غلاء المهور بالبريمي بيخليني اعزف عن الزواج واسافر اتمشى

[أ‡أ£أ­أ‘ أ‡أˆأڈأ¦أ­]

ليش كيه المهور نار
والي يزيد الامر بله بيطلبوا منك العرس يكون
بالفندق
خلا نتزوج من الداخليه نتزوج ب 4000 ريال عماني فقط

 

[حلوة مكحلة]

صح المهور غالية
وانا أعرف بس الحمد الله أهلي طلبوا على زوجي الأشياء الي يقدر يسويها

والشياء المتعارف عليها في البريمي من مشترى وذهب والعرس

بس الصراحة النصدمة من عمي لما ياه واحد يخطب بنته
طلب عليهم

1- العرس فخيمة فخمة أو فصالة من صالت اللأفراح الخبيصي
2- البطايق تكون VIP
3- 5000 ريال عماني يكون حق مشترها وملابسها طبعا من غير الذهب
والمهر بروحة سالفة
بس الصراحة حرام
يعني الريال متعنى من صحار وجاي يخطب من معاكم تسوى فية كذي

على الاقل قولة انا ماريد ازوجك بس​

 

[بصراااحة]

خليها ع الله ..

لي عووده باذن الله ..

 

[~*¤ô§ô¤*~القلب داعيلك~*¤ô§ô¤*~]

ليش انته

ليش كيه المهور نار
والي يزيد الامر بله بيطلبوا منك العرس يكون
بالفندق
خلا نتزوج من الداخليه نتزوج ب 4000 ريال عماني فقط

هلا صديقي موضوع حلو
بس اسالوبك حوا تعدله
ما يهم المنطقه ولا شي
المهم اهل العروس الطيب
وبعدين اهل الدخليه ما كلهم واحد
وبعدين هذا زواج ما بييع وشراء نفس ما تقول
اسمحولي هذا راي بصرحه

 

[اليوبيل الماسي]

والله سالفة المهور الغالية _

لأنه اكثر الناس حاطين في قرارة نفسهم إنه لو خلى المهر رخيص (بنته مالها اي قيمة واي احترام في نظر ريلها) _ بس يوم يغلي المهر ويكسرون ظهر الريال بيعرف جيمة البنت لي ماخذنها _

وبعدين ياخوي هالاشياء صارت مظاهر ، الاهل بنفس الوقت يبون عرس بنتهم يكون احسن واغلى عرس في تاريخ الحياة البشرية _

وفي الاخير اشكرك ياخوي الف شكر على هالموضوع وانا من رأي انه ينقل في قسم اخبار وقضايا محافظة البريمي _ دمت بود _

 

[قطوة البريمي]

ليش كيه المهور نار
والي يزيد الامر بله بيطلبوا منك العرس يكون
بالفندق
خلا نتزوج من الداخليه نتزوج ب 4000 ريال عماني فقط

بصرااحه من حقنا نطلب الي نباه .. شو بعد كم مرة بتعرس البنية وبتسوي عرس

يعني بصراحه انا بطلب بعد ف فندق من حقي .. يعني انت تشوف الخيم الي ف البريمي تستوي .. حدث ولا حرج

من هب ودب يحضر العرس معزوم ولا هب معزوم .. ويكون العرس غير فيشن ..

وعن المهر .. انت يعني كم تبى تدفع ؟؟

يعني تشوف الدنيا غالية ..

يعني هب منا نحن من غلا السوق ..

وهيك رايي ..

وضحكتني يوم قلت بتسير الداخلية .. هع هع

انزين مدامك مسترخصنهن هالقد سير خذلك مناك بلا ويع راس لوووول

تحياتي لك ولموضوعك ^^

 

[السيف]

بصرااحه من حقنا نطلب الي نباه .. شو بعد كم مرة بتعرس البنية وبتسوي عرس

يعني بصراحه انا بطلب بعد ف فندق من حقي .. يعني انت تشوف الخيم الي ف البريمي تستوي .. حدث ولا حرج

من هب ودب يحضر العرس معزوم ولا هب معزوم .. ويكون العرس غير فيشن ..

وعن المهر .. انت يعني كم تبى تدفع ؟؟

يعني تشوف الدنيا غالية ..

يعني هب منا نحن من غلا السوق ..

وهيك رايي ..

وضحكتني يوم قلت بتسير الداخلية .. هع هع

انزين مدامك مسترخصنهن هالقد سير خذلك مناك بلا ويع راس لوووول

تحياتي لك ولموضوعك ^^

كل كلامك صحيح بس فكري في الحياة الزوجيه بعدين يوم مسكين ذالك الزوج يكون ما باين من الديون

 

[قطوة البريمي]

كل كلامك صحيح بس فكري في الحياة الزوجيه بعدين يوم مسكين ذالك الزوج يكون ما باين من الديون

لازم يكون متزهب حق تكاليف الزواج من قبل لا يفكر ف الزواج ..
جيه لازم يحط ف باله كم بيكلفه العرس وكل تصاريف الزواج ..

واالديون ما تخلص وانا اختك ..

يعني الافضل انه يكون قادر ع تكاليف الزواج عسب ما يعرقل اي شي ف حياته ...

 

[حلوة مكحلة]

لازم يكون متزهب حق تكاليف الزواج من قبل لا يفكر ف الزواج ..
جيه لازم يحط ف باله كم بيكلفه العرس وكل تصاريف الزواج ..

واالديون ما تخلص وانا اختك ..

يعني الافضل انه يكون قادر ع تكاليف الزواج عسب ما يعرقل اي شي ف حياته ...

أوكي يالغالية بس عاد مب كل الناس هوامير في بعضهم يتسلفوا عشان العرس ومنو يرضى يعيش بنتة فأول حياتها

فديون

بس السموحة الأبوا الي يسوى كذي بنتة يعتبر مب أب

وبعدين كانت حياتهم غير عن حياتنا الحين

كل ابوي بيقول احنا تسلفنا أحنا سوينا ومن هناك خرطي

والسمـــــــــــــــــــــــــــوحة ​

 

[أ‡أ£أ­أ‘ أ‡أˆأڈأ¦أ­]

اخواني واخواتي
احنا عمانيين ولا نحاول التشبه بجيرانا اهل الامارات امكانياتهم غير
ليش ما يكون المهر محدد ب2000 ريال عماني
والباقي سهل والعرس مب شرط بفندق
المهر ب2000 ريال عماني
الذهب مع الزهبه ب 1500 ريال عماني
العرس بخيمه او قدام بيت العروس بعد صلاة العشاء
بتلاحظوا ان لعرس كلف بحدود 6000 ريال عماني وهذا مبلغ طيب نقدر عليه
لاحظت ان المهر بالبريمي يبدا من مبلغ 6000 ريال عماني وفوق
والفندق مشان الحجز بياخذ 3000 ربال عماني والذهب والزهبه ما اعرفكم
والعرس مدري كم
بالنهايه بيكلفني العرس بالبريمي 13000 ريال عماني للاسف

 

[الكعبية]

أوكي يالغالية بس عاد مب كل الناس هوامير في بعضهم يتسلفوا عشان العرس ومنو يرضى يعيش بنتة فأول حياتها

فديون

بس السموحة الأبوا الي يسوى كذي بنتة يعتبر مب أب

وبعدين كانت حياتهم غير عن حياتنا الحين

كل ابوي بيقول احنا تسلفنا أحنا سوينا ومن هناك خرطي

والسمـــــــــــــــــــــــــــوحة ​

محد ما عرس ما اتسلف .. الكل يتسلف عسب العرس
واعتقد الطلبات ما تكون من الاب والام من البنية بنفسها تبى يكون عرسها شي وتستانس فيه atch_music:

 

[الكعبية]

الذهب مع الزهبه ب 1500 ريال عماني

الله يهداك يا امير بدوي .. جنه شوي هع هع

يعني انت تشوف الذهب احينه وين وصل
يعني بهالقيمة بقدر اشتريعقد واحد بس والزهبة بروحها يبالها سالفه

السوووووووووووووووق غاالي

 

[حلوة مكحلة]

محد ما عرس ما اتسلف .. الكل يتسلف عسب العرس
واعتقد الطلبات ما تكون من الاب والام من البنية بنفسها تبى يكون عرسها شي وتستانس فيه atch_music:

صدقتي فهالشي

بس مب كل وحدة تفكر انا تفرح ليلة وتموت الف مرة طول عمرها

وهذي وجهه نظري وسموحة ​

 

[أ‡أ£أ­أ‘ أ‡أˆأڈأ¦أ­]

الله يهداك يا امير بدوي .. جنه شوي هع هع

يعني انت تشوف الذهب احينه وين وصل
يعني بهالقيمة بقدر اشتريعقد واحد بس والزهبة بروحها يبالها سالفه

السوووووووووووووووق غاالي

يا الكعبيه خلك من سعر الذهب وشوفي كم صار عدد البنات العوانس بكل بيت للاسف
انا داش ال26 وبعدني عزوبي ودوم متضيق وسرحان
الحرام سهل الوصول اليه بس الحلال احلى
لو يخلوني اخطب بخطبة الجمعة لكنت صرخت باعلى صوتي ارحمونا
ليش التعقيد
ما اعرف
ما اعرف ما اعرف
ليش البطره والكبر ليش
وشو يميزنا حنا اهل البريمي عن باقي عمان
هل بناتنا غير ؟؟؟؟؟؟؟؟؟؟ مشان هذا الغلا
يحز علي اخذ من غير داري بس اذا الحاله كيه اختار راحتي

 

[زهرالصباح]

(الغـــالي جيمتــه منــه وفيـــه) أقصـــد بنـــات البريمـــي




السيـــارة تتحمـــلون تكاليفهـــا

والمويايل من أغـــلى وأحســـن نــوع

والثيـــاب والكشخـــة تدفعـــون بالهبـــل

وعشـــان بنـــات النــاس تبـــونهم برخيييييص !!!

أمـــير إبـــدوي عرس على وحـــدة من أهــــلك أحســـنلك

بتعـــرف ظروفك وبتراعيـــك أكثر من وحدة غريبــــة

 

[السيف]

صدقتي فهالشي

بس مب كل وحدة تفكر انا تفرح ليلة وتموت الف مرة طول عمرها

وهذي وجهه نظري وسموحة ​

والله العضيم كلامك 1000% صح يالت كلهم يفكرو مثلك​

 

[قطوة البريمي]

ليش البطره والكبر ليش

يا امير ابدوي بطره بس والله هب كل يوم بتعرس لبنية وبتسوي عرررررررررررررس

فهمووووووو يا نااااااااااااااااااس

يعني نحن نبى يكون عرسنا احلى ما يكون ..

انتو عبالكم انا نحن نبى بس نخسركم يعني ونطيح الديون فوق روسكم ..

لا والله نحن ما نفكر فهالشي ..

 

[قطوة البريمي]

صدقتي فهالشي

بس مب كل وحدة تفكر انا تفرح ليلة وتموت الف مرة طول عمرها

وهذي وجهه نظري وسموحة ​

وليش تموت بس لانها طلبت حقها ..

هب شرط انه الديون تموت الواحد ..

يعني احينه هذيل الي معرسين ومديونين هب سعداء فحياتهم هب مرتاحين بس بسبة الديون ..

ما ضنتي ..atch_music1:

 

[لمسة إحتراف]

الكل يشتكي فسالفة المهر وتكاليف العرس

بس بنظري انا احس احس ان تكون كل التكاليف فالمعقول


بتجربتي من اول خطوة للزواج لحد الان قبل الزواج احس ان احنا فعلا وااااجد كنا طيبين مع اهل زوج المستقبل

اول شي طلبنا المهر 7000 ريال
انا عطيت ابوي 3000 ريال
وامي عطيها 1000 ريال
وبجالي 4000 ريال
شريت منها الذهب وكل شي وفوق هذا بقن عندي 500 ريال

اما الفندق المعرس هو دفع كل التكليف الليهن 2700 ريال

والبطايق انا جلتله لا تسواهن انا بصممهم وانت اطبعهم

وفعلا سوينا فكرة البطايق شي فووق الخيال واحلى من المطابع لان الفكرة للحين ماحد سواها

وفوووق ها الزوج قالي انه فعلا مش واجد كلقه العرس وحجز لنا سفرة حلوة حج شهر العرس

واحين ننتظر العرس بفاااااااارغ الصبر لان الحمدلله كل امورنا تيسرت والحمدلله

ومب ذاك الزود طلبنا عليه لانهم بامانه ناس طيبين ويستاهلون الخير


اما عاااد بخبركم ربيعتي اللي مسكين زوجها بينكسر ظهرة

ربيعتي انا وياها انخطبنا نفس الفترة

اهلها طلبو مهر 10000 ريال

وطبعا هذا حجها بس

من غير تكاليف الفندق والاكل والسوالف الثانية

ولما سالتها كم بجى من مهرج جالت ماكفني

الله استغربت منها


مسكين هالزوج

 

[حلوة مكحلة]

وليش تموت بس لانها طلبت حقها ..

هب شرط انه الديون تموت الواحد ..

يعني احينه هذيل الي معرسين ومديونين هب سعداء فحياتهم هب مرتاحين بس بسبة الديون ..

ما ضنتي ..atch_music1:

لا لا فديتج انتي بعدج صغيرة وماتزوجتي بعد الزوج بتحسي اذا كان زوجج بيدين

بتحسى كيف انه بيكون علية هم كبير

وانتي بعد بيكون عليج ها الهم

وبتحسي انج انتي السبب بها الهم

وبعدين السعادة موجودة بين كل زوجين متفاهمين

وهذي وجهه نظري ​