??? عيـــد الحــبـ ???

[بنت العرب]

قالوا أن للحب عيد واحتفال
استعيبت من هالخبر اليديد

اشفيكم ياعرب تغير عليكم الحال
عيدين نحن عدنا وغيرهن ما أحيد

اللي يهني ويرسل مسج ع الجوال
واللي لابس الأحمر وذهنه بعيد

سارح بورده حمرا كاسيها الجمال
مع كرت يقول عيد حب(ن) سعيد

بدعوا الغرب فينا وغيروا الأحوال
وصرنا نتبعهم في الشي الزهيد

قالوا عيد الحب يعني يوم وعقب زال
هذا حبهم اربع وعشرين ساعه مايزيد

ياغير حبنا في وسط الحشى لازال
مسكنه فالقلب ومسراه في الوريد

هالحب نذكره ولو طال بنا المطال
مترسخ فالقلب بلا احتفال وبلا عيد

قالوا عيد وانا اقول بلا عيد بلا خبال
عيدين عندنا وغيرهن مايتسمى عيد


اختكم ..بنت العرب

 

[أبو سلطااان]

بارك الله فيج أختي بنت العرب ع القصيده الرائعه ...
أبيات تتناول عاده أصبحت سائده فى عصرنا الحالي و قد تكلمنا عليها كثيرا مابين مؤيد و معارض و بالنهايه هي دخيله علينا ...
أبيات جميله أهنيج عليها و أتمنى أن لا تحرمينا من هذه الموهبه و نترقب منج المزيد ...
ألف شكر ...

 

[قافيات الهواجيس]

صحت لسانك اختى وعطاك الله العافيه

وانتظر جديدك

تحياتي لكي

 

[بنت العرب]

ابو سلطاااان تسلم ياخوي ع مرورك

وصدقت فكلامك ياخوي الناس صارت هالعاده منتشره عند وايد من الناس وبعضهم مايعرفون اذا عيد الحب حلال أو حرام بس شافوا خلق الله يحتفلون فيه فقاموا يحتفلون >>> شرات مايقولون الحشر ويا الناس عيد

 

[بنت العرب]

قافيات الهواجيس

صح بدنك ياخوي وتسلم ع مرورك ياخوي

 

[قطوة البريمي]

صح لسانج يا بنت العرب ..

بصراحه ابدعتي فيها ..

 

[بنت العرب]

قطوة البريمي
صح بدنج يالغلا .. تسلمين فديتج ع مرورج الغاوي
كح كح عاد لاتجاملين وايد القصيده بلا وزن بس وجودكم وردكم ع القصيده هو اللي محليها

 

[سِكًـآرِيُبِ]

صح اللسانج الغاليه بصراحه قصيده رائعه وموضوع حلو

 

[غريب الاحساس]

صح لسانك الغالية ..

تسلم ايديك ع الكلمات الروووعه ..

لا تحرمينا من جديدك ..