متــى ح ــسييت ان الدنيا ماتسوى شي ؟؟؟

[لمسة إحتراف]

السلام عليكم ورحمة الله وبركاته...


عندي موضوع مهم ويمر به كل شخص بحياتة
وسؤالي ...

متى حسيت ان الدنيا ماتسوى شي؟
والحقيقه فعلا تأتي لحظات يشعر الانسان أن هذه الدنيا لا تسوى لو قرش واحد !!
من ناحيتى احس ان الدنيا ماتسوى لما القى كل من حولى يظلمنى ولا يفهمنى

واحس ان الدنيا ماتسوى شي لما افقد شخص عزيز وغالي ....


واحس .........واحس ...........

في اشيااء كثيره !!!

وحبيت تشاركوني بأرائكم
هل الدنيا تسوى!! او لا تسوى !!!!؟؟؟​

 

[قطوة البريمي]

هل الدنيا تسوى!! او لا تسوى !!!!؟؟؟

امممممم الدنيا حلوة بس نفهمهااا ^^
بس مثل ما قلتي في لحظات تمر علينا تخليناا نحس انه الدنيا ما تسوى شي مثل يوم تحس عمرك بضيج واحلامك تتحطم وانت
هب قادر انك تحققها ..!!

والدنيا تسوى يوم تكون عايش ف سعاده ورااحه بال .. وكل الي تحبهم حواليك ...والي تتمناه يتحقق لك ..

وبث

 

[اليوبيل الماسي]

تسلمين على موضوعج اختي _

طبعاً انا من ناحيتي اشوف انها الدنيا ما تسوى شي لما الواحد يفقد اعز احبابه __

وتراه قوة الايمان وتقوية العلاقة بين الانسان وربه تكون دوا عشان هالاحساس _ كلنا ناس وكلنا انحس بملذات هالدنيا _ الدنيا حلوة بس مب دوم _ والدنيا دوارة يعني اليوم وياج باجر ضدج ،،،_ وتقبلي مروري _

 

[ليونيل ميسي]

تسلمين اختي على الموضوع ..
احس ان الدينا ما تسوى شي يوم تثق بالشخص وما يكون قد الثقة ...

بس مثل ما قالت اختي قطوة البريمي "الدنيا حلوة بس نفهمها "

 

[عنقود الأمل]

شفت العنوان تذكرت حديث صلى الله عليه وسلم (” لو كانت الدنيا تعدل عند الله جناح بعوضة ما سقى كافراً منها شربة ماء “.

هذا يعني انها ماتسوى شي بالذات عند الكافر الذي يرى الدنيا كل شي بحياته اما المسلم فهو يعلم انها ليست سوى باب للأخرة ,,تعترينا امور كثيرة نفقد فيها الاحساس بالحياة ,,صحيح ان الدنيا لاتساوي شيئا لكن على الاقل نستمتع بامور وهبنا الله فيها فلاترى الجانب السئ فيها هناك امور اخرى وجانب مشرق,,

بارك الله فيك على موضوعك

 

[ولد شيوخ]

والله انا احس انه الدنيا ماتسوى والدليل تشوف الغرايب والعجايب فيها ,,,,,وانا حسيت انه الدنيا ماتسوى شي يوم توفى يدي ((الله يرحمه)) لانه كان بصحه وسلامه وهب كبير فالسن بس روح يرقد وتوفى ,,,,,,,,,,

مانقوووول غيييير الله يعين ويسلم

ومشكور اخويه على الطرح

وماقصرت

 

[بنت الكعبي]

يوم تفقد انسااااااااااااااااااان غالي ع قلبك تحس الدنيا وربي ماااااااااااااااتسوى فلس احمر

وايد هالاحساس احس يه

يسلموووووووووووووووووووووا

 

[الصوري]

عندما تفقد انسان لا تساوي الدنيا نظره من اهدابه فنعم ثم نعم لما يحويه ذلك الانسان من احاسيس صادقه .
أما عندما تفقد انسان لايحوي تلك المشاعر فوجوده وعدم وجود سواء .

لك اطيب التحايا ع الطرح اختي

 

[الغلا]

تسمي اختي ع موووضوووعج
بس ابصراااحة الدنيا ماتسوى شي ابدا والدنيا دار حصاااد انا بالنسبه لي لما اشوف اصعب الاشياء تروح بسهووولة اشوف الدنيا ماتسوى شي وبعد لما افقد شخص غااالي او مب شرط غالي المهم اي شخص اعرفه احس انه الدنيا مب ساااوية شي

 

[كبـــــــريـاء]

موضوع جدا متميز ،،

متى حسيت ان الدنيا ما تسوى شيء ؟؟؟


لما الانسان يسعى لشيء دنيوي ف حياته على حساب الاخرين ، ظلم الاخرين ، التسلط ، الطمع والجشع ، النفاق ، الكذب !!!! لما تشوف هالفئة من الناس تقول ان الدنيااااا ما تسوى هالشيء كله ،،،


بعض الناس يفقدوا احبائهم بالموت !!!! وخاصه اذا كانوا من الاهل مثل : الام الاخ الاخت الاب !!!!!

تسود الدنيا ف وجوهم ويحسوا ان الدنيا ما تسوى شيء !!!!! ويبدا الانسان يراجع نفسه من جديد ويعيد صياغة ارواقة ،،


اشياء كثيرة تخلينا نحس ان الدنيا ما تسوى شيء !!!! طبعا بايجابية وليس بسلبية ،،

خلق الدافعية لبذل المزيد من الجهد والصبر على البلاء ،،



والدنيا ساعة فجعلها طاعة ،،

تحياتي،،

 

[حلوة مكحلة]

تسلمين يالغالية على الموضوع

أحس ان الدنيا ما تسوى شي اذا زعلت أمي ولا أبوى

 

[أسرار]

بصراحة أنا عندي الدنيا ما تسوى إذا فقدت التواصل مع أحبابي ....... وصرت بعيدة عن أهلي

 

[دلع بني كعب]

والله انا دوم احس ان الدنيا ما
تسوى شي
ودووم اكرر هالكلام

يسلموو على الطرح

 

[لمسة إحتراف]

حلوة ردوودكم


كبرياء ردج حلووو

 

[البريمي نظر عيني]

تسلمين اختي على الموضوع ..
احس ان الدينا ما تسوى شي يوم تثق بالشخص وما يكون قد الثقة ...

 

[من لي غيرك]

\


/


\


لما أفقد أعز ناسي تكون الدنيا بلا قيمة " الله يبعد عن الكل هاللحظة "


ثانكس حبوبة ع الموضوع ​