تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="اليوبيل الماسي" data-source="post: 145359" data-attributes="member: 869">تسلملي يالغالي على هالموضوع بصراحة في الصميم بالنسبة لمجتمعنا_ اول شي ببدأ بتحليل المشكلة هذي قبل لا أعطي الحل:الريال اذا لقى شغل راتبه اول شي يكون ضعيف وايد بعد هذا طبعاً خريج الثانوية العامة ، اشتغل له في مكان بس مشي حالك ، فصعب عليه لأنه هالمسألة مسألة وقت يبالها مب بس جيه.ثاني شي يوم بيسير يخطب شرطه انه تكون الحرمة تشتغل ،،،،، وهنيه مربط الفرس ،،، في هالحالة الريال يدور سند حقه لأنه الحياة تغيرت مب شرات قبل ،، احينه طال عمرك الاسعار ولعت نار ،، زيادة الراتب بصراحة شي بسيط يعني مب الي هي ...بالنسبة حق الحريم الي يشتغلون بعض الأبهات تحصلهم راصين عليهم ، بطاقة البنك ما تشوفها بعينها وأعرف أب بصراحة يعني بنته جريب الاربعين وما تزوجت عسبت انه ابوها طمعان في راتبها ، شو حيلتها مسكينة ، شو تسوي يعني ،، جدامها حل واحد ترفع على ابوها قضية، وهالشي عادي اييوز.إنيي احينه حق الحرمه ،، حلصت الثانوية ،، ما حصلت شغل ،، او درست شوي قوم معهد او دبلوم ،، يادوب تخرجت وقعدت في البيت ،، المشكلة يا اخي العزيز إنه الشواغر صعبة صارت ، وصعب انه الواحد يشتغل الا اذا كان صاحب ...الواو... وحرف الواو وكلنا عارفينه.انيي احينه من ناحية الإحصاء السكاني نلاحظ انه عدد الحريم اكثر من عدد الرياييل وهذا مثل ما كلنا نعرفه انه من علامات الساعة.انيي احينه من ناحية الشرع / ليش حلل الإسلام الزواج من اربع حريم عشان يقضي على العنوسة ،،، وللزواج لأكثر من وحدة شروط ،،، اول شي العدل ،،، إذا انك ما تشوف عمرك عادل ويا حريمك لا اتيوز فوقها عسب تنكد عليها عيشتها،، ثاني شرط وهو شرط مهم إنه يكون مقتدر مادياً.الحل لهاي المشكلة:اول شي صندوق الزواج.ثاني شي العرس الجماعي عسبت تخف المصاريف.ثالث شي التنزيل من قيمة المهور ،،، لأنه بصراحة حد من الناس عافانا الله يعني ،،، يوم يقصون الهريه عسبت المهر يطلبلك مهر يعني عادي اتظهر ستيشن نقع من الوكالة من غير مصاريف العرس ويوم تسأله ليش ،،،، قالك والله بنتي تشتغل او اي عذر يعني المفروض تكون فيه نوع من المراعاة.رابع شي: لازم تكون جهة من الحكومة ،،، شو تسوي؟؟؟ ،،، تشكل لجنة حق الحريم الي ما معرسات ،،، نفس المحكمة يعني القاضي يكون عنده الخيط والمخيط..وإن شاء الله اكون عند حسن ظنكم_وتقبلوا مروري_ وهاي وجهة نظر ومحد يزعل مني_</blockquote>

الإسم

التحقق