نبض شارع البريمي
¬°•| عضو مبتدى |•°¬
: احلى قصة اماراتية في احلى مدينة ....((العين))
السلام عليكم ورحمة الله وبركاته
أولا:هذي القصة منقوله
عيبتني هذي القصة وحبيت انقلها لكم ان شاء الله تعيبكم
*على شط البحر ورماله الذهبيه من أشعة الشمس ونور الفجر البازغ...وأمواج البحر تتلاطم بقوة وكأنها تحاول مجاراة أفكار أحمداللي كان يالس على سيت سيارتة الستيشن وفاتح الباب..وفي أيدة أخر صلب زجارة من باكيت المارلبورو وهو سارح يفكر ...وعلى الجامة متجمعة قطرات الندىالباردة... وهو يكتب أحلى حروف أسم عايش في قلبة (مريـــــــــــم)... ويمسحها بأيدة بكل قوة ...وتنزل دمعة حارة من عينة الحزينة... ومع هالدمعة يبدأ يتذكر أولى بدايات حبة القديم ...في أحلى مدينـــــة ....العيـــــــن..
أحمد ولد من عائلة معروفة...أكبر أخوانه ...جميل بطبعة الهادي وجسمة المتناسق الطويل ..اللي كلة رجولة...وشعرة الأسود..متخرج من أكبر جامعات أمريكا...كان مشهور بجمالة ووسامتة بين ربعة..(يعني كشيخ وراعي مظاهر)...
منصور :ألووووووووووو ...أحمد عنبو مب رقاد هذا ...عبرت الرقاد...قم بنسير السوق...
أحمد: ألو .......هاه .......شو ........ليش.....باي
منصوروهو معصب:أقولك اليوم بنسير أفتتاح العين مول ...بنــــــــــــــــات...غربلك الله ...نش
أحمد: أقولك ماعندك سالفة أنا سهران ومافية ...وبعدين ماعندك غير البنات..أفتتاح بنات ولا سوق...
منصور:أنته الخسران ..أنا غلطان متصلك ...برايك بسير ويا مبارك ....أبرك
أحمد:ههههههههههههه بروك...لاتنسى توكلة من ماكدونلز لا يفضحك...نسيت سالفة يوم دخل ماكدونلز وقال عندكم كيما...ههههههههههههههههههههههههههههه
منصور:ههههههههههههههاي...بليس يسير وياة...يالله قم قم ...عندك عشر دقايق ..وبصيحلك عند الباب...
أحمد:أوكي بقوم أخذ دوش...وأدّخن...و
منصوريقاطعة:عنبووووووووووو رايحين عرس..خلص بسرعة..باي
أحمد: هههههههه منصور ... أوكي باي
مريم بنت جمالها رباني..غير عادية...أنيقة...فارعة الطول ..طفولية الوجة...رشيقة..شخصية جذابة رومانسية وهادية...
الأم:عنبو ذا الرمسه...كل ليلة طرووق السوق...
مريم:أماية..اليوم أفتتاح العين مول..بس اليوم بليييييييييييييز
سلامة:شو هذا سجن ولا بيت...أنا بروح الأفتتاح اللي يبا يتبعني
الأم:السويج عندي والهندي راح المزرعة .....ماشي سيارة..
مريم تهمس في أذن سلامة: الخطة (ب)...
سلامة ودموع التماسيح في عينها: أماية حبيبتي ...بوسه مني وبوسة مني ..
مريم تقول : أمي مابنتأخر ساعة بالكثير ...عشان خاطري .
الأم : لا إلة إلا الله...أخر مرة ..ولا تتأخرون ...أوكي..
(الأم ماتقدر ترفض لهم طلب لانه مابقالها حد فهالدنيا غيرهم بعد موت ابوهم)
مريم : أماية أموت وأعرف منو علمج أوكي...هههههههههه..
سلامة: ههههه أوكيشن.......
الأم: حبيبتي أنتي وياها...يالله روحو ولاتتأخرون...
مريم تهمس في أذن سلامه:نجحت الخطه....وااااااااااو.......أقولج أتصلي في منى ...وقوليلها تلاقينا هناك...
سلامة: منى...أكيد مطيحة في الشات...هذي مدمنة ...بسويلها تلفون.......
سلامه:ألووووووووووووو ...منى..
منى: هلا هلا ........ ولكموووووووووووووووووو
سلامة منصدمة .....
سلامة: جية أنا قايلتلج باااااااااااااااك
منى: ههههههههههه ...أسولف وياج سلّوم .....أشفيج
سلامة : أقولج تعالي بنروح العين مول الأفتتاح اليوم..شرايج ...بتين ويانا...
منى : أكييييييييييييييييييييييييييييد...هذا شي مايتفوت...برب أمي تزقرني..
سلامة : أونه برب...غربلج الله ....حاله نفسيه صدق...
منى:هههههههههههه..أمزح وياج يالغبيه..لووووووووووووووووول.
سلامه: أشوى صدقت...أوكي بعد ساعه بنمر عليج بالسيارة..باي
منى:أوكي .........باي
على أنغام أغنية راشد الماجد ...مشكلني كان منصور يرزف على السيت وأحمد يطالعة..وميت من الضحك: منصور...تبانا نوقف تنزل شوي تبرد خاطرك تاخذ لفة على الدوار..ههههههههههههه
منصور: ههههههههههه.....ياخوك ارتبشت..
أحمد:أيلس لامغطلك العصا ...
منصور:وقف هنيه باركينج...مب جنه هاي سياره ..حد مب غريب عليه.....وبعدين موقف غلط..
أحمد : نزلنا ...يالله...
توقف بجنب سيارة أحمد ..سيارة نيسان بيج...وتنزل منها ثلاث بنات....
منصور:ياويل حالي أنا....
أحمد : عيب منصور ....فضيحة
سلامة:شعندة هذا يطالع...خقاق بعد
منى:وين ...ماشوف حد....
مريم:هههههههه..مالكم خص في حد ...خلونا ندخل ...المول
في داخل العين مول كانت مريم وسلامة ومنى يتمشون ...
مريم: والله عجيب...
سلامة : يوعانة...
منى: ههههههههههه...لووووووووووووووووول
سلامة:أقول منى .. لاتفجينها الغشوه أبد..
منى :ليش.
سلامة:علشان مايطردونا..قصدي يحسدونج..ههههههههههههه
منى:أونج...أقول مافي مقهى أنترنت هنيه........
سلامة:شي تصدقين ....متروس شباب....بس اليوم درو أنج يايه...أغلقوة مؤقتآ....
منى:ههههههههههه...حلوة بس ماتضحك....
مريم: يالله أنروح محل ياس للعطرو..أبا أخذ دهن عود...
سلامة: نحن بنسير...المطعم لاقينا هناك..يوعانة..أوكي
مريم: أوكي
أحمد ومنصور يتمشون ويقول منصور: ياخي حلو المكان ..بارد..ذبحنا الحر برا...
أحمد:ههههههههه..منصور طالع مب هذا ربيعك بروك...
منصور:وأنا أقول السيارة اللي في الباركينج مب غريبة عليه...
مبارك:ياحيهم الشبيبه كلهم في المول اليوم....شحالكم وأخباركم يامرحبا الساع...اللي مضيع حد بيحصله اليوم
أحمد:..بخير الله يعافيك.. والله ماتوقعت ألقاك هني..
منصور:أتوقع كل شي فهالدنيا..
مبارك:يالخونه ليش ماقلتولي أنكم بتسيرون...
منصور:ماعندي رصيد
أحمد:وأنا تحريتك في العزبه...ههههههههه
مبارك:تعالو أبا أخذ عطر ...تدلون محل فنان...
أحمد:هذو وراك محل ياس....خلا
ويدخل أحمد ومنصور ومبارك...من أشهر وأجمل محلات العطور ...ياس
منصور:الله وايد حلو هالعود...
أحمد: أنا أبا أخذ دهن عود...
مبارك يقلد صوت عيوز :رفيق ..عندك مخمرية...ههههههههههه
منصور:وين أودي ويههي...(ويمسح على لحيتة)..
أحمد: ماتيوز عن سوالف العيايز...ههههههههههه
فجأة ينفتح باب المحل وتدخل مريم ...بخطوات رشيقة...وتوقف عند راعي المحل وتقول:لو سمحت نزلي أحلى العطور اللي عندكم..
منصور يعدل غترتة ويقول لأحمد: طالع هناك ...يمينك...عدالك...مب هاي اللي موقفين عدالنا ...وين القصيره(يقصد منى)....ياويل حالي أنا
مبارك:مرحبا الساع ..شحالك رفيق...
رفيق ماعطاه ويهه)
يرن تلفون مبارك( نغمة خمس الحواس ميحد حمد ):ألوووو..سيارتيه ليش ..يخالفوني...ألحين ياينكم...أنا ومنصور
منصور:اوهوووووووووووووه..شو هالبليه...
مبارك:عنبو مخّوة بوش ...يالله يالله ...
ويطلع منصور ومبارك من المحل...
أحمد: أنا باخذ هذا العطر...
راعي المحل:هذا أخر عطر موجود في المحل..الأخت أختارتة
مريم:لا لا خلاص ...ماباة...باخذ غيرة
أحمد:ينظر بنظرات إعجاب لها ..ويقول:لا لا مايصير ...
مريم:لا شكرآ.
مريم ماتعطية فرصة للكلام...وتطلع من المحل...وأحمد يراقبها بنظراته...وهي طالعة ...
سلامة ومنى على طاولة المطعم.......
مريم تقعد على الكرسي :هااااااااي بنات..
سلامة:ماشوف كيس ..ولا عطر...وين رحتي
مريم:ماشي عجبني...
منى اطالع سلامة:معقولة ...ولا شي عيبج
مريم :المهم قومو نرجع البيت تأخرنا...
أحمد واقف عند سيارتة ومعاه منصور....
منصور:ألحين شو قررت تسوي.......
أحمد:أنا عندي فكرة وايد حلوة.....
مريم ومنى وسلامة عند سيارتهم...
مريم تحاول تفتح الباب وتتفاجأ:شوهالكيس المحطوط على الباب...وتفتحة... العطــــــــــــــــــــــــــــــر اللي أخترتة....
سلامة باستغراب:قلتي ماشي عجبني...
منى:عندهم خدمة توصيل (سيارات)...هههههههههههههه
سلامة:ههههههههههه الظاهر جذية
مريم تفكر وماسمعت تعليقاتهم...ليش يهديني ...شو يبا مني.... شوقصدة....
سلامة:منو ؟....مريم أنتي تكلمين عمرج.....
مريم:لا لا ماشي....تأخرنا ...أكيد أمي تحاتي....
وراحوا البيت ..
...في غرفتها الهادئة ...ورق جدرانها الأبيض ...ورود...شموع...لوحات زيتيه تزين الجدران...ألعاب طفوليه ودباديب ... أخر الليل وعلى ضوء القمر ......مريم واقفة على البلاكونة..وتفكر في اللي صار لها اليوم..خذت الكيس اللي كان على سريرها...فتحت علبة العطر..تشمها..ولقت بطاقة مكتوب فيها..(رقم موبايل)...........
تضايقت وبدون شعور ..قطعت الورقة بكل عصبية...وحطت العطر على الطاوله..........
في الطريق للبيت ...في سيارة أحمد...
أحمد: أنا مادري شو فيني اليوم....عنبو رديت مراهق................صدق أني تافه
منصور:أحمد ...ما أتصور أنها تتصلك....شكلها مغرورة.....
أحمد: أنشاء الله ماتدق.......
منصور:شو ياك........تخبلت أنته........وليش تتعب نفسك من الأول....أذا مستغني .......كلك نظر
أحمد: أنزل أنزل .....لا أفرك من الدريشة .......صدق أنك غبي وأنا أغبى يوم أسمع كلامك....
منصور:ليش العصبية ....صاير كبريت...أونه عندي فكرة ومادري شو...لو أنا حطيته فأيدها أسهل ههههههههههههههههه...
أحمد: الحين هي أكيد تفكر أني أنسان تافهة ....
منصور : أذا ما أتصلت فيك ...لاتسميني منصور ...
أحمد : شو بقولها ...بتأسف لها أكيد.....
منصور: أحمد ..أول مرة أشوفك مرتبك جذية...لايكون ...احم احم..وايد مهتم في الموضوع ...خلاص يابوشهاب...هد أعصابك...
أحمد: مادري يا ريال ....خلها على الله.......
بعد مرور فترة من الزمن
....مريم في غرفتها هي وسلامة...على الكمبيوتر..على شات ...العين
سلامة:يالله نسير غرفة المناصير ...شكلها حلوة...
مريم:لا لا خلينا في الرايق....
سلامة:طالعي هالنك يضحك...هههههههههه ..(خرقوش الوثبة)
مريم:ههههههههههههه..الله يغشهم
سلامة:أمي أدق الباب...أكتبي برب
مريم:تركض وتفتح باب الغرفة ...
الأم:مريم حبيبتي ..أحس الدنيا أدور فيني...تعبانة
مريم: سلامتج أماية...تبينا أنروح المستشفى....الساعه كم الحين وحده ونص
الام :آآه يمكن الضغط أرتفع عندي ..
مريم:سلامتج امايه تبين... وقبل ماتكمل مريم كلامها تمسك الام مريم ويغمى عليها..
تصيح مريم :سلامه تعالي امايه مادري شفيها تعبانه .....لازم أنوديها المستشفى ...بســـــــــرعة....
(المكان المستشفى...الساعه 2:24)
في مستشفى توام.. غرفة الطوارئ...أم مريم على السرير..والدكتور يفحصهاويقول:لا لا مشاء الله...
دلوقتي حند يك علاج وتخفي وتبقي زي الفل...
الأم : مشكور وماتقصر ....يا(دختور)....زي الفل؟؟؟..........الحين الحمد الله صرت(فل أوبشن)....
مريم:هههههههههههههههه... الحمد الله على السلامه يا اميه... فديت روحج أنا ...وتحضن أمها بحنان
....
الأم : يابنتي لاتتروعين مافيني إلا العافية.....والحين بنرد البيت....مع السلامه( دختور)...
............................................
في الطريق وهم رادين البيت على دوار الجبل ....كان واحد من الشباب ...يستعرض بسيارته....ومسرع ..وفجأه...أستوى حادث....دعم السيارة من ورا.....
الأم: والخيبه تخيب هالدريول والي يسير وياه.....أه ياظهريه....ردوني الدختر....
مريم:ههههههههههههه..أمايه....أندعمنا ....
الدريول:ماماه....ماماه.....
الأم: والخيبه وبناتها عشر.......ماتشوف .....دعمتـبنا....
وبعد شوي....دورية الشرطه كانت في المكان...ونزل منها الملازم أحمد...
أحمد يكلم الشاب ويفهمه أنه الغلط منه....
أحمد: وين ليسنك.....
الشاب وهو مرتبك: ماعندي....نسيته..
أحمد: نسيته...تعال معاي أركب....السيارة...
أحمد يطالع سيارة مريم...ويقول في خاطرة....مب هاي سيارة البنية أم العطر...... ... وشاف مريم منزله الجامة..وتأكد..أنها هيه...
أحمد يقول للشاب: أٌقعد في السيارة....
ويروح أحمد لسيارة مريم ويكلم الدريول....
الدريول: باباه هزا غلطان...أنا دريول تمام...
أحمد: زين زين أنته باجر تعال ...مرور....زين...
الدريول وهو يهز راسه: زين باباه...أنا ودي ماماه وبنت داخل سيارة...
أحمد يستغل الفرصه:مين عندك داخل سيارة؟؟؟
الدريول:ماماه وضحى...وبنت مريم....
أحمد: هيه بس...وين باباه
الدريول: هزا مسكين باباه مافي ..موت زمان ...
أحمد : هيه الله يرحمه..
أحمد: وين بيت مال أنتم؟
الدريول وبدا يشك: باباه أنته اريد سوي عروس هههههههههههههه....مصخره مصخره مافي زعلان...بيت فلي هزاع هزا.....
أحمد: زين زين...هات رقم مال أنته ...يالله
الدريول:باباه...أنته في زياده خرامي.... أنا بطاقه مقطوع واحد سبوع قبل....أنا عطي رقم مال بيت .....
أحمد وهو يبتسم: جيب يالله ...
وسجل أحمد رقم بيت مريم في تلفونه وراح بدوريه الشرطه ومعاه الشاب ....ورجعت مريم وأمها للبيت...وهم تعبانين من اللي صار في هاي الليله...
في اليوم الثاني.......................................
يرن تلفون بيت مريم...
مريم قاعده تقرا المجله في الصالة...ويرن التلفون.....ترن ترن ....ترن ...ومع ثاني رنه مريم ترد...وتشل السماعه وتقول:ألو
أحمد:مرحبا ...السلام عليكم...هذا بيت سعيد بن سالم...
مريم:وعليكم السلام أخوي ...هيه نعم ...هذا بيته
أحمد: منو معاي لو سمحتي
مريم: أنا بنته مريم...
أحمد وهو فرحان: هلا والله...أختي أنا متصل بخصوص الحادث اللي أستوى أمس ...الريال عرف انه غلطان وبيصلح السيارة....
مريم: مشكورين وماتقصرون....والله
وتدخل الأم الصالة وتقول: مريم ...مريم..خبري الخدامه تيي أباها تهمزنـي عن العصبه.......................منو أترمسين.....مريم
مريم: هذاواحد من المرور يقول أنه الريال بيصلح السياره...
الأم: ألووووووووووووه....من .........هاه
أحمد: هلا خالتيه....خلاص نحن نهينا الموضوع......
الأم: نهيتوه..... مشكورين ...مع السلامه...وتسكر السماعه...
أحمد يسكر السماعه ويقول:..... مريم........ياويلي أنا على الصوت.....أنا شكلي رحت فيها..................
مريم: أمايه ليش عصبتي........
.الأم: يقولي خالتيه....خلته شوجه..............أنا بعدني شباب....
الأم : ..........بروح أشوف قناة الجزيره ....برنامج بلاحدود....مال أحمد منصور
(الأم عندها ميول سياسيه)..
مريم:هههههههههههههأمايه أنتي أحلى أم في العالم..........
....................................................................
فالليل الساعه تقريبا 12 ...بد ت السهرة ...مريم وسلامه يتابعون فلم مصري على الlbc
سلامة: مريم هاتي الكلينكس اللي عدالج....الفلم وايد حزين .....يصيّح....
مريم: فاتن حمامه ...تمثيلها روعه.....وعبد الحليم ياويلي أنا....
يرن تلفون الصالة فجأه ...ويخرب على سلامه الفلم: أوهووووووووووووووه...هذا وقته...بروح أشوف منوه
بعد شوي ترجع وتقول:والله ماعندهم سالفه...أقول الو الو ماحد يرد...نص الليل ...هذا حد مسلطنه عليه....خيبة
شوصار في الفلم.......خبريني
ويكملون الفلم.....
ويرن تلفون الصاله مرة ثانيه...............ترن ترن ..........ترن ..........
سلامه:أنا بروح أير الفيشه أحسن.......
مريم: أنا بروح أرد.......أنتي تابعي فلمج...............
وتروح مريم الصاله...........وتشل السماعه..
مريم: ألو...ألو....
أحمد:مرحبا الساع...مريم ....شحالج
مريم وهي مستغربه: هلا منو معاي...
أحمد: أنا الملازم أحمد....
مريم: هلا فيك بخير الحمد الله....
أحمد وهو مرتبك ومايعرف شو يقول:إنشاء الله عيبج العطر....والله الصراحة ماقدرت آخذه وخاطرج فيه.....
مريم وأتذكرت أحمد اللي لاقته في العين مول وقالت: أنته اللي كنت في محل العطور ...أرتبكت وردت ................. مشكور مشكور....والله عجبني وايد....لكن في ورقه داخله ...طاحت منك ولا شي...
أحمد يكح: احم....في فلم في ال Lbc وايد حلو....أنا متصل أقولج أتابعينه.....صدقيني قصه حب ...روعه
مريم وهي تضحك:هيه والله أنتابعه...
أحمد: والله سوري قطعت عليج الفلم.......
مريم : لا عادي ....
لحظه هدوء........................يقطعها أحمد: أنا آسف...مريم....والله آسف ...على الحركه
مريم: لا لا يا أحمد....ماصار إلا الخير.....ومسموح....
أحمد: خلاص الغاليه تصبحين على خير.....والسموحه.............باي
مريم: وأنته من أهله............باي
وتسكر مريم السماعه وتروح غرفتها........وأنسدحت على سريرها.........وقعدت تفكر في أحمد...وكلامه.........وتقول في خاطرها........طيب......حليله........وبدون ماتحس غفت عينها.........
....................................................*
في اليوم اللي بعده وفي نفس التوقيت الساعه 12...............سلامه أتكلم منى.................
سلامة: هههههههههههههه والله ...............صدق...........هذي منوه اللي لابسه جيه........لايكون
موزوه....معدومه الذوق..........ماتعرف تلبس...............والله لو أنا رحت الحفله جان غسلتها........ب أومو...
منى:ههههههههههههه ....تعرفين سلّوم..........وتتخبّرني عنج وتقول ........وين ربيعتج مايت الحفله........سلمي عليها...............
وفجأة يصيح الخط الثاني.............طوط.............طوط............ ....طوط
سلامه : لحظه منى برد على الخط الثاني.........لاتسكرين.....
منى: أوكي ..........تيت .....ههههههههههههههههه
سلامه ترد على الخط الثاني: ألو ..........ألو...........ألوح يالوح...هههههههههههههههههههه........وتسكر.....
وترد على منى: ألو هاه كملي.......شو قالت بعد عني..............
مريم قاعده تسوي مناكير ........عدال سلامه ..........وسمعتها.....جان تقول.....: سلّوم سكري أبا التلفون.....
سلامه: أنزين أوكي.................وتسكر من منى ..........
سلامه: أنتي الحين ليش خليتيني أسكر.........أه لايكون سالفه البارحة........هههههههههه.....نسيت ...
ويرن التلفون فجأه..............وتشله مريم: ألو.......مرحبا
أحمد: هلا والله....شحالج مريم...
ترد مريم: بخير وعافية....وتحط أيدها على السماعه.......وتقول حق سلامه...سيري مسلسل روزالندا ..بدا ولا لا.........ههههههههههههه
أحمد:هههههههههه....قوليلها في فلم في ال Mbcعجيب.....أكشن....
سلامه: ههههههههه أنا ماتابع غير اليمن والسودان....ماعندهم غير رقص شعبي
وتطلع....سلامه...وهي تضحك........
ويكلم أحمد مريم..طول الليل.....ومع مرور الوقت....تطور العلاقه بينهم........ويتصل فيها كل يوم الساعه 12بعد الليل.....ويعيشون أحـــــــــــــــــــــــــــلى قصة حب..........في أحـــــــــــــــــــــــلى مدينه العين...........
ليلـــــــــــة اللقـــــــــــــــــــــاء
المكان جبل حفيت فالليل في يوم من أيام الشتاء..............الجو روعة........كان أول يوم لقا بين أحمد ومريم........ومنظر مدينه العين من فوق..........شي فوق الخيال............الليتات كأنها نجوم .......وهم في فضاء........ماله نهاية..............وصوت عبد المجيد عبد الله وهو يقول....
(قولي بس كلمه أحبــــــك )........يزيد الجو رومانسية.....
أحمد يمرر أيده في شعره الأسود وكلامه كله همس: مريم ماصدق أنج معاي ...أحسج قريبه مني ومن قلبي .... ياحياتي.....نتنفس ........نفس الهوا........ونعيش نفس اللحظه أنا وأنتي.........
مريم وهي مستحيه: حبيبي..أنا بعد أحس أني مالكه الدنيا ومافيها.........وانا بقربك
يمسك أحمد أيد مريم...ويحط في أيدها خاتم...ألماس....ويبوس أيدها.....ويقولها: مريم أنا لج وأنتي لي مافي شي بيفرقني عنج........غير الموت.....وهذا عهد مني.......
مريم وهي فرحانه: الله......... ياحياتي.........فديتك والله.....الله لايفرقنا عن بعض.......وأنا أعاهدك أني ماحب حد غيرك...............لو أفترقنا تبقى أنته في قلبي.............
أحمد: لاتطرين الفراق..............لاتعذبيني................حبيبي
ويقطع هذيج اللحظه الرومانسيه.........صوت رنه تلفون....أحمد اللي على السبيكر.......وتشوف..مريم... أحمد مرتبك...تضغط مريم على زر الأوكي..........
صوت ناعم يرد: ألو.........ألو........أحمد.......حبيبي....ليش ماترد على تلفوني.......
أحمد: هلا هلا .......عايشه.....نعم خير........
عايشه:أحمد أنته ليش ماتحس فيني...أنا بنت خالتك ....يعني منك وفيك ...ليش تسوي فيني جذيه....
أحمد: أنتي ماتبين تفهمين...ياعايشه.......مب لازم أعيد الكلام .....ألف مره
عايشه: أنا أحبك أحبك ..........ماتفهم.........انته ماتحس ........ماتحس..........وهي تصيح.......وتسكر السماعه.......
أحمد: مريم هذي قصه طويله.....أنا عايشنها من سنين .....أحاول أحلها ........لكن مافي فايدة.......أرجوج لاتفهمين غلط.........
مريم والدمعه في عينها: أنته تحبها ...........أحمد...........قولي الصراحة.............
أحمدوهو يمسح الدمعه بأيده من على خدها: لامريم....أنا أحبج أنتي.......ولا عمري أحب غيرج.......وصدقيني..........مع الوقت بتعرفيني.........هي تحبني صح.......لكن أنا لا........أنا قلبي لج أنتي.....
مريم: وأنا أحبك أحمد.....ولا عمري فكرت أنك تكون لحد غيري......
.ومع هاي الكلمات يرجع كل منهم .........وهو في خاطرة..........كل ماصار في ذيج اللحظات على جبل حفيت..............
........................................................*
أحمد يروح بيت خالته نوره..........ويفتح باب الصالة ويلقاها.............
الخاله: هلا والله بوليدي أحمد...........حياك الله.....قرب
عايشه يالسه عدال أمها و اطالع أحمد بنظرات ....
أحمد: هلا هلا خالتيه.......وييلس أحمد
عايشه تصب قهوه لأحمد.............بعد شوي......يرن التلفون وتطلع الخاله..........وتترك أحمد وعايشه بروحهم.....
أحمد يطالع عايشه.....ويقول:يا عايشه وبعدين معاج........
عايشه: أحمد أنا ماقدر ........أنا احبك من نحن صغار..........نحن متربين مع بعض.....وكل الناس يقولون أنه انا لك وانته لي.............
أحمد: انتي عيشتي نفسج في وهم........أسمه أحمد.......انا عمري مافكرت فيج إلا مثل ....أختي.......ياعايشه
عايشه:أحمد أنته حد في حياتك ...صدقني أذا في حد في حياتك ياويله مني ....... أنته لي أنا بس...تفهم...ألي يوقف في طريق حبي لك ..... بدمرة
مع أخر كلمات عايشه يطلع احمد وهو معصب.....
............................................................*
يركب سيارته....ويروح حق منصور والشباب .......في صاله البليارد.............
يدخل أحمد يدور منصور ويلقاه...........يلعب.......
منصور: هلا هلا والله بوشهاب.........حيالله القاطع..........شو فيك شكلك متكدر .........خير
أحمد:ماشي يا ريال ....سوالف العشق والهوى.................لعوزتني........
منصور: ههههههههههههه...ياويل حالي أنا...عقبالي.....الله يغربل أمل ....ماتتصل الحين....ولا حتى فطوم...
تصدق عندي بس سبع الحينه .....ههههههههههههههههههههه....يخرب بيت الحب وسنينه.....
أحمد:هههههههه...... ماعندك سالفه تدري..........
.وفجأه ينتبه أحمد...أنه تلفونه مب في أيدة .....ويترخص من منصور.......ويروح السياره ويدوره...........لكن ماحصله..............جان يقول: وين راح تلفوني...........
....................................................................*
في بيت الخاله..................
عايشه تفتش في أرقام تلفون أحمد.....ورن التلفون في أيدها.....وطلع حرف ال Mوعليه صوره قلبين.......
أنصدمت عايشه......وقالت في خاطرها.....أكيد هاي اللي سرقته مني.....لكن يمكن يطلع ريال.....ربيعه.....
أنا بحط السماعه على أذني ولا برمس.............
عايشه...........تضغط على زر الأوكي.......
.مريم : ألوو.........ألوو.........أحمد حبيبي..........
عايشه أسودت الدنيا في عينها.........وسكرت التلفون بسرعه...............
وبعد شوي دخل أحمد...وهو يقول وين تلفوني خالتيه.................نسيته عندكم.............
دخل أحمد على عايشه...لقاها...قاعده .........والتلفون على الطاوله........يشل التلفون.........ويطلع.........وهي ماتكلمت ............وبعد ماراح........طلعت من تحت أيدها ورقه....فيها رقم .........(رقم موبايل مريم).......وفي
عينها كانت نظره خبث...........وكل كره الدنيا..........
عايشه والحقد في قلبها والله لراويها بتشوف هذي اللي خذت حبي
وراحت عايشه عند اربيعتها نعوووم واتخبرها بالسالفه عشان يدبرون خطة يتخلصون من مريم
نعوووم اتقووول لعايشه خلاص عندي الحل ولا يهمج يالغاليه محد بياخذ أحمد منج وابتسامة الغرور على ويه عايشه هه بتشوف هاي اللي خذت أحمد مني والله لراويها نجوم الظهر
اتروح عايشه البيت واتنفذ خطة نعوووم بالحرف الواحد وتتصل بمريم واتقول لها أنا ريم اربيعت أحمد وهو يحبني من 3 سنوات ومايروم يستغنى عني بس أنا اعرفه يحب يجذب على البنات اللي مثلج عسب ياخذ اللي يباه ويرووح عنهن بس انا قلت لازم أخبرج عشان تاخذين حذرج منه وحرام يلعب بعواطفج ومسكينه مريم ولا كلمة قالتها من الصدمة ودموعها على خدها ويلست اتفكر بحبيبها هل من المعقووول أحمد يسوي هالشي كل هالمدة يجذب عليها وطبعاً الشك خذ مكانه له في قلب مريم وكل مايتصل أحمد بمريم اتسكر التيلفون ابويهه وهو مسكين مب عارف شو السالفه ويقول في خاطره بلاها مريم اكيييييييد مريضة وإلا ملت مني ماتبا اترمسني بس لازم أعرف السالفه وقال مافي حل إلا إني اتصل على تيلفون البيت
:
:
:
:
:
:
:
:
واتصل أحمد على تيلفون البيت
مريم: ألو ألو
أحمد: حبيبتي مريم فديت هالصوت
مريم: لحظة هدوووووووووووووووء
أحمد: ألو ألو مريم وينج حبيبتي ليش ماتردين علي
مريم : اتصييييييح مسكينه ماتروم تتكلم
أحمد: حبيبتي بلاج فيج شي مريم ردي علي وفجأة يسكت أحمد ويسمع مريم اتصيح
مريم: مب قادره أكلمك أنت خاين ما أصدق كل هذا يظهر منك انت لالالالا مب انت أحمد اللي أعرفه
أحمد: مريم بلاج اتصيحيييين وليش هالرمسه أنا شو سويت بج خبريني
مريم: ليش اتقص علي بكلامك الحلو واتخليني أحبك وأعيش بوهم اسمه الحب
أحمد : بلاج حبيبتي إنتي أكيد مب طبيعيه وأنا خبرتج من البداية إنتي لي وأنا لج ومافي شي بيفرقنى إلا الموووت
مريم: يعل الموت ياخذني الحين ولا استمر ويا كذاااااب مثلك
أحمد : مريم إنتي شو اتقوليييين معقوله هالكلام منج انتي انزين خبريني شو شفتي مني عسب تجرحيني بهالكلام
مريم : ليش ماخبرتني من البدايه انك ماتحبني وانك تسلى وبس ليش ياظالم ليش
أحمد : والله اذا ماخبرتيني الحين لأذبح عمري وأخليج تنسيني للأبد
مريم : ساكته .......................................وبعد فتره اتكلمت أحمد أنت اتعرف أنت حبيبي الوحيد وأنا حبيتك ولا يمكن أخونك مع واحد غيرك كيف أنت اتخوني ولاااااااااا اتقص علي بعد كيف يا أحمد أهون عليك
أحمد : والله ماخنتج يا حياتي انتي عمري كيف اخونج امنووو اللي قال لج خبريني بس
مريم: وحده اتصلت بي وقالت لي كل شي عنك
أحمد: الله يالدنيا مريم هذي انتي اللي اتحبيني اتصدقين هالكلام وأنا اللي وياج 24 ساعه يعني كيف بخونج
مريم: هي والله صدقك كيف غاب عن بالي هالشي
أحمد : شفتي يامريم كيف إنتي ماتحبيني مثل ماحبج
مريم: لالالالا يا عمري لاتقول هالكلام والله إني أحبك بس الغيرة ذبحتني
أحمد: انزين عطيني رقمها هاي اللي كلمتج
مريم: إنشاء الله بس لحظه اشويه
في بيت أحمد.................
أم أحمد(شيخه).......تتكلم في التلفون مع أختها نوره....................
شيخه: لا لا.........من يقول.............الولد للبنت .............والبنت له.......من زمان نحن نقولكم ........نباها له..
نوره: البنت تصيح وتقول أنه أحمد مايباها.......تفاهمي وياه ....إذا مايباها.......لاتقولون للناس أنكم خاطبينها.....
شيخه:أنا اباها بنت اختيه........ولابفرط فيها ...الشور شوري...مب شوره هوه.... أنا اليوم بكلمه .........وبرد عليكم.................مع السلامه
وتسكر من أختها وأدق لاحمد.................
الأم: أحمد هلا ابويه وين انته.............تعال بسرعه أباك في البيت.........
أحمد: أنشاء الله امايه..........نص ساعه بالكثير وانا عندج..................
وبعد مرور أقل من نص ساعه يدخل أحمد البيت..........وتستقبله امه .........وتقوله: أقعد اباك في رمسه
أحمد: خير امايه........شو في خاطرج الغاليه..........
الأم:أنته كبرت الحينه وتشتغل......ونباك تعرس.....وبنت خالتك....تترياك من سنين.....
أحمد: أمايه أنا مستحيل أخذ بنت أختج.........لو شو يصير
الأم: شو تبا تفضحني قدام العرب........وتفرق بيني وبين أختي........أحنا من سنين انقول عايشه لأحمد .....وأحمد لعايشه.......
أحمد: أمايه انا مب ذنبي...أنه أنتي وخالتيه ...عيشتو البنت في وهم ... أنتو صورتوه ....لها ..و أني أباها وباخذها..
الام : خلاص أنا قررت الملجه بعد سبوعين ... ولا والله يا قلبي مايرضى عليك ... وأنسى أني أمك...
ويطلع أحمد...............ولايرد على امه بأي كلمه..........وفي قلبه كل حزن الدنيا.............
........................................................
مريم وسلامه...قاعدين....على البلاكونه يشربون عصير.......
سلامه: مريم...قوليلي........كيف كان الجو.........كهربه ولا هههههههههههههههه....
مريم: هههههههه...تصدقين سلامه...أحبه مووووووووووت...
سلامه: انا ادري انتي تحبينه.........لكن أنا مب مطمنه من سالفه ........بنت خالته هاي.....
مريم: لا أنا ادري أنه أحمد .......يحبني أنا .......ولاعمره بيحب غيري........
ترن ........ترن.............يرن موبايل مريم في ذيج اللحظه....وتقول مريم: رقم غريب.....
مريم: ألو.......مرحبا.......
صوت على الخط الثاني يرد باستهزاء: أنتي حرف ال M
مريم وهي مستغربه: منو معايه لو سمحتي.........
عايشه: إذا تبين تعرفين منو انا اسألي أحمد....وأنا متصله بس أقولج أبعدي عنه ....لأانه هو مب لج....وبعدين هو يحبني أنا.........ولاتحاولين تفرقين بين عائلتين....وتسويله مشاكل.......إذا تحبينه إبعدي..........تفهمين
مريم:أنتي شو تقولين.......
عايشه:ههههههههههههه.....اللي سمعتيه وأنا متصله أحذرج .......أحمد مايباج .....وخطوبتنا الأسبوع الياي.........وعلى فكره أنتي معزومه ..............باي وتسكر التلفون في ويهه مريم...........
مريم تنصدم...وتعق التلفون...وتصيح في حضن سلامه.......وتقول لا مستحيل ....مستحيل.........
سلامه: شو قالتلج هاي الخايسه.......يعلها تموت انشاء الله ........مريم بس .....أنا الحين بتصل بأحمد.....
مريم: لا لا سلامه.....خليه........أرجوج ماريد أخرب حياته.........وأفرق بينه وبين أهله........خلاص سلامه.....حبي أحمد صار ماضي ومات..............
................................................................*
كانت مريم قاعده....في غرفتها....وحيدة...على ضوء الشمعه....تسمع أغنيه الجسمي
(بودعـــــــــــك )
وتلفونها على السرير عدالها وأحمد يتصل .. ويتصل ,,, ويتصل ...وأخر شي طرش مسج ...
(مريم حبيبي ردي عليه ...ليش متغيرة عليه)
ولا ترد عليه ... تقعد بس تفكر ,,, وتمسح دموعها بيد ينها...
أحمد يالس في سيارته ...ويضرب بأيده على الجامه من القهر... ليش مريم .... ليش تتركيني ....................
ويوصل لتلفون أحمد ........ مسج من عند مريم مكتوب فية .........
(بودعك أحمد وأنسانـــــــــــــي.... أرجوك) ....
حمد رجع من الماضي للحظاتت ...وأتذكر أنه في شط دبي...على البحر.....طلعت من صدره تنهيده ..حاره...
وقال الله على ذاك الزمان....مضى وماظنه ...يعود....شغّل سيارته.....ومشى فيها ببطئ على طول شاطئ البحر ...وهو يسمع أصوات الموج العالي في أذنه..............ردت به الذكريات مره ثانيه.....لذاك الوقت ....الي قرر فيه...يرفض زواجه من عايشه..................
المكان بيت العائلــــــــــه.....(شيخه)....
ألأم: أحمد يابويه....البنت تباك وشاريتك.......لا تفرط فيها........حتى عيال عمها...مابغتهم علشانك...
أحمد: يأميه ....أفهميني......أنا ماقدر أعيش مع وحده ماحبها....أشوفها مثل أختيه.....ماأقدر
الأم: عنبو الحب عنبو من سواه.......هيه تحبك بسك مايسدك.....
أحمد: تبين لي الحزن طول عمريه.......يرضيج هذا...
يتببع>>>>>>>>>
الأم: مع الوقت بتحبها.........والحب مايي إلا بعد الزواج ...ياولديه......
أحمد: أمي لاتضغطين عليه.......هذي حياتي أنا بعيشها........أرجوج...
الأم: أنا قلت تاخذ عايشه يعني تاخذها...بعد ماخبرنا العرب وعزمناهم ...وباجر الملجه...تبا تسود ويهي جدام الناس......أفا ....يا أحمد...جذيه تسوي في أمك........تباني أمرض وتفقدني....رضى ربك من رضا والديك...
أحمد و العبره تخنقه....ويبوس راس أمه....: لا يالغاليه.........أنا بسوي اللي تبينه.....لكن أنتي حكمتي على حياتي بالتعاسه.............ويطلع .......من البيت.......................
الأم تقول في خاطرها........ماعليه ياولديه بعدك صغير..........ماتعرف مصلحتك....باجر تكبر وتفهم......
السلام عليكم ورحمة الله وبركاته
أولا:هذي القصة منقوله
عيبتني هذي القصة وحبيت انقلها لكم ان شاء الله تعيبكم
*على شط البحر ورماله الذهبيه من أشعة الشمس ونور الفجر البازغ...وأمواج البحر تتلاطم بقوة وكأنها تحاول مجاراة أفكار أحمداللي كان يالس على سيت سيارتة الستيشن وفاتح الباب..وفي أيدة أخر صلب زجارة من باكيت المارلبورو وهو سارح يفكر ...وعلى الجامة متجمعة قطرات الندىالباردة... وهو يكتب أحلى حروف أسم عايش في قلبة (مريـــــــــــم)... ويمسحها بأيدة بكل قوة ...وتنزل دمعة حارة من عينة الحزينة... ومع هالدمعة يبدأ يتذكر أولى بدايات حبة القديم ...في أحلى مدينـــــة ....العيـــــــن..
أحمد ولد من عائلة معروفة...أكبر أخوانه ...جميل بطبعة الهادي وجسمة المتناسق الطويل ..اللي كلة رجولة...وشعرة الأسود..متخرج من أكبر جامعات أمريكا...كان مشهور بجمالة ووسامتة بين ربعة..(يعني كشيخ وراعي مظاهر)...
منصور :ألووووووووووو ...أحمد عنبو مب رقاد هذا ...عبرت الرقاد...قم بنسير السوق...
أحمد: ألو .......هاه .......شو ........ليش.....باي
منصوروهو معصب:أقولك اليوم بنسير أفتتاح العين مول ...بنــــــــــــــــات...غربلك الله ...نش
أحمد: أقولك ماعندك سالفة أنا سهران ومافية ...وبعدين ماعندك غير البنات..أفتتاح بنات ولا سوق...
منصور:أنته الخسران ..أنا غلطان متصلك ...برايك بسير ويا مبارك ....أبرك
أحمد:ههههههههههههه بروك...لاتنسى توكلة من ماكدونلز لا يفضحك...نسيت سالفة يوم دخل ماكدونلز وقال عندكم كيما...ههههههههههههههههههههههههههههه
منصور:ههههههههههههههاي...بليس يسير وياة...يالله قم قم ...عندك عشر دقايق ..وبصيحلك عند الباب...
أحمد:أوكي بقوم أخذ دوش...وأدّخن...و
منصوريقاطعة:عنبووووووووووو رايحين عرس..خلص بسرعة..باي
أحمد: هههههههه منصور ... أوكي باي
مريم بنت جمالها رباني..غير عادية...أنيقة...فارعة الطول ..طفولية الوجة...رشيقة..شخصية جذابة رومانسية وهادية...
الأم:عنبو ذا الرمسه...كل ليلة طرووق السوق...
مريم:أماية..اليوم أفتتاح العين مول..بس اليوم بليييييييييييييز
سلامة:شو هذا سجن ولا بيت...أنا بروح الأفتتاح اللي يبا يتبعني
الأم:السويج عندي والهندي راح المزرعة .....ماشي سيارة..
مريم تهمس في أذن سلامة: الخطة (ب)...
سلامة ودموع التماسيح في عينها: أماية حبيبتي ...بوسه مني وبوسة مني ..
مريم تقول : أمي مابنتأخر ساعة بالكثير ...عشان خاطري .
الأم : لا إلة إلا الله...أخر مرة ..ولا تتأخرون ...أوكي..
(الأم ماتقدر ترفض لهم طلب لانه مابقالها حد فهالدنيا غيرهم بعد موت ابوهم)
مريم : أماية أموت وأعرف منو علمج أوكي...هههههههههه..
سلامة: ههههه أوكيشن.......
الأم: حبيبتي أنتي وياها...يالله روحو ولاتتأخرون...
مريم تهمس في أذن سلامه:نجحت الخطه....وااااااااااو.......أقولج أتصلي في منى ...وقوليلها تلاقينا هناك...
سلامة: منى...أكيد مطيحة في الشات...هذي مدمنة ...بسويلها تلفون.......
سلامه:ألووووووووووووو ...منى..
منى: هلا هلا ........ ولكموووووووووووووووووو
سلامة منصدمة .....
سلامة: جية أنا قايلتلج باااااااااااااااك
منى: ههههههههههه ...أسولف وياج سلّوم .....أشفيج
سلامة : أقولج تعالي بنروح العين مول الأفتتاح اليوم..شرايج ...بتين ويانا...
منى : أكييييييييييييييييييييييييييييد...هذا شي مايتفوت...برب أمي تزقرني..
سلامة : أونه برب...غربلج الله ....حاله نفسيه صدق...
منى:هههههههههههه..أمزح وياج يالغبيه..لووووووووووووووووول.
سلامه: أشوى صدقت...أوكي بعد ساعه بنمر عليج بالسيارة..باي
منى:أوكي .........باي
على أنغام أغنية راشد الماجد ...مشكلني كان منصور يرزف على السيت وأحمد يطالعة..وميت من الضحك: منصور...تبانا نوقف تنزل شوي تبرد خاطرك تاخذ لفة على الدوار..ههههههههههههه
منصور: ههههههههههه.....ياخوك ارتبشت..
أحمد:أيلس لامغطلك العصا ...
منصور:وقف هنيه باركينج...مب جنه هاي سياره ..حد مب غريب عليه.....وبعدين موقف غلط..
أحمد : نزلنا ...يالله...
توقف بجنب سيارة أحمد ..سيارة نيسان بيج...وتنزل منها ثلاث بنات....
منصور:ياويل حالي أنا....
أحمد : عيب منصور ....فضيحة
سلامة:شعندة هذا يطالع...خقاق بعد
منى:وين ...ماشوف حد....
مريم:هههههههه..مالكم خص في حد ...خلونا ندخل ...المول
في داخل العين مول كانت مريم وسلامة ومنى يتمشون ...
مريم: والله عجيب...
سلامة : يوعانة...
منى: ههههههههههه...لووووووووووووووووول
سلامة:أقول منى .. لاتفجينها الغشوه أبد..
منى :ليش.
سلامة:علشان مايطردونا..قصدي يحسدونج..ههههههههههههه
منى:أونج...أقول مافي مقهى أنترنت هنيه........
سلامة:شي تصدقين ....متروس شباب....بس اليوم درو أنج يايه...أغلقوة مؤقتآ....
منى:ههههههههههه...حلوة بس ماتضحك....
مريم: يالله أنروح محل ياس للعطرو..أبا أخذ دهن عود...
سلامة: نحن بنسير...المطعم لاقينا هناك..يوعانة..أوكي
مريم: أوكي
أحمد ومنصور يتمشون ويقول منصور: ياخي حلو المكان ..بارد..ذبحنا الحر برا...
أحمد:ههههههههه..منصور طالع مب هذا ربيعك بروك...
منصور:وأنا أقول السيارة اللي في الباركينج مب غريبة عليه...
مبارك:ياحيهم الشبيبه كلهم في المول اليوم....شحالكم وأخباركم يامرحبا الساع...اللي مضيع حد بيحصله اليوم
أحمد:..بخير الله يعافيك.. والله ماتوقعت ألقاك هني..
منصور:أتوقع كل شي فهالدنيا..
مبارك:يالخونه ليش ماقلتولي أنكم بتسيرون...
منصور:ماعندي رصيد
أحمد:وأنا تحريتك في العزبه...ههههههههه
مبارك:تعالو أبا أخذ عطر ...تدلون محل فنان...
أحمد:هذو وراك محل ياس....خلا
ويدخل أحمد ومنصور ومبارك...من أشهر وأجمل محلات العطور ...ياس
منصور:الله وايد حلو هالعود...
أحمد: أنا أبا أخذ دهن عود...
مبارك يقلد صوت عيوز :رفيق ..عندك مخمرية...ههههههههههه
منصور:وين أودي ويههي...(ويمسح على لحيتة)..
أحمد: ماتيوز عن سوالف العيايز...ههههههههههه
فجأة ينفتح باب المحل وتدخل مريم ...بخطوات رشيقة...وتوقف عند راعي المحل وتقول:لو سمحت نزلي أحلى العطور اللي عندكم..
منصور يعدل غترتة ويقول لأحمد: طالع هناك ...يمينك...عدالك...مب هاي اللي موقفين عدالنا ...وين القصيره(يقصد منى)....ياويل حالي أنا
مبارك:مرحبا الساع ..شحالك رفيق...
رفيق ماعطاه ويهه)
يرن تلفون مبارك( نغمة خمس الحواس ميحد حمد ):ألوووو..سيارتيه ليش ..يخالفوني...ألحين ياينكم...أنا ومنصور
منصور:اوهوووووووووووووه..شو هالبليه...
مبارك:عنبو مخّوة بوش ...يالله يالله ...
ويطلع منصور ومبارك من المحل...
أحمد: أنا باخذ هذا العطر...
راعي المحل:هذا أخر عطر موجود في المحل..الأخت أختارتة
مريم:لا لا خلاص ...ماباة...باخذ غيرة
أحمد:ينظر بنظرات إعجاب لها ..ويقول:لا لا مايصير ...
مريم:لا شكرآ.
مريم ماتعطية فرصة للكلام...وتطلع من المحل...وأحمد يراقبها بنظراته...وهي طالعة ...
سلامة ومنى على طاولة المطعم.......
مريم تقعد على الكرسي :هااااااااي بنات..
سلامة:ماشوف كيس ..ولا عطر...وين رحتي
مريم:ماشي عجبني...
منى اطالع سلامة:معقولة ...ولا شي عيبج
مريم :المهم قومو نرجع البيت تأخرنا...
أحمد واقف عند سيارتة ومعاه منصور....
منصور:ألحين شو قررت تسوي.......
أحمد:أنا عندي فكرة وايد حلوة.....
مريم ومنى وسلامة عند سيارتهم...
مريم تحاول تفتح الباب وتتفاجأ:شوهالكيس المحطوط على الباب...وتفتحة... العطــــــــــــــــــــــــــــــر اللي أخترتة....
سلامة باستغراب:قلتي ماشي عجبني...
منى:عندهم خدمة توصيل (سيارات)...هههههههههههههه
سلامة:ههههههههههه الظاهر جذية
مريم تفكر وماسمعت تعليقاتهم...ليش يهديني ...شو يبا مني.... شوقصدة....
سلامة:منو ؟....مريم أنتي تكلمين عمرج.....
مريم:لا لا ماشي....تأخرنا ...أكيد أمي تحاتي....
وراحوا البيت ..
...في غرفتها الهادئة ...ورق جدرانها الأبيض ...ورود...شموع...لوحات زيتيه تزين الجدران...ألعاب طفوليه ودباديب ... أخر الليل وعلى ضوء القمر ......مريم واقفة على البلاكونة..وتفكر في اللي صار لها اليوم..خذت الكيس اللي كان على سريرها...فتحت علبة العطر..تشمها..ولقت بطاقة مكتوب فيها..(رقم موبايل)...........
تضايقت وبدون شعور ..قطعت الورقة بكل عصبية...وحطت العطر على الطاوله..........
في الطريق للبيت ...في سيارة أحمد...
أحمد: أنا مادري شو فيني اليوم....عنبو رديت مراهق................صدق أني تافه
منصور:أحمد ...ما أتصور أنها تتصلك....شكلها مغرورة.....
أحمد: أنشاء الله ماتدق.......
منصور:شو ياك........تخبلت أنته........وليش تتعب نفسك من الأول....أذا مستغني .......كلك نظر
أحمد: أنزل أنزل .....لا أفرك من الدريشة .......صدق أنك غبي وأنا أغبى يوم أسمع كلامك....
منصور:ليش العصبية ....صاير كبريت...أونه عندي فكرة ومادري شو...لو أنا حطيته فأيدها أسهل ههههههههههههههههه...
أحمد: الحين هي أكيد تفكر أني أنسان تافهة ....
منصور : أذا ما أتصلت فيك ...لاتسميني منصور ...
أحمد : شو بقولها ...بتأسف لها أكيد.....
منصور: أحمد ..أول مرة أشوفك مرتبك جذية...لايكون ...احم احم..وايد مهتم في الموضوع ...خلاص يابوشهاب...هد أعصابك...
أحمد: مادري يا ريال ....خلها على الله.......
بعد مرور فترة من الزمن
....مريم في غرفتها هي وسلامة...على الكمبيوتر..على شات ...العين
سلامة:يالله نسير غرفة المناصير ...شكلها حلوة...
مريم:لا لا خلينا في الرايق....
سلامة:طالعي هالنك يضحك...هههههههههه ..(خرقوش الوثبة)
مريم:ههههههههههههه..الله يغشهم
سلامة:أمي أدق الباب...أكتبي برب
مريم:تركض وتفتح باب الغرفة ...
الأم:مريم حبيبتي ..أحس الدنيا أدور فيني...تعبانة
مريم: سلامتج أماية...تبينا أنروح المستشفى....الساعه كم الحين وحده ونص
الام :آآه يمكن الضغط أرتفع عندي ..
مريم:سلامتج امايه تبين... وقبل ماتكمل مريم كلامها تمسك الام مريم ويغمى عليها..
تصيح مريم :سلامه تعالي امايه مادري شفيها تعبانه .....لازم أنوديها المستشفى ...بســـــــــرعة....
(المكان المستشفى...الساعه 2:24)
في مستشفى توام.. غرفة الطوارئ...أم مريم على السرير..والدكتور يفحصهاويقول:لا لا مشاء الله...
دلوقتي حند يك علاج وتخفي وتبقي زي الفل...
الأم : مشكور وماتقصر ....يا(دختور)....زي الفل؟؟؟..........الحين الحمد الله صرت(فل أوبشن)....
مريم:هههههههههههههههه... الحمد الله على السلامه يا اميه... فديت روحج أنا ...وتحضن أمها بحنان
....
الأم : يابنتي لاتتروعين مافيني إلا العافية.....والحين بنرد البيت....مع السلامه( دختور)...
............................................
في الطريق وهم رادين البيت على دوار الجبل ....كان واحد من الشباب ...يستعرض بسيارته....ومسرع ..وفجأه...أستوى حادث....دعم السيارة من ورا.....
الأم: والخيبه تخيب هالدريول والي يسير وياه.....أه ياظهريه....ردوني الدختر....
مريم:ههههههههههههه..أمايه....أندعمنا ....
الدريول:ماماه....ماماه.....
الأم: والخيبه وبناتها عشر.......ماتشوف .....دعمتـبنا....
وبعد شوي....دورية الشرطه كانت في المكان...ونزل منها الملازم أحمد...
أحمد يكلم الشاب ويفهمه أنه الغلط منه....
أحمد: وين ليسنك.....
الشاب وهو مرتبك: ماعندي....نسيته..
أحمد: نسيته...تعال معاي أركب....السيارة...
أحمد يطالع سيارة مريم...ويقول في خاطرة....مب هاي سيارة البنية أم العطر...... ... وشاف مريم منزله الجامة..وتأكد..أنها هيه...
أحمد يقول للشاب: أٌقعد في السيارة....
ويروح أحمد لسيارة مريم ويكلم الدريول....
الدريول: باباه هزا غلطان...أنا دريول تمام...
أحمد: زين زين أنته باجر تعال ...مرور....زين...
الدريول وهو يهز راسه: زين باباه...أنا ودي ماماه وبنت داخل سيارة...
أحمد يستغل الفرصه:مين عندك داخل سيارة؟؟؟
الدريول:ماماه وضحى...وبنت مريم....
أحمد: هيه بس...وين باباه
الدريول: هزا مسكين باباه مافي ..موت زمان ...
أحمد : هيه الله يرحمه..
أحمد: وين بيت مال أنتم؟
الدريول وبدا يشك: باباه أنته اريد سوي عروس هههههههههههههه....مصخره مصخره مافي زعلان...بيت فلي هزاع هزا.....
أحمد: زين زين...هات رقم مال أنته ...يالله
الدريول:باباه...أنته في زياده خرامي.... أنا بطاقه مقطوع واحد سبوع قبل....أنا عطي رقم مال بيت .....
أحمد وهو يبتسم: جيب يالله ...
وسجل أحمد رقم بيت مريم في تلفونه وراح بدوريه الشرطه ومعاه الشاب ....ورجعت مريم وأمها للبيت...وهم تعبانين من اللي صار في هاي الليله...
في اليوم الثاني.......................................
يرن تلفون بيت مريم...
مريم قاعده تقرا المجله في الصالة...ويرن التلفون.....ترن ترن ....ترن ...ومع ثاني رنه مريم ترد...وتشل السماعه وتقول:ألو
أحمد:مرحبا ...السلام عليكم...هذا بيت سعيد بن سالم...
مريم:وعليكم السلام أخوي ...هيه نعم ...هذا بيته
أحمد: منو معاي لو سمحتي
مريم: أنا بنته مريم...
أحمد وهو فرحان: هلا والله...أختي أنا متصل بخصوص الحادث اللي أستوى أمس ...الريال عرف انه غلطان وبيصلح السيارة....
مريم: مشكورين وماتقصرون....والله
وتدخل الأم الصالة وتقول: مريم ...مريم..خبري الخدامه تيي أباها تهمزنـي عن العصبه.......................منو أترمسين.....مريم
مريم: هذاواحد من المرور يقول أنه الريال بيصلح السياره...
الأم: ألووووووووووووه....من .........هاه
أحمد: هلا خالتيه....خلاص نحن نهينا الموضوع......
الأم: نهيتوه..... مشكورين ...مع السلامه...وتسكر السماعه...
أحمد يسكر السماعه ويقول:..... مريم........ياويلي أنا على الصوت.....أنا شكلي رحت فيها..................
مريم: أمايه ليش عصبتي........
.الأم: يقولي خالتيه....خلته شوجه..............أنا بعدني شباب....
الأم : ..........بروح أشوف قناة الجزيره ....برنامج بلاحدود....مال أحمد منصور
(الأم عندها ميول سياسيه)..
مريم:هههههههههههههأمايه أنتي أحلى أم في العالم..........
....................................................................
فالليل الساعه تقريبا 12 ...بد ت السهرة ...مريم وسلامه يتابعون فلم مصري على الlbc
سلامة: مريم هاتي الكلينكس اللي عدالج....الفلم وايد حزين .....يصيّح....
مريم: فاتن حمامه ...تمثيلها روعه.....وعبد الحليم ياويلي أنا....
يرن تلفون الصالة فجأه ...ويخرب على سلامه الفلم: أوهووووووووووووووه...هذا وقته...بروح أشوف منوه
بعد شوي ترجع وتقول:والله ماعندهم سالفه...أقول الو الو ماحد يرد...نص الليل ...هذا حد مسلطنه عليه....خيبة
شوصار في الفلم.......خبريني
ويكملون الفلم.....
ويرن تلفون الصاله مرة ثانيه...............ترن ترن ..........ترن ..........
سلامه:أنا بروح أير الفيشه أحسن.......
مريم: أنا بروح أرد.......أنتي تابعي فلمج...............
وتروح مريم الصاله...........وتشل السماعه..
مريم: ألو...ألو....
أحمد:مرحبا الساع...مريم ....شحالج
مريم وهي مستغربه: هلا منو معاي...
أحمد: أنا الملازم أحمد....
مريم: هلا فيك بخير الحمد الله....
أحمد وهو مرتبك ومايعرف شو يقول:إنشاء الله عيبج العطر....والله الصراحة ماقدرت آخذه وخاطرج فيه.....
مريم وأتذكرت أحمد اللي لاقته في العين مول وقالت: أنته اللي كنت في محل العطور ...أرتبكت وردت ................. مشكور مشكور....والله عجبني وايد....لكن في ورقه داخله ...طاحت منك ولا شي...
أحمد يكح: احم....في فلم في ال Lbc وايد حلو....أنا متصل أقولج أتابعينه.....صدقيني قصه حب ...روعه
مريم وهي تضحك:هيه والله أنتابعه...
أحمد: والله سوري قطعت عليج الفلم.......
مريم : لا عادي ....
لحظه هدوء........................يقطعها أحمد: أنا آسف...مريم....والله آسف ...على الحركه
مريم: لا لا يا أحمد....ماصار إلا الخير.....ومسموح....
أحمد: خلاص الغاليه تصبحين على خير.....والسموحه.............باي
مريم: وأنته من أهله............باي
وتسكر مريم السماعه وتروح غرفتها........وأنسدحت على سريرها.........وقعدت تفكر في أحمد...وكلامه.........وتقول في خاطرها........طيب......حليله........وبدون ماتحس غفت عينها.........
....................................................*
في اليوم اللي بعده وفي نفس التوقيت الساعه 12...............سلامه أتكلم منى.................
سلامة: هههههههههههههه والله ...............صدق...........هذي منوه اللي لابسه جيه........لايكون
موزوه....معدومه الذوق..........ماتعرف تلبس...............والله لو أنا رحت الحفله جان غسلتها........ب أومو...
منى:ههههههههههههه ....تعرفين سلّوم..........وتتخبّرني عنج وتقول ........وين ربيعتج مايت الحفله........سلمي عليها...............
وفجأة يصيح الخط الثاني.............طوط.............طوط............ ....طوط
سلامه : لحظه منى برد على الخط الثاني.........لاتسكرين.....
منى: أوكي ..........تيت .....ههههههههههههههههه
سلامه ترد على الخط الثاني: ألو ..........ألو...........ألوح يالوح...هههههههههههههههههههه........وتسكر.....
وترد على منى: ألو هاه كملي.......شو قالت بعد عني..............
مريم قاعده تسوي مناكير ........عدال سلامه ..........وسمعتها.....جان تقول.....: سلّوم سكري أبا التلفون.....
سلامه: أنزين أوكي.................وتسكر من منى ..........
سلامه: أنتي الحين ليش خليتيني أسكر.........أه لايكون سالفه البارحة........هههههههههه.....نسيت ...
ويرن التلفون فجأه..............وتشله مريم: ألو.......مرحبا
أحمد: هلا والله....شحالج مريم...
ترد مريم: بخير وعافية....وتحط أيدها على السماعه.......وتقول حق سلامه...سيري مسلسل روزالندا ..بدا ولا لا.........ههههههههههههه
أحمد:هههههههههه....قوليلها في فلم في ال Mbcعجيب.....أكشن....
سلامه: ههههههههه أنا ماتابع غير اليمن والسودان....ماعندهم غير رقص شعبي
وتطلع....سلامه...وهي تضحك........
ويكلم أحمد مريم..طول الليل.....ومع مرور الوقت....تطور العلاقه بينهم........ويتصل فيها كل يوم الساعه 12بعد الليل.....ويعيشون أحـــــــــــــــــــــــــــلى قصة حب..........في أحـــــــــــــــــــــــلى مدينه العين...........
ليلـــــــــــة اللقـــــــــــــــــــــاء
المكان جبل حفيت فالليل في يوم من أيام الشتاء..............الجو روعة........كان أول يوم لقا بين أحمد ومريم........ومنظر مدينه العين من فوق..........شي فوق الخيال............الليتات كأنها نجوم .......وهم في فضاء........ماله نهاية..............وصوت عبد المجيد عبد الله وهو يقول....
(قولي بس كلمه أحبــــــك )........يزيد الجو رومانسية.....
أحمد يمرر أيده في شعره الأسود وكلامه كله همس: مريم ماصدق أنج معاي ...أحسج قريبه مني ومن قلبي .... ياحياتي.....نتنفس ........نفس الهوا........ونعيش نفس اللحظه أنا وأنتي.........
مريم وهي مستحيه: حبيبي..أنا بعد أحس أني مالكه الدنيا ومافيها.........وانا بقربك
يمسك أحمد أيد مريم...ويحط في أيدها خاتم...ألماس....ويبوس أيدها.....ويقولها: مريم أنا لج وأنتي لي مافي شي بيفرقني عنج........غير الموت.....وهذا عهد مني.......
مريم وهي فرحانه: الله......... ياحياتي.........فديتك والله.....الله لايفرقنا عن بعض.......وأنا أعاهدك أني ماحب حد غيرك...............لو أفترقنا تبقى أنته في قلبي.............
أحمد: لاتطرين الفراق..............لاتعذبيني................حبيبي
ويقطع هذيج اللحظه الرومانسيه.........صوت رنه تلفون....أحمد اللي على السبيكر.......وتشوف..مريم... أحمد مرتبك...تضغط مريم على زر الأوكي..........
صوت ناعم يرد: ألو.........ألو........أحمد.......حبيبي....ليش ماترد على تلفوني.......
أحمد: هلا هلا .......عايشه.....نعم خير........
عايشه:أحمد أنته ليش ماتحس فيني...أنا بنت خالتك ....يعني منك وفيك ...ليش تسوي فيني جذيه....
أحمد: أنتي ماتبين تفهمين...ياعايشه.......مب لازم أعيد الكلام .....ألف مره
عايشه: أنا أحبك أحبك ..........ماتفهم.........انته ماتحس ........ماتحس..........وهي تصيح.......وتسكر السماعه.......
أحمد: مريم هذي قصه طويله.....أنا عايشنها من سنين .....أحاول أحلها ........لكن مافي فايدة.......أرجوج لاتفهمين غلط.........
مريم والدمعه في عينها: أنته تحبها ...........أحمد...........قولي الصراحة.............
أحمدوهو يمسح الدمعه بأيده من على خدها: لامريم....أنا أحبج أنتي.......ولا عمري أحب غيرج.......وصدقيني..........مع الوقت بتعرفيني.........هي تحبني صح.......لكن أنا لا........أنا قلبي لج أنتي.....
مريم: وأنا أحبك أحمد.....ولا عمري فكرت أنك تكون لحد غيري......
.ومع هاي الكلمات يرجع كل منهم .........وهو في خاطرة..........كل ماصار في ذيج اللحظات على جبل حفيت..............
........................................................*
أحمد يروح بيت خالته نوره..........ويفتح باب الصالة ويلقاها.............
الخاله: هلا والله بوليدي أحمد...........حياك الله.....قرب
عايشه يالسه عدال أمها و اطالع أحمد بنظرات ....
أحمد: هلا هلا خالتيه.......وييلس أحمد
عايشه تصب قهوه لأحمد.............بعد شوي......يرن التلفون وتطلع الخاله..........وتترك أحمد وعايشه بروحهم.....
أحمد يطالع عايشه.....ويقول:يا عايشه وبعدين معاج........
عايشه: أحمد أنا ماقدر ........أنا احبك من نحن صغار..........نحن متربين مع بعض.....وكل الناس يقولون أنه انا لك وانته لي.............
أحمد: انتي عيشتي نفسج في وهم........أسمه أحمد.......انا عمري مافكرت فيج إلا مثل ....أختي.......ياعايشه
عايشه:أحمد أنته حد في حياتك ...صدقني أذا في حد في حياتك ياويله مني ....... أنته لي أنا بس...تفهم...ألي يوقف في طريق حبي لك ..... بدمرة
مع أخر كلمات عايشه يطلع احمد وهو معصب.....
............................................................*
يركب سيارته....ويروح حق منصور والشباب .......في صاله البليارد.............
يدخل أحمد يدور منصور ويلقاه...........يلعب.......
منصور: هلا هلا والله بوشهاب.........حيالله القاطع..........شو فيك شكلك متكدر .........خير
أحمد:ماشي يا ريال ....سوالف العشق والهوى.................لعوزتني........
منصور: ههههههههههههه...ياويل حالي أنا...عقبالي.....الله يغربل أمل ....ماتتصل الحين....ولا حتى فطوم...
تصدق عندي بس سبع الحينه .....ههههههههههههههههههههه....يخرب بيت الحب وسنينه.....
أحمد:هههههههه...... ماعندك سالفه تدري..........
.وفجأه ينتبه أحمد...أنه تلفونه مب في أيدة .....ويترخص من منصور.......ويروح السياره ويدوره...........لكن ماحصله..............جان يقول: وين راح تلفوني...........
....................................................................*
في بيت الخاله..................
عايشه تفتش في أرقام تلفون أحمد.....ورن التلفون في أيدها.....وطلع حرف ال Mوعليه صوره قلبين.......
أنصدمت عايشه......وقالت في خاطرها.....أكيد هاي اللي سرقته مني.....لكن يمكن يطلع ريال.....ربيعه.....
أنا بحط السماعه على أذني ولا برمس.............
عايشه...........تضغط على زر الأوكي.......
.مريم : ألوو.........ألوو.........أحمد حبيبي..........
عايشه أسودت الدنيا في عينها.........وسكرت التلفون بسرعه...............
وبعد شوي دخل أحمد...وهو يقول وين تلفوني خالتيه.................نسيته عندكم.............
دخل أحمد على عايشه...لقاها...قاعده .........والتلفون على الطاوله........يشل التلفون.........ويطلع.........وهي ماتكلمت ............وبعد ماراح........طلعت من تحت أيدها ورقه....فيها رقم .........(رقم موبايل مريم).......وفي
عينها كانت نظره خبث...........وكل كره الدنيا..........
عايشه والحقد في قلبها والله لراويها بتشوف هذي اللي خذت حبي
وراحت عايشه عند اربيعتها نعوووم واتخبرها بالسالفه عشان يدبرون خطة يتخلصون من مريم
نعوووم اتقووول لعايشه خلاص عندي الحل ولا يهمج يالغاليه محد بياخذ أحمد منج وابتسامة الغرور على ويه عايشه هه بتشوف هاي اللي خذت أحمد مني والله لراويها نجوم الظهر
اتروح عايشه البيت واتنفذ خطة نعوووم بالحرف الواحد وتتصل بمريم واتقول لها أنا ريم اربيعت أحمد وهو يحبني من 3 سنوات ومايروم يستغنى عني بس أنا اعرفه يحب يجذب على البنات اللي مثلج عسب ياخذ اللي يباه ويرووح عنهن بس انا قلت لازم أخبرج عشان تاخذين حذرج منه وحرام يلعب بعواطفج ومسكينه مريم ولا كلمة قالتها من الصدمة ودموعها على خدها ويلست اتفكر بحبيبها هل من المعقووول أحمد يسوي هالشي كل هالمدة يجذب عليها وطبعاً الشك خذ مكانه له في قلب مريم وكل مايتصل أحمد بمريم اتسكر التيلفون ابويهه وهو مسكين مب عارف شو السالفه ويقول في خاطره بلاها مريم اكيييييييد مريضة وإلا ملت مني ماتبا اترمسني بس لازم أعرف السالفه وقال مافي حل إلا إني اتصل على تيلفون البيت
:
:
:
:
:
:
:
:
واتصل أحمد على تيلفون البيت
مريم: ألو ألو
أحمد: حبيبتي مريم فديت هالصوت
مريم: لحظة هدوووووووووووووووء
أحمد: ألو ألو مريم وينج حبيبتي ليش ماتردين علي
مريم : اتصييييييح مسكينه ماتروم تتكلم
أحمد: حبيبتي بلاج فيج شي مريم ردي علي وفجأة يسكت أحمد ويسمع مريم اتصيح
مريم: مب قادره أكلمك أنت خاين ما أصدق كل هذا يظهر منك انت لالالالا مب انت أحمد اللي أعرفه
أحمد: مريم بلاج اتصيحيييين وليش هالرمسه أنا شو سويت بج خبريني
مريم: ليش اتقص علي بكلامك الحلو واتخليني أحبك وأعيش بوهم اسمه الحب
أحمد : بلاج حبيبتي إنتي أكيد مب طبيعيه وأنا خبرتج من البداية إنتي لي وأنا لج ومافي شي بيفرقنى إلا الموووت
مريم: يعل الموت ياخذني الحين ولا استمر ويا كذاااااب مثلك
أحمد : مريم إنتي شو اتقوليييين معقوله هالكلام منج انتي انزين خبريني شو شفتي مني عسب تجرحيني بهالكلام
مريم : ليش ماخبرتني من البدايه انك ماتحبني وانك تسلى وبس ليش ياظالم ليش
أحمد : والله اذا ماخبرتيني الحين لأذبح عمري وأخليج تنسيني للأبد
مريم : ساكته .......................................وبعد فتره اتكلمت أحمد أنت اتعرف أنت حبيبي الوحيد وأنا حبيتك ولا يمكن أخونك مع واحد غيرك كيف أنت اتخوني ولاااااااااا اتقص علي بعد كيف يا أحمد أهون عليك
أحمد : والله ماخنتج يا حياتي انتي عمري كيف اخونج امنووو اللي قال لج خبريني بس
مريم: وحده اتصلت بي وقالت لي كل شي عنك
أحمد: الله يالدنيا مريم هذي انتي اللي اتحبيني اتصدقين هالكلام وأنا اللي وياج 24 ساعه يعني كيف بخونج
مريم: هي والله صدقك كيف غاب عن بالي هالشي
أحمد : شفتي يامريم كيف إنتي ماتحبيني مثل ماحبج
مريم: لالالالا يا عمري لاتقول هالكلام والله إني أحبك بس الغيرة ذبحتني
أحمد: انزين عطيني رقمها هاي اللي كلمتج
مريم: إنشاء الله بس لحظه اشويه
في بيت أحمد.................
أم أحمد(شيخه).......تتكلم في التلفون مع أختها نوره....................
شيخه: لا لا.........من يقول.............الولد للبنت .............والبنت له.......من زمان نحن نقولكم ........نباها له..
نوره: البنت تصيح وتقول أنه أحمد مايباها.......تفاهمي وياه ....إذا مايباها.......لاتقولون للناس أنكم خاطبينها.....
شيخه:أنا اباها بنت اختيه........ولابفرط فيها ...الشور شوري...مب شوره هوه.... أنا اليوم بكلمه .........وبرد عليكم.................مع السلامه
وتسكر من أختها وأدق لاحمد.................
الأم: أحمد هلا ابويه وين انته.............تعال بسرعه أباك في البيت.........
أحمد: أنشاء الله امايه..........نص ساعه بالكثير وانا عندج..................
وبعد مرور أقل من نص ساعه يدخل أحمد البيت..........وتستقبله امه .........وتقوله: أقعد اباك في رمسه
أحمد: خير امايه........شو في خاطرج الغاليه..........
الأم:أنته كبرت الحينه وتشتغل......ونباك تعرس.....وبنت خالتك....تترياك من سنين.....
أحمد: أمايه أنا مستحيل أخذ بنت أختج.........لو شو يصير
الأم: شو تبا تفضحني قدام العرب........وتفرق بيني وبين أختي........أحنا من سنين انقول عايشه لأحمد .....وأحمد لعايشه.......
أحمد: أمايه انا مب ذنبي...أنه أنتي وخالتيه ...عيشتو البنت في وهم ... أنتو صورتوه ....لها ..و أني أباها وباخذها..
الام : خلاص أنا قررت الملجه بعد سبوعين ... ولا والله يا قلبي مايرضى عليك ... وأنسى أني أمك...
ويطلع أحمد...............ولايرد على امه بأي كلمه..........وفي قلبه كل حزن الدنيا.............
........................................................
مريم وسلامه...قاعدين....على البلاكونه يشربون عصير.......
سلامه: مريم...قوليلي........كيف كان الجو.........كهربه ولا هههههههههههههههه....
مريم: هههههههه...تصدقين سلامه...أحبه مووووووووووت...
سلامه: انا ادري انتي تحبينه.........لكن أنا مب مطمنه من سالفه ........بنت خالته هاي.....
مريم: لا أنا ادري أنه أحمد .......يحبني أنا .......ولاعمره بيحب غيري........
ترن ........ترن.............يرن موبايل مريم في ذيج اللحظه....وتقول مريم: رقم غريب.....
مريم: ألو.......مرحبا.......
صوت على الخط الثاني يرد باستهزاء: أنتي حرف ال M
مريم وهي مستغربه: منو معايه لو سمحتي.........
عايشه: إذا تبين تعرفين منو انا اسألي أحمد....وأنا متصله بس أقولج أبعدي عنه ....لأانه هو مب لج....وبعدين هو يحبني أنا.........ولاتحاولين تفرقين بين عائلتين....وتسويله مشاكل.......إذا تحبينه إبعدي..........تفهمين
مريم:أنتي شو تقولين.......
عايشه:ههههههههههههه.....اللي سمعتيه وأنا متصله أحذرج .......أحمد مايباج .....وخطوبتنا الأسبوع الياي.........وعلى فكره أنتي معزومه ..............باي وتسكر التلفون في ويهه مريم...........
مريم تنصدم...وتعق التلفون...وتصيح في حضن سلامه.......وتقول لا مستحيل ....مستحيل.........
سلامه: شو قالتلج هاي الخايسه.......يعلها تموت انشاء الله ........مريم بس .....أنا الحين بتصل بأحمد.....
مريم: لا لا سلامه.....خليه........أرجوج ماريد أخرب حياته.........وأفرق بينه وبين أهله........خلاص سلامه.....حبي أحمد صار ماضي ومات..............
................................................................*
كانت مريم قاعده....في غرفتها....وحيدة...على ضوء الشمعه....تسمع أغنيه الجسمي
(بودعـــــــــــك )
وتلفونها على السرير عدالها وأحمد يتصل .. ويتصل ,,, ويتصل ...وأخر شي طرش مسج ...
(مريم حبيبي ردي عليه ...ليش متغيرة عليه)
ولا ترد عليه ... تقعد بس تفكر ,,, وتمسح دموعها بيد ينها...
أحمد يالس في سيارته ...ويضرب بأيده على الجامه من القهر... ليش مريم .... ليش تتركيني ....................
ويوصل لتلفون أحمد ........ مسج من عند مريم مكتوب فية .........
(بودعك أحمد وأنسانـــــــــــــي.... أرجوك) ....
حمد رجع من الماضي للحظاتت ...وأتذكر أنه في شط دبي...على البحر.....طلعت من صدره تنهيده ..حاره...
وقال الله على ذاك الزمان....مضى وماظنه ...يعود....شغّل سيارته.....ومشى فيها ببطئ على طول شاطئ البحر ...وهو يسمع أصوات الموج العالي في أذنه..............ردت به الذكريات مره ثانيه.....لذاك الوقت ....الي قرر فيه...يرفض زواجه من عايشه..................
المكان بيت العائلــــــــــه.....(شيخه)....
ألأم: أحمد يابويه....البنت تباك وشاريتك.......لا تفرط فيها........حتى عيال عمها...مابغتهم علشانك...
أحمد: يأميه ....أفهميني......أنا ماقدر أعيش مع وحده ماحبها....أشوفها مثل أختيه.....ماأقدر
الأم: عنبو الحب عنبو من سواه.......هيه تحبك بسك مايسدك.....
أحمد: تبين لي الحزن طول عمريه.......يرضيج هذا...
يتببع>>>>>>>>>
الأم: مع الوقت بتحبها.........والحب مايي إلا بعد الزواج ...ياولديه......
أحمد: أمي لاتضغطين عليه.......هذي حياتي أنا بعيشها........أرجوج...
الأم: أنا قلت تاخذ عايشه يعني تاخذها...بعد ماخبرنا العرب وعزمناهم ...وباجر الملجه...تبا تسود ويهي جدام الناس......أفا ....يا أحمد...جذيه تسوي في أمك........تباني أمرض وتفقدني....رضى ربك من رضا والديك...
أحمد و العبره تخنقه....ويبوس راس أمه....: لا يالغاليه.........أنا بسوي اللي تبينه.....لكن أنتي حكمتي على حياتي بالتعاسه.............ويطلع .......من البيت.......................
الأم تقول في خاطرها........ماعليه ياولديه بعدك صغير..........ماتعرف مصلحتك....باجر تكبر وتفهم......
