قضية اقتراح الى بلدية البريمي بخصوص الحديقه العامه والاشياء الاخرى

[النفحات]

اقتراح الى بلدية البريمي بخصوص الحديقه العامه والاشياء الاخرى
بصراحه الحديقه ينقصها بعض الاشياء

1- انشاء أعمدة اناره بالقرب من الشارع اللي جنب الحديقه لان ظلام وما نقدر نسوق .. خصوصا صوب اللفه

2- اللفه اللي صوب الحديقه ما فيها قار ..؟؟ ليش ؟؟ يعني ما تقدرون تكملون الشارع 3 امتار ؟؟

3- هل توجد ثلاجات ماء سبيل للشرب نظيف داخل الحديقه ؟؟

4 - بعض الاماكن الفارغه داخل الحديقه ... يفضل زيادة التشجير فيها

5- انشاء بقاله ( بيع المواد الغذائيه ) او كافتيريا .... داخل الحديقه او خارجها

6- أتمنى زيادة الالعاب ... نفس حديقة العاب هيلي ... او الالعاب الكهربائيه اللي ايام المعارض والخيام في البريمي .. ويكون سعر اللعبه ( نصف ريال ) ...

7- السيفون مال دورات المياه ... ما يسحب المخلفات داخل البالوعه
:ش5:


وأتمنى عمل مطبات في حارة حماسه .. خصوصاً عند التقاطعات ... لان شوارع حماسه تعد أخطر الشوارع الموجوده في البريمي


واللي عنده أشياء أخرى تنقص الحديقه العامه ... يكتب ملاحظاته ... لان المسؤولين في البلديه يتابعون هذا المنتدى.. الافضل في محافظة البريمي

:409:

 

[روح الخير]

اطروحات رائعة

ماأظن البلدية غافلة عن هذه الأشياء فهي دائما تسعى للتطوير وطرح الأفضل

شكرا لك على الطرح

 

[منطوق قلبي]

السلام عليكم ..... الحديقة حلوه الصراحة اول مرة حديقة وعسى ما تكون الأخيرة أعداد البشر في تزايد ويباالنا حدائق أزيد ، المهم فيه بعض الطلبات لو سمحتم يعني ١ - سالفة الكورة ممنوعة بالحديقة يعني عندنا عيال وأعمارهم ١١ و ١٢ يعني هذيله يبدأ لهم ملاعب صغيره أو يسمحون لهم باللعب ٢- موضوع الإنارة صراحه الحديقة متروسه ليتااات بس عند النافوره نسيتووووهااا ٣- وضع قوانين للشباب صراحه فيه فنه من هال شباب المراهق غير ملتزم ٤- سلل المهملاااات ناقصه وايد يقهرنا لما اشوف الزبالة برا الحاويات وبعد عدم نظافته تحس بالقهر ٥- حطو وو ميكروفونات لانه العيال يضيعون في الحديقة نحن حصلنا في وقت واحد ٣ أطفال وتمينا ندور عن أهلهم. وخذنا من الوقت نص ساعه والأهل ما يدلون عن هوا دارهم يتحرون العيال يلعبون وهم بالأساس ضايعيين ٥ - تسمحون. ليوم للنساء فقط. لأخذ الحرية بليز ٥ - الراىحه عند النافورة صراحه كان لازم مكانها يتوسع اشوي لانها من فوق ضيجه اشوي ٦ - السماح للمطاعم والكافترييااات الراقية بالاستىجار مانبا دكاكين قوم حمزة وسعيد الحرامي رجاءا

 

[النفحات]

وينكم يا بلدية البريمي
شوفو كلام منطوق قلبي
بصراحه كلام راائع

 

[الشامسي]

بالنسبه لدورات المياه موجوووده
المساحات الفاضيه متروك للايجار ..
بقاله ... شفت بالدوار مزاد لاستئجار مقهى بالحديقه

وبصراحه انا معاك باﻻذاعه الداخليه
و
تخصيص ايام للعوائل
و
انارة النافوره



حماسه... فيها مطبات

 

[سعود الظاهري]

اقتراح الى بلدية البريمي بخصوص الحديقه العامه والاشياء الاخرى
بصراحه الحديقه ينقصها بعض الاشياء

1- انشاء أعمدة اناره بالقرب من الشارع اللي جنب الحديقه لان ظلام وما نقدر نسوق .. خصوصا صوب اللفه

2- اللفه اللي صوب الحديقه ما فيها قار ..؟؟ ليش ؟؟ يعني ما تقدرون تكملون الشارع 3 امتار ؟؟

3- هل توجد دورات مياه وثلاجات ماء سبيل للشرب نظيف داخل الحديقه ؟؟

4 - بعض الاماكن الفارغه داخل الحديقه ... يفضل زيادة التشجير فيها

5- انشاء بقاله ( بيع المواد الغذائيه ) او كافتيريا .... داخل الحديقه او خارجها

6- أتمنى زيادة الالعاب ... نفس حديقة العاب هيلي ... او الالعاب الكهربائيه اللي ايام المعارض والخيام في البريمي .. ويكون سعر اللعبه ( نصف ريال ) ...
:ش5:


وأتمنى عمل مطبات في حارة حماسه .. خصوصاً عند التقاطعات ... لان شوارع حماسه تعد أخطر الشوارع الموجوده في البريمي


واللي عنده أشياء أخرى تنقص الحديقه العامه ... يكتب ملاحظاته ... لان المسؤولين في البلديه يتابعون هذا المنتدى.. الافضل في محافظة البريمي

:409:

مرحبا الغالي

أشكرك على حرصك في رقي محافظتنا الغالية


بخصوص بعض النقاط ألي طرحتها

أنشاء أعمدةى أنارة ؟؟؟ مافهمت أي أي صوب بالظبط تقصد

بخصوص اللفة ألي صوب الحديقة مافيها قار بالفعل نفس ماتفظلت لكن أكيد لهم نظرة بالموضوع يمكن يبون يسون مطبات أو تسليك بيبات ماي.

وعن دورات المياه شكلك مادخلت الحديقة وتمشيتى فيهها
مش من المعقول حديقة بدون دورات مياه ... حديقة مدل والكهف ومتوفر فيها دورات المياه مابالك حديقة البريمي

والبقالة وكفتريات . المستثمرين بأذن الله بكون لهم دور في هذا الموضوع وأنا معاك نطاب بوجود مطاعم راقية تجذب الزوار

بخصوص الالعاب الكهربائية ماعتقد بكون فيها لان هذي حديقة عامة وليسة حديقة ملاهي أو حديقة للمهرجانات




والموضوع الثاني


موضوع مطبات حماسة

وين تقصد بالظبط المكان الخطر ألي يستحق يكون فيه مطبات ..


حماسة الجنوبية ؟ وألا خارة القرامطة ؟



أحرامي لك أخوي

 

[احــساس انثى]

وعليكم السلام ورحمة الله وبركاته ، امم الحديقة روعة وكبيرة بس فعلا في اشياء ناقصة اخوي نفحات واختي منطوق قلبي ماقصرتوا ، الميكروف شي ضروري شي وايد يهال يضيعون او بإمكان الاهل يحطون بطاقة او ورقه يكون فيه اسم الطفل واسم ابوه ورقم التلفون ويكون مدبس فقميص الياهل افضل دام نتوه الحديقة مبطل ,اتمنى يكتمل الاشياء الناقصة ::s17::

 

[النفحات]

مرحبا الغالي

أشكرك على حرصك في رقي محافظتنا الغالية


بخصوص بعض النقاط ألي طرحتها

أنشاء أعمدةى أنارة ؟؟؟ مافهمت أي أي صوب بالظبط تقصد

بخصوص اللفة ألي صوب الحديقة مافيها قار بالفعل نفس ماتفظلت لكن أكيد لهم نظرة بالموضوع يمكن يبون يسون مطبات أو تسليك بيبات ماي.

وعن دورات المياه شكلك مادخلت الحديقة وتمشيتى فيهها
مش من المعقول حديقة بدون دورات مياه ... حديقة مدل والكهف ومتوفر فيها دورات المياه مابالك حديقة البريمي

والبقالة وكفتريات . المستثمرين بأذن الله بكون لهم دور في هذا الموضوع وأنا معاك نطاب بوجود مطاعم راقية تجذب الزوار

بخصوص الالعاب الكهربائية ماعتقد بكون فيها لان هذي حديقة عامة وليسة حديقة ملاهي أو حديقة للمهرجانات




والموضوع الثاني


موضوع مطبات حماسة

وين تقصد بالظبط المكان الخطر ألي يستحق يكون فيه مطبات ..


حماسة الجنوبية ؟ وألا خارة القرامطة ؟



أحرامي لك أخوي

حماسة الجنوبيه اقصد
وانت ياي من حصن الخندق
راح تلف الى اليسار

هناك تقاطعات خطيره وما فيها مطبات
واسأل الشرطه كم عدد الحوادث هناك

ف 3

بخصوص أعمدة الاناره اقصد الشارع المظلم بين المجمع الرياضي والحديقه في الباركنات ... انت اذا طلعت من باركنات الحديقه ... ما تشوف شارع مظلم ؟؟؟

 

[حكاية حرف]

وعليكم السلام ورحمة الله وبركاته

مقترحات وافكار جميله بصراحة

وانا اقترح انه يكون في الحديقة رجال امن خاصين بالحديقة ويراقبوا المخالفات اللي تصير من الشباب من ترقيم وحركات وغيره ويراقبوا اليهال في حال ضاع احد الأطفال نوديه عند امن الحديقة يتكفلوا بالبحث عن اهل الاطفال ..

واقترح مثل ما قالوا يكون يوم خاص بالنساء ويوم خاص بالعائلات عشان ناخذ راحتنا اكثر

واقترح مثل ما قالوا زراعة اشجار في وسط الحديقة عشان نستظل فيها

 

[النفحات]

السيفون مال دورات المياه تعبان
يعني اذا واحد طلع بضاعه
السيفون ما يسحب المخلفات ؟؟ فهمتو ؟؟؟

كذلك وين ثلاجة مياه شرب ؟؟
يعني 200 ريال مب قادرين ؟؟

واحد راح يتبرع .. وبيحصل حسنات من ثلاجة الماء

 

[سمو الشيخه]

أكيد هذي متطلبآت تحتآجلهآ الحديقة العآمه ..
أيضاً عمآل نظآفه لدورات الميآه
ورجآل أمن
وأهم شي مصلى لنسآء ورجآل ..

 

[سعود الظاهري]

أكيد هذي متطلبآت تحتآجلهآ الحديقة العآمه ..
أيضاً عمآل نظآفه لدورات الميآه
ورجآل أمن
وأهم شي مصلى لنسآء ورجآل ..

وأنا أوافقج الرأي من أهم المتطلبات ... نظافة دورات المياه ..

 

[طير جارح]

والله ياليت تكون الحديقه مخصصه للعائلات فقط لاني دخلت مره الحديقه وشفت الشباب والآسيويين تارسين الحديقه

 

[الجلندي]

صدج كلامه ماقدرين تتبرعو حق ثلاجة مااي

 

[النفحات]

يا خي واحد من شباب البريمي يتبرع بــ ثلاجة ماي
كم حسنه راح تكون في رصيدك ؟؟

بس تكون ثلاجه ممتازه وغاليه بالسعر يعني فوق 150 ريال