قصيدة في ارتفاع وغلاء الاسعار

[جوري]

يالربع وش سبـة رفـع الاسعـار
الي بلتنا مع الظـروف الصعيبـه
من عقب ماكنا نحمل علـى الـدار
اليوم كل النـاس قالـوا امصيبـه
راح الرويتب بين تفـاح وخيـار
وش عاد باقي يالنشامى اشتريبـه
طفـرت والسبـه هواميـر تجـار
حسبـي عليهـم جعلهـم للغليبـه
نص الشهر وانا مسير على الجار
ابغى سلف الـورع يبغـى حليبـه
المشكله عمت على كـل الاقطـار
رحنا وطي عقب الغلاء والضريبـه
من عقب هذا الوقت كني على نار
بس اتلفت لجـل سـوق اعتديبـه
غصبن عليأ صرت مصيوغ الانظار
حالـي تـردا والسبايـب غريبـه
يالله يالـي عالـم كـل الاسـرار
ياخـالـق عـبـدك ويامعتنيـبـه
انك تزين عاقبـت كـل الاخطـار
ولا فيه غيـرك فالمـلا نرتجيبـه

منقول

 

[بنت العرب]

هههه مسكين حاله
بس صدقه يزيدون الروات من صوب ويغلون من الصوب الثاني

وصح اللسان الشاعر
وتسلمين ع القصيدة

 

[اليامي]

العطا...
ماتبادلنا العطا
والخطا...
لا حشا مخطي عليك*****
تسلمين اختي
كلام ولا اروع
ونتريا جديدك ترانا

تقبلي مروري

اليامي

 

[قلب الأسد]

كلمات جميلة

من قلم متميز

دمعي هميل

كان نقلك متميز

وفي محلة

اتصدقون هالغلى الاسعار مسويتلنا ربكه

الله يكون في عونا

كنا متفالين بزيادة الرواتب

وانصدمنا انه صار حلم

تسليمن اختي ع القصيدة

اخوكم قلب الاسد كان هنا

 

[جوري]

مشكوريييين عالمرووور

 

[سعود الظاهري]

Thanks a lot for your share…..you are aperfeect poet….you have anery nice …..feeling and I encourage you to go head….. go head…. go head……..