كيكة الطبقات من تطبيقي ( الشامسية )

[الشامسية]

السلام عليكم ورحمة الله وبركاته

يا ليت يعجبكم هالكيك خلونا نشوف المقادير والطريقة



المقادير :
علبة روب - كوب سكر - بيكنج بودر ملعقة ونصف ( ملعقة طعام ) - كوب ونصف طحين - ثلاث ارباع كوب زيت ( فوق النص بشوي ) - ملعقة صغيرة فانيليا - 3 بيضات

الطريقة :
نخلط البيض والسكر بالخلاط لحد ما يصير لونه ابيض
ثم نضيف الباقي ما عدا ( الطحين والبيكنج بودر )
ثم نضيف الطحين والبيكنج بودر ملعقة تلوى الاخرى مع الخلط
ثم نحضر صينية الفرن وندهنها بالزيت وناخذ مقدار ملعقة ( نفس الي في الصورة )متروسة ونصبه في الصينية
وندخله الفرن من الاسفل بعد النضج من الاعلى

ثم نحضر قرفة وسكر مطحون وكاكاو بودرة ونرشه على الوجه
ثم نحط ملعقة مليانه من الخليط وندخله الفرن فقط من الاعلى ( ثواني ويحمر لا تروحون بعيد عنه )
ثم مرة اخرى قرفة وسكر وكاكاو والخليط وندخله الفرن من الاعلى بعد وهكذا لحد ما يخلص كل الخليط ( بتتكون معانا تقريبا اربع طبقات )
اخر طبقة لا يوضع على وجهها اي شي تدخل وتحمر من الاعلى

ملاحظة ( كل ما نحط طبقة نحمرها من الاعلى )

http://www.buraimi.net/up/uploads/13604115091.jpg

ثم نحضر علبة قشطة مع فنجان سكر ونحمره على نار هادية لحد ما يحمر شوي ويذوب السكر
ونحطه على الكيكة ونزينه باللوز او اي شي تبونه
وتقطع قطع صغار وتقدم

وبصحة وعافية​

 

[مـريم]

شكله الطعم يجنن
لو ان مافيني صبر على الطبقات
أحب احطه واروح يوم ارجع القاه جاهز للتقديم ههههه

عشان السكر والقشطه كنت اذوب شوي السكر واحط بعدين القشطه ويعقد
واشخله ههههههههه بس الحين احطهم رباعه
بجربها ان شاء الله :004:

 

[دانة غزر]

السلام عليكم ورحمه الله وبركاته

هلا والله بالخطيرره

اكيد حلوووه دامها من ايدج

يا عجيبه انتى

تسلم ايدج وربي يعطيج العافيه

 

[«|شمُوخْ|»]

اليوم ياي فبالي اسوي كيكه
شكلي بسير اطبقها
::101


تسلمين شيفنا المميز ع الكيكه
كلج ذوق

 

[ŔξVẼήĜξ]

ما شاء الله عليج الشامسية
فن في الطبخ والكيكه حلوة
حلوة سالفة الطبقات بصراحة
كل التوفيق لج يا مبدعة

 

[الشامسية]

شكله الطعم يجنن
لو ان مافيني صبر على الطبقات
أحب احطه واروح يوم ارجع القاه جاهز للتقديم ههههه

عشان السكر والقشطه كنت اذوب شوي السكر واحط بعدين القشطه ويعقد
واشخله ههههههههه بس الحين احطهم رباعه
بجربها ان شاء الله :004:

انتي الي تجنني بردودج الحلوة :gd:
مشكورة على ردج الطيب يا الغالية
بصراحة هو احلى تذوبين السكور وعقب تحطين القشطة بس يعقد ويباله حد له صبر
بس انا سويته رباعة عشان ما يتعقد
موفقة الغلا​

 

[الشامسية]

السلام عليكم ورحمه الله وبركاته

هلا والله بالخطيرره

اكيد حلوووه دامها من ايدج

يا عجيبه انتى

تسلم ايدج وربي يعطيج العافيه

هلا فيج فديتج
الله يحلي ايامج يا رب
الله يسلمج ويسلم غاليج
مشكورة على ردج الطيب
موفقة الغلا :ش12:

 

[الشامسية]

اليوم ياي فبالي اسوي كيكه
شكلي بسير اطبقها
::101


تسلمين شيفنا المميز ع الكيكه
كلج ذوق

ان شاء الله تطبقينها باي وقت وعسى تعجبج
الله يسلمج الغالية
موفقة الغلا :ش12:

 

[الشامسية]

ما شاء الله عليج الشامسية
فن في الطبخ والكيكه حلوة
حلوة سالفة الطبقات بصراحة
كل التوفيق لج يا مبدعة

مشكور ريفانج انت الابداع كله
مرورك الاحلى
تسلم ما قصرت على ردك الطيب
بالتوفيق لك​

 

[ذات أثر]

بسم الله الرحمن الرحيم
السلام عليكم و رحمة الله و بركاته
بصراااحة شكله في الصورة النهائية تعذييب
اسويه طبقات و لكن ما بينهم حاية . . و مرات
احطي شوكليت . . ::17
ابا اجربه صراحة ههه جان ما اسويه باجر و بطرش
لج الصورة ان شاء الله . . تسلم يمينج على هيك
طبااخ و بانتظار المزيد ابله :19:
​

 

[ذات أثر]

.
.

عشان السكر والقشطه كنت اذوب شوي السكر واحط بعدين القشطه ويعقد
واشخله ههههههههه بس الحين احطهم رباعه

+

بصراحة هو احلى تذوبين السكور وعقب تحطين القشطة بس يعقد ويباله حد له صبر

هههه صراحة قصص مع السكر و القشططة . . ::134
هو فعلاً الأفضل انكم تذوبون السكر شوي ع نار هادية
و عقب تحطون القشطة و لكن في هذه الطريقة
لازم يكون العمل في وعاء للطبخ عميق شوي . .
و يفضل تستخدمون السلك لخلط السكر و تكون الحركة
سريعة جداً . . و ما بيتعقد ان شاء الله ع ضمانتي :19:

.
.

احتراماتي
​

 

[ذات أثر]

تطبيقي ::37 . .

كم تعطيني درجة ابله ؟

::69
​

 

[موت وميلاد]

ما شاء الله عليج اختى

تصدقين شفتها بس كنت راده تعبانه افكر اكل والا لا هههه

و ما ذقتها والحين فخاطري :wa 4:

ما قصرتي ....::130