محمد

[مغرووومه]

شفتها يا محمد صدفه بعد ما غابت سنين
عند قسم المختبر وسط مشفى الجامعة
جيتها ثم قلت ممكن في سؤالي تسمحين
ناظرت فيني بدهشه نظره متواضعة
قالت انت تحسب إني من بنات صايعين
تحسب إني في زماني عن طريقي ضايعة
قلت انا ما راح أطول كل أبوها كلمتين
وابعدت عني شويه ثم جتني راجعه
قالت أسأل واضح انك من رجال طيبين
بس هرجك يالسنافي كان وشهو دافعه
قلت انا حبيت وحده يوم كنا صغيرين
ومن ثمان سنين راحت للمواصل قاطعة
عقبها ما ذقت نوم يهتنيبه النايمين
ساهر في طول ليلي لين شمسي طالعه
أذكر أنه فيه حبه فوق ثغرة من يمين
وأذكر انه لا جرينا كن شعرها تابعه
وأذكر انه عاشق الورد والياسمين
وصار قلبي بالورود اللي عشقه زارعه
طابع اسمه بقلبي فيه نون وفيه سين
وفيه ياء وفيه ميم وسط قلبي طابعه
قاطعتني بقولها سبحان رب العالمين
كررتها مره .. ومرتين .. ثمن رابعة
قلت وشفيك وشبلاك يا بنيه ترجفين
ليش عينك يابنيه من كلامي دامعه
قالت الموقف وقلبي والمحبه والحنين
كيف اشوفك بعد ما كنت عنك قانعه
قلت انا بسألك أن كانك انتي تذكرين
عن مواثيق ثمنها من حياتي دافعه
قالت ظروف الزمان ما تطيع العاشقين
بيعوني غصب حبك لو هو ماني بايعه
انا في دنياي حالي كنها حال السجين
حتى لو فكو سراحه فيه شيء مانعه
زوجوني واحد غصب وحرموني حاجتين
السعاده في زماني والحياة الرائعة
والحين انا أم لثلاثة ساره وياسمين
والولد اسمه على اسمك والمشاعر جايعه

 

[سمو الشيخه]

مآ شآء الله عليج خيتي ..
كلمآت في قمة الروعهــ ..
أبدعتي..
وآصلي والله يوفقج يآرب..
أحترامي..

 

[مغرووومه]

تسلمين شيختي

 

[[ود]]

قصيدة أليمة
صح لسان شاعرها
و تسلم يمناج على النقل الطيب

​

 

[دانة غزر]

السلام عليكم ورحمه الله وبركاته

قصيده موووووثره
احسنتى الاختيار خيتووووو
ربي يعطيج العافيه
ولا تحرمينا من هالزين