.............لا..يايُبه...........

[دانة غزر]

لا..يايُبه

هذا الخفوق..
لاتسأله وش حصلّه.؟!

يمكن يموت..
وإلا يعيش بألف علّه.؟!


\
.
.
/

تكفى رجيتك يايبه..
لاَ تْذَكّر القلب الحزين

شيءٍ من جراح السنين
صدقني ياما قلت له..؟؟
:
انسى ياجرحي قد نسيت

ياكم بكيت وكم شكيت

محدٍ تعنّى لي وسأل

ولا درى عن حالتي

ولا بأيّ أرضٍ هويت..؟!

..
ياجرحْ ياللي من شقا الحال ونّيت
اصبر لو إنّ الصبــر ساعات محدود

خلّك قــويّ الباس لو ماتشافيـــت
ولاَ ترتجي دربٍ من العام مسدود

كم قلت لك ياجرح ماتنفعك ليت
ولاَ تنفعك رجوى ليالِيهـــم السوّد

ردّدتها في ضيقـتــي لين ملّيــــت
ولا جنيت الخيـــر منها ولا الفــود

تفضحني الدمــعه إذا يمّهم جيت
وأصدّ وأنسى والحشا جمـر موقود

يابوي... صدّقني أنــا ماتناسيـت
لو قابلوا قلبــي بصدّات وجحود

.
.

ياكم أحاول يايبه
أنسى السنين الذاهبه

أما يغادرني الألم
وإلا أظل أحاربه.؟؟!

.
.

وتملّ الآه من روحي

ويملّ الحبر من حرفي

ويملّ....

.

يمــلّ القلب ضيـــقاته وتبقى للجـــروح أرواح
وعلى مُـــرّ السهـر عانيـت ياقلبي من جراحك

عسى هاك السنين المعتمه تضوي كمالمصباح
وتنّور ظلــمة أيــامٍ غدت من دون مصبــاحك

يقولون الصبــر حكمه ويقولون الصبــر مفتاح
رجيتـك (ياصبــر) عجّل ولاتبــخل بمفتـــاحك

:

وخلّ القدر..

يكتب على شاطي البحر

كانت هنا..

تشكي غدر..تبكي قهر..

كانت هنا..

ترسم معاناة السهر..

وتنحت على ذاك الصخر..

ضاع العمر ..


ضاع العمر...
.​

منقول

 

[سعود الظاهري]

يس يس يس الباااااااااركن الاول هع
تسلمين مره القصيده مآ عليهآ كلاام شروآت راعيتهآ
ولا تحرمينآ من الزين
نقل طيب
والسمووحه منج

 

[دانة غزر]

اخوي الظاهري

أول بصمة لك لن تكون الأخيرة باذن الله

وبالطبع هي وسام اتقلده على صدري

لك الشكر سيدي على كرمك ومرورك



دمت بود

 

[السَعيدي]

روعه روعه الكلمات
اختيار موفق ودوم تتحفينا يا تحفه
ههههههههههه

تحفه
هع هع


اشكرج على الموضوع لا حرمناج

 

[أميرة الحرف]

راااااااااااااااااااااائعة حقاً ،.

أنين الصمت

دُمتِ عذبه ​