج





* ليش الزوآج متعة وترفيه بس ؟ ليش وين المسؤوليه ؟
* والاهل وين ؟ هل هم رآضين وعآرفين باللي يصير ؟
*شو رآيكم بهالقنوآت ؟
* أخواني وخوآتي منو منكم يقبل لعمره هالطريقة للزوآج ؟
*هل تتوقعون بهالطريقة ينجح هالزوآج ؟


اتريآ تعليقآتكم
يلا ترآني تعبت وكتبت الموضوع أبغي اشوف ردود حلوة ~*





بحفظ الرحمن ورعايته

استغفر الله ..

والله تعرفين هالناس فاضية وما عندهم شغل يسوونه ..

يعني بالعقل منو بيحط أو يعرض عمره حق الزواج !!

لا عاداتنا ولا دينا يرضى هالشيء فكيف يرضونه ع أنفسهم !!

تسلمين الغلا ع الطرح .. وربي يعطيج العافيه ...

تقبلي مروري ...

 

[غــرتــكـ دنيــاكـ]

موضوع جميل ..
اعتقد البنات اللي يسون جي هن فقط مستعيلات ع الزواج لأنه بمنظورهن الزواج كل شي فالحياة
وبالطبع يخلن عمارهن مضحكة للشباب

مشكوووووووووورة وتقبلي مروري