بسم الله الرحمن الرحيم
و عليكم السلام و رحمة الله و بركاته
حي الله خيتي ونة العوود
منورة القسم بتصاميمج المتنوعة ،
ههه انا من زمان الزمانات عن التصميم
شكلي نسيته - الله المستعان -
المهم بعلق بصورة سريعة على تصاميمج
لاني ميهودة شوي ، و اخاف ما ارد عليج ،،
التصاميم بصورة عامة حلوة و لكنها تحمل طابع واحد فقط
يعني حاولي تغيرين في الحركات و الالوان و شكل التصميم
الشيء الثاني عندج الاطار العام للصورة ، 90% من تصاميمج
بدون اطارات و هالشيء سمبل و لكن يعطي للتصميم رونق ،
و كذلك عندج بعض الصورة و الكلام مب راكب على الصورة ،
يعني الصورة ما تكون معبرة عن الكلام المكتوب ،
اممم بعطي ملاحظاتي بصورة سريعة عن كل تصميم :
ورد و جوري لو تكون الكلمة ويا بعض احلى
بدل ما تكون كل كلمة فزاوية ،
و الكلمات [ خلك على خبري .. ]
جربي هليها تحتها و قللي من حركة القلوب
و استبدليها بزخرفة بسيطة او حركات !
الخلفية هنا مب متناسقة مع الصورة
حاولي توحدين الالوان و يكون بينهم
تقارب و الوان مغايرة ،
مثلا الشهري تكون لون و النقاط لون
و الزخرفة لون ، اما الزخارف اللي على
الاطراف اعطيها تاثير خفيف او شفافية اقل !
في الصورة هذه خليتي كل كلام في جهه ،
لدرجة انه اللي بيشوف الصورة بيتشتت ذهنه
فحاولي تلمين الكلام على بعضه بصورة متناسقة
و حركة الفرش قديمة حاولي تستبدليها بحركات اجد
التصميم جميل و لكن حاولي تلمين الكلام ويا بعض ،
ف نفس الزاوية ،
حلو ، و لكن غيري شوي فالالوان ،
يعني الكلمة عنابية النقاط اصفر
الزخرفة قريب من لون الخلفية و هكذا
اممم حاولي تخلين الخط على طبيعته يعني لا تشدين فيه
او تضغطينه و خلي سطر يكون لون و السطر اللي بعده
بنفس اللون و لكن اخف شوي ، او تلاعبي بالاضاءه
بطريقة تناسبج ،
في النهاية كلامي و رايي ما ينقصن من جمال اعمالج
و لكن عرضته للتطوير ،
بارك الله فيج و بانتظار المزيد 
جل الاحترام
