السَعيدي
<font color="#ff0000">¬°•| إداري سابق|•°¬</span></
بسم الله الرحمن الرحيم
بدون تحضيرات ولا رسميات وبصوره مفاجئة قررنا نطلع رحلة
هذا الكلام كان يوم الخميس 27 – 11
وعلى عجلة بالليل يعني ليلة الخميس وقبل لا تسكر المحلات
سرنا السوق ( أبو سلطلان ،، عثاري ،، الظاهري ،، الأرجنتيني البار)..
خذينا الأشياء الي راح نحتاجلها وبعدين سرنا ويلسنا نكمل سهرتنا.
طبعا اتفقنا على ان نطلع الساعه 9 الصباح
لكن بعض الناس كانوا بعدهم راجدين الساعه 9هع هع
المهم كملنا الأشياء الباقية من الأشياء الي راح نحتاجلها
وعلى ما تحركنا يمكن صارت الساعه 11 >>> يريدو يظهروا الساعه 9 هههههه
وحرصا منا على ان نعيشكم معنا اجواء الرحله قمت بتوثيق بعض المجريات بعدسة فوني الحتران هع هع
5 ميجا بيكسل
وعلى الله توكلنا
كل شي جاهز للانطلاق
ومن هنا كانت الانطلاقة ( مواقف المستشفى )
والى اللآن ما نعرف وين راح تكون الوجهة وبعد ما تحركنا اجرينا مشاورات بسيطه وقررنا بسرعه ان الوجهة راح تكون ( المضبة ) >>> أكيد تعرفوها،، ولو ما عرفتوها ما أعرف كيف أشرحلكم بس أضن إنكم تعرفوها هع هع
مع الضحك والسوالف ما درينا إلا ونحن عند الجبل المقصوص
بعدين مرينا وتريقنا ريوق خفيف من المطعم الي بعد الجبل المقصوص
وعبينا ماي إحتياط لانا ما نعرف المكان الي بنسير فيه إذا كان متوفر الماي ولا لا.
كان الجو وااااااااااايد حلوا ،، غيوم وهوا بارد
( جو رحلات على قولت المدير)
واستمرينا في المسير
والأجواء مميزه والكل مستانس على الأخر
الي ما يندل مضبة يوم يشوف هاللوحه ينعطف يسار هع هع
طبعا من بعد ما انعطفنا من الشارع العام ومثل ما شفتوا ان المسافه 4 كم كان كل الشارع ترابي وفيه شويت وعوره بس عادي السياره تسير هناك
طبعا ابو سلطان قال بنسير في سيارته ( وكان تسلم سيارتي هع هع )
وهذا أحد المعالم الي مرينا عليه
يعني لو سرتوا هناك يوم تشوفوا هالمنظر يعني انتوا في الطريق الصحيح
وبهذه المناسبة هع هع ::: أحب أتقدم بخالص الشكر للأخ أبو سلطان لأنه كان وايد متعاون عندي ويوم اريد اصور يوقف السياره ويقولي صور على راحتك هههههههههههه
شكرا يا ابو سلطان
طبعاً وصلنا المكان المقصود واول ما وصلنا وقفنا السياره فوق الجبل
ونزلز الشعب يتفقدو المكان ان كان مناسب أول لا
وروحنا أنا وأبو سلطان ندور حطب
ونحن يالسين نكسر هذيك السمره الغاويه
رجعوا الربع وكانو مب مرتاحين من المكان وقالوا أحسن نسير ندور مكان ثاني
وبعد مشاورات مطوله
قررنا انا وأبو سلطان نسير نطالع المكان مره ثانيه
ونحن ونتفقد المكان صورتلكم بعض الصور واريدكم تقولوا شو رايكم بالمكان عشان نحدد إذا بنيلس فيه او لا
شوفوا الصور واريد رايكم
هع هع
وطبعاً شي ضلة وماي نضيف ومكان حق الجلسه
هذي صوره علويه للمكان
هااااااه شو رايكم بالمكان؟؟
وهم يالسين يتريونا فوق
هع هع
وبعد يفرونا بحصى هههههههههههه
شو يعني تتحروني ما بخبر عليكم؟؟؟ هههههههههه
شورايكم نريح شوي؟؟
هبشوا بس عن تخلصوه هع هع >>> حيخلصووووووووووووووه
باااااااااااااااارد
بالعافيه على قلوبكم
يالله الحين بنواصل بعد هالبريك هع هع هع
وطبعاً هذا واحد من العمال من الجنسية البنجالية هب ريح والله ماقصر ساعدنا وسوالنا محاضره بعد
ويلس حدثنا عن الرزق وان الله خير الرازقين وقرالنا بعض الآيات من سورة الجمعه
استقرينا تحت الجبل
كان المكان فنان وفيه ضله وماي
وبدينا الشغل
ولعنا النار
وتم تقطيع السلطه على طريقة أبو سلطان و دايم الشوق
قطعنا الدياي وسوينا البهارات
بطريقة عثاري و الظاهري
أما الشاي والعيش الأبيض بالسمن البلدي على طريقتي الخاصه هع هع هع
العيش ما لحقت اصوره من زود الربشه
وطبعا كل شي كل اوك ومرتب على أحسن الطرق
وبعدين صلينا وارتحنا
وكنا يوعاااااااااااااااانين موووووووووووووووووت
مره منتهيين من اليوع
وطبعا بعد ما حطينا الغدا تم القضاء عليه في ثلاث خطوات فقط هع هع هع
تابعوا الخطوات الثلاث بالصور هع هع هع
1
2
3
طبعا هذي كانت اسرع واسهل الطرق في القضاء على العيووووش هع هع هع
هنيه عاد بعد ما شبعنا
شوفو اللعب
ثلج ونار ينتج عنه قنبلة ذريه هع هع هع
لا تجربو هذي الطريقة في البيت هههههههههههه
وهذا كان ضيف عزيز علينا هههههههههه
طيووووووووووووووووبي
بعدين شلينا قشنا وتحركنا وكنا مستانسين فل
بعد أكل العيش احلا شي ركبة الجبل هههههه
وتمشينا على الراحات مع هذيج الهبوب الغاويه والجو الرومنسي
وهذي كانت كل السالفه
بصراحه ونااااااسه ع الأخر
ايام ما تنسي من العمر
وبما إني حاط الموضوع أحب ومن كل قلبي ان اشكر الأخوه الي كانوا ويانا في الرحله
وأقول:
الصداقة كنز معنــــــــــاها جميل ::: من ملكها اشهـــــــــــد انه ملك
تعرف اوصافك من اوصاف الخليل ::: والصديق احيان اقــرب من هلك
من كلام المصطفـــى سقنا الدليل ::: الجليس اثنين واحـــــــدهم هلـِك
حامل المســـــــــــك طبـّن للعليل ::: صاحب ٍ للخيــــــــر بدروبه سلك
لو تحس بضيق للضيقــــــــة يزيل ::: لو تغيب شوي عن الحـال سألك
شكراً أبو سلطان
شكراً عثاري
شكراً الظاهري
شكراً دايم الشوق >>> تحية خاصه
واهديكم هالبيت
يروني طفلاً مدلل ....* وانا حامل جروح سنين
وشكراً للجميع
أخوكم الأرجنتيني البار
التعديل الأخير بواسطة المشرف:
