.+.[ الجــامــيـــ..].+.
الجامي هو عبارة عن خلاصة لبن الماعز او البقر و طبعا طعمه لذيذ خصوصا اذا صبينا عليه شوية من سمن الدار مع سحة (تمره) الخلاص ......يم يم ههههه
كان البدو بشكل خاص يصنعونه وكان وجبه يحبها الكبار و الصغار(وانا اولهم) ^_^
من كثر حبي الشديد دورت على طريقته .. وحبيت أفيدكم
المقادير:
1. دبة (عبوه) لبن مراعي او اذا لبن بقر طازج
شوية ملح
خاشوقتين سمن
الطريقة:
نصب اللبن في جدر ونخليه على النار تقريبا نصف ساعة على نار هادية جدا بدون ما نحرك اللبن ابد (( يعني ما تجلبونه ))
بعدين يوم بنحس ان انفصل ماء البن عن خلاصة متقطعه من البن
نرفعه من النار بعدين نخليه لمدة ساعتين و نغطية وبعدين نشخلة بمشخالة القهوة ونحط السمن فوقه ... وبعدين بالعافية عليكم و لاتنسون سح الخلاص.. يم يم و دلة القهووووة
م ن ق ل
