مرحباً أخي الكريم موضوع جميل رغم أن العنوان لم يكن واضحاً
أنا مع القرار وضده وهذا شي طبيعي لا يعجبنا شيء بالكامل أو يزعجنا شيء بالكامل ايضاً لذلك دعنا نرى كفة من هي الأرجح !،،
معه :
1- الحرص على مقومات السلامة في الطريق ،لافتقار السيارات القديمة لانظمة الامن الحالية المتواجده في السيارات الأن
2-الحرص على امن ممتلكات المجتمع فنحن نعلم أن اغل الحوادث سببها السيارات القديمة
3-الحد من التلوث الببيئي
4- الحد من حوادث الطريق والإزدحام ومشاكل عُطل السيارات القديمة ويمكن هالشي ف دبي اكثر اللي هي اصلا بدت بهالقرار
5-طبعاً راح يصير شكل المدن اجمل بدون تلك السيارات
بلهجة عامية }ْ~
سيارة خطف عليها 20 سنة وفي هذا الجو هل نتوقع انها صاحية ؟ اصلا نحن اغلب سيايرنا من عقب 10 سنين يبدن يصرفن ايل والمشكلة نقول بنبيعها لا وبربع سعر ،، يعني اول الاستشينات ب120 تقريبا قول قبل 10 سنين ولا حتى 15 سنة لو قسمت هالمبلغ ع عدد السنوات اللي استخدمت فيهن السياره بين خمسة الاف !! يعني مافيها جيمة فليش نزعل ولا نقول حرام وشو بنسوي !!
غير جذا انا اشوف حرام تنقل ملكية ام 20 سنة ع حد غيرك ياترا هذا بعد كم بتقعد عنده وكم بيعاني منها
وماننسى طبعاً ان الكلاسيك مستثنى من هالقرار !،،
ضده :
لاني افكر في السيارات اللي ماتصلح حتى للبيع في الامارات ، الا لمحلات الخرده او خارج الدولة ياترى راعيها شو بيسوي
دبي تدرس الحين قرار تعويضهم مالياً لكن لو افترضنا انهم بيعطونهم تعويض اعتقد مابيعطونهم الا جيمتها في السوق يعني مال 1000 درهم ولا 2000 درهم ولا يزيد
طيب الشخص اللي كان يصرف من ورا هالسيارة وتطلع له شهرياً 2000درهم اذا مايزيد يعني تقريباً بالسنة 24 الف درهم هل تعتقد انها انحلت عنده ولا وضع في مشكلة وضائقة مادية كبيرة
انا اقول ان شاء الله تنوجد تسهيلات اكثر لهذي الفئة اما لاهل الدولة فما اعتقد انظلموا في شي والقرار لصالحهم 100%
بالنسبة لعمان اعتذر ماعرف اي شي عن بلدكم الغالي !
شكراً على الموضوع الجميل والطرح الراقي
atch_mechan: