شو رايكم بهذي النوعية من زميلات السكن؟؟

[دلع البريمي]

قبل ما ابدا موضوعي اتمنى من كل واحد يقولي رأيه بصراحة لان هلموضوع صدق منتشر احينه وخاصة في الولايات الثانية:
بظروف دراستي تعرفت وحدة من ولاية ثانية ماشاء الله عليها قمة في الكذب..
انا ماكنت اعرفها جيه بس مع الايام عرفتها
بقولكم على كذبة وحده من اكاذيبها...
كذبة دوم انقهر منها..
هي مامخلية شاب مامتعرفة عليه المشكلة مب هنيه المشكله ...المشكلة يوم يسألونها انتي من وين تقول انا من البريمي كأنها بالعمد قاصده تشوه سمعة بنات البريمي بأي شكل وهي مالها علاقة بالبريمي ابد ....
استغفر الله سمعة ماشي ومنشرة هلكلام انا من البريمي والله ثم والله انحرج يوم تقول جذيه وانا ماقدر احرجها جدام الكل
حتى في يوم حد قالي يوم انتي معاها فنفس المكان وهي من نفس بلدج اكيد انتي مثلها...
انتو شو رايكم بوحدة جيه انا خلاص ياتني حالة نفسية منهاااااااااااا...
atch_pleur1:

 

[~آللهم آغفر لي ولوآلدي~]

اولا شيء الله يوفقج أختي وان شاء الله تتخرجين بامتياز مع مرتبه شرف >> حلمها

/
\

موضوع رائع لنقاش وأحس العيشه في سكن بنات بعيد عن الاهل شيء صعب

والاصعب اذا كانوا البنات شرات الي ذكرتيها

/
\

أنا بخبرج سالفه صارت حق ربيعتي وهي طالبه في جامعه....و طبعا في سكن البنات

تعرفين شو سوت زميلها في الغرفه نفس حالت الي معاكم بس الي معاكم اخف شوي بلاها

هذي الله يسلمج كانت تكلمهم على اساسا انها ربيعتي باسم ربيعتي الكامل وين تسكن وكل شيء عن ربيعتي

و... و ... لدرجه ان ابو ربيعتي واخوانها تدخلوا في السالفه .. وما اريد اكمل شو صار ..

المهم ربيعتي اخر شيء نقلت عمرها من الجامعه....الي كانت فيها الى جامعه

ثاينه لانه قريب منهم وما يحتاي تعيش في سكن

/
\

الناس اجناس الظروف احياننا تفرض علينا نعيش مع ناااس ما نواطنهم

/
\

الحل في رائيي ::

كلموها بالتي هي احسن وحاولوا انكم تصلحونها واذا بليس راكبنها وما رضت ادعولها بالهدايه

/
\

ما اعتقد ان بنت وحده تخرب سمعت بنااااااات المنطقه كلها حتى ولو كانت هي حذال بيتكم ما اعتقد انها تمس سمعتكم بشيء

لانه في كل منطقه تلقين الزين والشين واحيااانا تلقين في البيت الواحد مكس الزين والشين

/
\

ربي يحفظج أختي ولا تعطونها وايد اهتمام

اهتموا في دراستكم وربي يفكم من شرها

دمتي بحفظ الرحمن

 

[بصراااحة]

تبي الصراحه .. اول خطوه تسويها تحاولي انك تبعدي عنها مهما صار ..

لان التفاحه الخايسه تخيس الي عندها ..

وثاني شي مثل هذا النوع من البنات مستحيل يتعدل مهما صار ..

وخاصة انها بعيد عن بيتها .. لاحول ولا قوة الا بالله ..

الواحد ما يقول غير الله يهديها ..

وانتي الله يوفقج وتتخرجي وترتاحي من هالنوع من البنات ..

الله يستر ع بناتنا ..

 

[♥đŁφǒφ3ẵђ-2Ǿ2♥]

بعدني عنهاااااااااااااااا

الله يستر عليهااااا هذي بس

 

[AMAAR]

اول شي ليش ما تقدري تحرجيها؟؟؟ هيك وحدة تستاهل تحرجيها وقدام الكل
تاني شي عفوا بس الي قالك انك معاها بنفس المكان ومن نفس البلد بتكوني متلها انسان سطحي, اصابعك مش كلها مثل بعض واوقات في نفس العائلة بتلاقي الصالح و السيء يعني مش شرط ابدا تكوني مثلها لانكم من نفس البلد ...​

 

[شوق بني كعب]

ربي يوفقك وتتخرجين انشالله ولا تخلين وحده مثل هذي تقلل من عزمك في تحقيق حلمج وهو التخرج وكل شخص في الدنيا مجرد مايظهر من بلاده او منطقته فهو سفير لها بكل القيم والاخلاق والاهم ثقت اهلج فيج بس الاحسن ان يكون في حد قريب لج من اهلج كبير ومتفهم لهذي الامور ، عنده معرفه بالسالفه كلها تحسبا اذا صار اي شئ يمسج، مافي حد يلومج او يتهمج ، ربي يوفقج ، وندعيلها بالهدايه ان شالله

 

[~*¤ô§ô¤*~القلب داعيلك~*¤ô§ô¤*~]

قبل ما ابدا موضوعي اتمنى من كل واحد يقولي رأيه بصراحة لان هلموضوع صدق منتشر احينه وخاصة في الولايات الثانية:
بظروف دراستي تعرفت وحدة من ولاية ثانية ماشاء الله عليها قمة في الكذب..
انا ماكنت اعرفها جيه بس مع الايام عرفتها
بقولكم على كذبة وحده من اكاذيبها...
كذبة دوم انقهر منها..
هي مامخلية شاب مامتعرفة عليه المشكلة مب هنيه المشكله ...المشكلة يوم يسألونها انتي من وين تقول انا من البريمي كأنها بالعمد قاصده تشوه سمعة بنات البريمي بأي شكل وهي مالها علاقة بالبريمي ابد ....
استغفر الله سمعة ماشي ومنشرة هلكلام انا من البريمي والله ثم والله انحرج يوم تقول جذيه وانا ماقدر احرجها جدام الكل
حتى في يوم حد قالي يوم انتي معاها فنفس المكان وهي من نفس بلدج اكيد انتي مثلها...
انتو شو رايكم بوحدة جيه انا خلاص ياتني حالة نفسية منهاااااااااااا...
atch_pleur1:

ماشي مشكله يوم تكوني جالسه عند البنات حولي تسليها عن اشي فا البريمي
هي ما بتعرف ترد
عاده انتي استغلي الفرصه وانتي وذكايج
وشوفي بعدها شو بيصير

 

[قطوة البريمي]

فقدتها تشوه سمعة بنات البريمي ليش عااد .. صدق صدق قوية عين هاااي..
تبين الصرااحه .. هاي وحده المفروض ما تستحين وتقوليلها فويهها عن الي فخاطرج ..

ولاا تستكتين عنهااا .. طولي لسانج عليهااا .. وودريها .. لااا ترابعينها ..

لا تعديج ..

بصرااحه زيغتيني من السكنات .. عيل يوم بيقبلوني بعيد عن البريمي ..وبسكن فسكن وبشوف هالاشكال
لا بالله نجحناا هع هع

تحيااتي لج بالتوفيج يارب

 

[بنت البريمي]

نصيحة مني ودري هالبنية ...


هالأشكال لا تنحرجين منها وعادي فشليها مثل ما قالوا سأليها عن بعض الأماكن وأكيد ما بتعرف ...


صدج وقاحة لأبعد الحدود ...

 

[دلع البريمي]

مشكورين على النصائح عساني مانحرم منكم انتو اهل منطقتي يعني مثل هلي بالضبط ..
بس صدقوني ما يفيد معاها خليت وحدة من سكن ثاني تنصحيها بس بلا فايدة....
مرة وحدة سألتها انتي من وين من البريمي ماعرفت شوه ترا ولقطت وين انا ساكنة احين اونها من نفس منطقتي...

 

[شمعة أمل]

هلا وغلا

شكرااا ع مووضوع اختي والله انا شراتج

حصلت بعثة بنوزيلندا بس كنسلتها لاني اهلي خايفين علي

بعده مرة ثانية حصلت بعثة ب كليات بعمااااااااااان ربي يستر عليهاااا ابشع كلية كرهتاااا

كنت مع صديقتي من ولايه ب عمان ربي يسامحها وقفت معاه ونهاية حصلت جزاءي عطت رقمي لشباب الكلية وتاذيت وغيرت رقمي وصرت اخاف من سكنا لم اشوف بنات كنهم بوويات شو هالدنيا صارت فوضي
صدقوووني هالبنات بالسكنات هم بعيدين عن اهليهم يسوون فضاايح يااخذون راحتهم بالملابس الووسخة واشياء خلووها مستووورة لمهم نهاية هالفصل طلعت من هالسكن ومن الجامعة حاااااليااا ماادري شوه اسووي انتظر رد من الوزارة عس تنقيل لاني خلص انكربت حيلل وسببت لي حالة نفسية من الضيق

حتى مستوي تتدنى بسب هالسكنات ماكو مكان نيلس نذاكار ازعاج وواغاني


نداااااااااااااااااااااااء الى كل من يهم الامر



صدقوونا احنا سكن عدال سكن شباااب حررررررررررررررررام عليكم احنا بنات امانة برقبت الجااامعات حرااام

مرة شفت شاب وانا بغرفتي شفته من الدريشة يصوور البنات الا كانت يالسات ف حووش السكن

وكانت ايام المطر
اررررررررررررررجوووكم الحقووووووووووووووا بناتكم رااحوووا ينهمدوووووااا






ا

 

[كبـــــــريـاء]

اغلب الفتيات يعانين من صديقات السوء فالسكن خلال اكمال مشوارهم الدراسي العالي ،،
من خرجت من بيتها وهيه محافظة على سمعة اهلها ومنطقتها من المستحيل ان تسلك طريقهن الا اذا كانت هيه ترغب في ذلك ،،

لو اجتمعت عليك 5 6 7 من صديقات السوء وانت مقتنعه بمبادئك ووجهة نظرتك السليمة للحياه لن تتمكن احداهن من تضليلك ،،

وحقيقة اصبح الجميع ينسب نفسه لمنطقه لم يعش فيها او عاش لمدة زمنية قصيره (وقال انا من اهل هذي المنطقه) ،،

صديقتك هذه مثل ما ذكروا الاخوه : من المفروض الابتعاد عنها !!!!!!!!!! (هالفئة ما جايه تدرس كثر ما بقلبها اعمال سوء تترجم بشكل تطبيقي كما ذكرتي انها تكلم شباب ...الخ)


بمجرد معرفتك بهذا 100% التصرف السليم تبتعدي بعد ما تنصحيها ،،

هيه تقول انها من البريمي ؟؟ وهي اصلا مب من البريمي ؟؟ (خليها حتى تقول من بنجلاديش)

الانسان يقيم من خلال تعامله مع الاخرين ،،
البعض يعمم على الكل انت من المنطقه الفلانية خلاص كل بنات او شباب تلك المنطقه نفس الشيء ،،

طبعا هالنوع جاهل وعنده نظره قاصره للامور مثل ما ذكرتوا ،،


لن اطيل :

ولكن طرحك لهذا الموضوع يدل على اهتمامك بسمعة اهل منطقتك فاثبتي لهم الصوره المثاليه لبنات المحافظة ،،

واترك صديقة السوء ،، لن تجلب لك الا الضياع ،،


تمنياتي لك بالنجاح غاليتي ،،



تحياتي الكبريائية

 

[كبـــــــريـاء]

مشكورين على النصائح عساني مانحرم منكم انتو اهل منطقتي يعني مثل هلي بالضبط ..
بس صدقوني ما يفيد معاها خليت وحدة من سكن ثاني تنصحيها بس بلا فايدة....
مرة وحدة سألتها انتي من وين من البريمي ماعرفت شوه ترا ولقطت وين انا ساكنة احين اونها من نفس منطقتي...

no need to ask here
ما في داعي تتعبي نفسك معاها ،،


خلاص شوفي مستقبلج اختي ،،
ان الله لا يغير ما بقوم حتى يغيروا ما بانفسهم ،،


هذي عندها قناعة تامه انها من البريمي (حاله نفسية) ،،

خليها تحلم ع قد عقلها ،،

وانتي واصلي مشوارج الدراسي ،،

الاهل يرسوا بناتهم لدراسه بس النصيحه واجبه فالوجوه اللى تستحق ،،


تحياتي لك ،،

 

[غريب الاحساس]

لا حول ولا قوة الا يالله ..

الافضل انك تبتعدي عنها اختي الكريمة ..

والله يسامحها ع الي تسويه ..

الله يستر عليها ..

 

[دلع البريمي]

مشكورين واااايد على هذي النصائح
وان شاء الله من هذا الفصل بقاطعها وكأني مااعرفتها بيوم ....

 

[دلع بني كعب]

اول شي ربي يوفقج وتتخرجين

ثاني شي لازم تبتعدين عنها بأي طريقه
وتوقفينها عند حدها لاتسكتين عنها
خاصه يوم تقول انا من البريمي
والله البريمي حشيمه ويازين سمعت بنات البريمي
مب هااي

 

[همسة حنين]

أختي فعلا والله كلامج صحيح
أنا عندي نفس المشكلة

أنا أدرس فكلي العلوم الطبيقية
وعندنا مجموعة بنات صايعات في السكن
بس هن مبمن البريمي أصلا

ودايما في ممرات الكلية تصرفاتهن تفشلنا
والمصيبة
هن يعرفن إنا نحن مال البريمي
ويوم نمر عدالهن في الممرات يتعمدن يسلمن علينا ويرمسنا بصوت عالي
على بنا إنهن من البريمي

بس أنا أعجبج ما أفيسهن
والبنات الباقيات في السكن يقولن بنات البريمي وبنات البريمي
ونحن دوم نأكد إنهن مبمن البريمي

غالبية البنات يعرفن عشان بنات البريمي ينعرفن من أخلاقهن
وأطباعهن

وفي مرة مرينا فالكلية وحاولن يطفربنا يبن يمشن ويانا
وأنا وربيعاتي نتهرب نقولهن نحن محاضرتنا في المبنى الثاني
إنتن سبقنا ونحن لاحقينكن
روحنا عند المشرفة رئيسة قسم شؤون الطالبات وقلنالها
روحي تطالعي مجموعة البنات اللي في الممر وحركاتهن البايخة

روحت الأستاذة ما قصرت قدمت فيهن شكوى
وعطوهن إنذار

ومن بعدها ما يحاولن حتى يقربن علينا
لأنهن عرفن منو بنات البريمي

نحن نتعامل بأخلاقنا
مبرايحين نرمسهن بصوت عالي في الممرات وقدام الشباب

وبعدنا ورانا عمر في الكلية يعني
لازم نتعلم إننا ما نسكت عن هالأشكال

كله عشان مستقبلنا
وبس

شكرا أختي

 

[دلع البريمي]

طبعا شي وايدات من هنوعية س انا اقوللكم عن نموذج واحد والله يعين كل وحدة عندها شرات هنوعية فسكنها او فجامعتها.....

 

[همسة حنين]

طبعا شي وايدات من هنوعية س انا اقوللكم عن نموذج واحد والله يعين كل وحدة عندها شرات هنوعية فسكنها او فجامعتها.....

آآااااااااااااااااامين
بس نحن مدامنا مبغلطانات بالطقاق
هي ولا غيرها تولي
تبي تبلينا بتصرفاتها الكشرة
لا حشى الحمد لله أهلنا ربونا أخير تربية

ولا مية وحدة من هالنمونة تقدر عليه
أتمنى تطنشينها أنتي بعد ولا تفيسينها

 

[الفلاحي صاحي]

no need to ask here
ما في داعي تتعبي نفسك معاها ،،


خلاص شوفي مستقبلج اختي ،،
ان الله لا يغير ما بقوم حتى يغيروا ما بانفسهم ،،


هذي عندها قناعة تامه انها من البريمي (حاله نفسية) ،،

خليها تحلم ع قد عقلها ،،

وانتي واصلي مشوارج الدراسي ،،

الاهل يرسوا بناتهم لدراسه بس النصيحه واجبه فالوجوه اللى تستحق ،،


تحياتي لك ،،

كلامج 100% أهم شي مادام نحن واثقين من نفسنا ومركزين في بناء مستقبلنا مايهمنا شي حتى لو عليشين في بنجلاديش ولاندرس مع واحد صهيوني,, والكمال لله ززززز