سلندرات الغاز

[شرطي مرور]

مساءكم عسل

اليوم يا أخواني صايره سالفه في البريمي وهي سالفة الغاز ومشاكله

صدر قرار باستبدال جميع اسطوانات الغاز القديمة ويوم تسير تغير يقولك روح جيب تصريح من الدفاع المدني ولازم
تجيب معك صورة البطاقة الشخصية وملكية البيت أو عقد الإيجار عشان يعطوك تصريح حق اسطوانه وحده أي انه حق كل بيت اسطوانه وبخصوص التصاريح مب كل يوم يوم واحد فالشهر

يعني روح وصف طابور عشان تحصل التصريح ومن يخلص الوقت انتظر شهر لين يطلعولك تصريح

لا بعد مب جذا من تاخذ التصريح وتوديه حق الشركة يعطوك الإسطوانه بعد 10 أيام تخيل تجلس بدون غاز 10 ايام


اليوم واحد من الربع سار مكتب الوالي عشان يقدر يحصله على اسطوانه وحده يقدر يخلص أموره فيها


نحن ما عندنا اختلاف قالوا من باب الأمن والسلامه هذيك الأسطوانات قديمة ولازم نستبدلها ما عندنا مانع بس لازم يكون فيه آلية معينه عشان نمشي فيها هالموضوع ونحل هالأزمة اللي صايره

وموضوع اسطوانه وحده لكل بيت هذي الصراحة مسألة ما تصلح فرضاً أنا خلص عني الغاز شو أولع حطب ؟؟؟


أرائكم واقتراحاتكم


دمتــــــم ،،،​

 

[شرطي مرور]

الظاهر الجماعة يطبخوا على حطب

شوه محد عنده مشكلة ويا الغاز ؟؟؟

 

[حلوة مكحلة]

تسلم يأخوي على الموضوع

أصلا البريمي اندمرت كل يوم يظهرولنا بشي​

 

[شرطي مرور]

شكراً على المرور الطيب والجميل

 

[طبيب الحب]

والله ي اخوي اصبر ازمه و تعدي باذن الله

 

[روح الليل]

الحين من صدج صاير هالموضوع ؟؟؟؟؟؟؟

حشا شو ناويين يجتلونا جوع

 

[WiseMan]

هذه المشكلة بسبب اسطوانات الغاز القديمة المستوردة من الامارات ، يعني شركات الغاز الموجودة بالمحافظة هم من قاموا بشراء تلك الاسطوانات وبيعها على المواطنين في المحافظة

وانا اعتقد انه لا توجد مشكلة في الاسطوانة مالم تتآكل بالصدأ ، ولكن الإحتياط واجب لذلك أصبح التغيير إجبارياً

 

[شرطي مرور]

شكراً على مروركم الطيب وآرائكم الحلوة


بس كيف ماشي مشكله وهو يوم واحد لأصدار التصاريح
والبيت اللي كان فيه سلندرين وثلاثة أصبح ما يصرفوله إلا واحد

وانتظر للشهر اللي بعده عشان يعمللولك تصريح


شكراً على أراءكم الجميله

 

[وقباوي]

الله يعينا اليوم إتصل بي واحد عشان الموضوع وسرت المصانع بس ما سولي سالفة روح وتعال شعر أربعة
البلاد بكبرها خربانة شو السلندرات

 

[دلع بني كعب]

الله يكون بعونكم
بس شو بتسوون صبروا
وان شاء الله خير

 

[شرطي مرور]

شكراً على المرور

وقباوي الله المستعان فيه ناس تحسب الأمر هين

ما تدري انه الناس من يخلص عندهم الغاز ينذلوا عشان يحصلوا غيره

 

[شرطي مرور]

الله يكون بعونكم
بس شو بتسوون صبروا
وان شاء الله خير

شكراً على المرور الجميل

نحن صابرين لكن لازم يكون حقنا كلمه في هالموضوع

لازم نتخذ إجراء على الأقل ياخذوا أراء منا حتى توضع آليه سليمه حق الموضوع


شكراً مرورج أثرا الموضوع​

 

[smart boy]

فصبر جميل والله المستعان

شكلنا بنرجع على العصر الحجري

بنولع بحصا ههههههههه

 

[السنقباسي]

انا عندي اسطونات غاز يديده للإيجار منو يبا الدفع مقدما ههاهاي

 

[شرطي مرور]

ضمها يا السنقباسي يمكن تحتاجلها


شكراً سمارت على المرور الحلو يا حلو