السلام عليكم ورحمة الله وبركاتهــ،،
[ مـــررحباآآ الساااع غواليـــــناآآ ،،~
شحااالكمــ،،؟ و عــــلومــ،، داركمــ،، ؟ ان شاء اللهــ،، كويسين !!
ربي يخليكمــ،، لهلكمــ،، احمــ،، اليوم اكلتنا أكلة ،، لازم تكونوا مستعدين ( نفسياً و مادياً ومعنوياً ) ،،
اليوم راح نقدمـ،، لكم طبق كتيير كتيــــر لذيذ ومهضوم كمان ،،
راح تاكلوا يديكون وريولكون معوه !! << قامت تتكلم لبناني ،، بس جنها منتقع !!
عنوان طبختنا لليوم [ معكرونة بالبشميل الايطالية ] ،،
قبل لا نبدا لازم اخبركم السالفة [ ما بكون خافق احساس اذا ما قلتــ،، لوول ] ،،
احمــ،، فيه مرة يات فبالي اسوي معكرونة بالبيشاميل ،، عاد دقيت على بنت عمتي ،،
خبيرة المعكرونات هااي هع ،، عطتني طريقتين ،،
عاد قلت خلني اجرب هالطريقة ،، وعاد لازم اصور الخطوات ،،
[ على فكرة ،، هذي هي تجربتي الاولى يعني لا تنتقدون الشكل لوول ،،
ادريبكمــ،، بتقولون محروقة ،، مب محروقة لا تخافون ،، و طعمها يهبل ]
كح ،، طبعا هالطبخة راح تااخذ شوية وقتــ،، مستعدين حبايبي ؟!
نبدأ على بركه اللهـ،،
{ المقادير ،،~
-دجاجة متوسطة الحجم ،،
او( كبيرة على كيفكم ) ،،
-بهارات
- ملح
- كيس معكرونة
-زعتر او قرفة ( دارسين )
-معجون الطماطم ( صلصل )
-3 طماطات
-3 بصلات
- 3 فصوص ثوم
- 2 حبة بطاطس متوسطة الحجم
- 2 جزر
- كوسة
- فطر مقطع شرائح
- جبن موزاريلا ( مال البيتزا )
- كوب جبن كريمي
- 2 علبة قشطة ( معلبة ) ،،
- زيت
{ الطريقة ،،~
1- نييب الدياية + سكين حادة جداً ونستعد لتقطيع الزوائد ،،
2-تقطعون الذيل من ورا ( حق اللي ما يعرف شو يقطع !! )
3-طبعاً الجزء الزائد من جناح الدياية لازم تقطعونه ( ما منه فايدة ) !
4-تروحون تنظفون الدياية من داخل ،، وتطلعون احشائها الداخلية ،،
5-تغسلون الدياية زين ،، وتنظفونها عدل ،، ما ابا اشوف نقطة وسخ ،، ^^
6-الحين بنبدا بطبخ الدياية ،، ييبوا قدر وفيه ماي بكميه معقولة ،، بحيث الدياية تتغطى كلها تقريباً ،،
وتحطون البهاراتـ،، اللازمة من [ بزار ، كركم ، فلفل ، قرفة .. اللي تبونه ] ،، و تملحونها ( بس ما تترسونها ملح ،، بنملحها مرة ثانية عقب ) ،، و تخلونها تنطبخ لمدة نص ساعة تقريبا ً ،،
7-الحين لين تجهز الدياية ،، خلونا نطبخ المعكرونة ،،
8-ييبوا قدر ثاني ،، و عبوه ماي تقريبا ربع القدر مب وايد
وضيفي شوية ملح و زعتر أو قرفة حسب الرغبة ( يمكن الاستغناء عنه ،، بس الملح لازم ) ،، وشغلوا النار فيه وخلوه يغلي ،،
9-يوم تطالعونه غلا ،، ييبو كيس المعكرونة وصبوه فالقدر ،، وضيفوا شوية زيتــ،، وخلطوه ،،
10- خلوه لمدة نص ساعة ( يعني مب ناضج زين ،، بس نضوج معقول [ شبه ناضج ] ) ،،
11- صفوا ( فصلوا لمعكرونة عن الماي ) المعكرونة من الماي وخلوها فصوب تبرد ،،
12- طبعا الدياية بتكون نضجتـ،، خلاص ،، بندوا النار وخلوها تبرد شوي ،، ونروح نجهز خلطه الخضار ،،
13- ييبوا البطاطس والجزر ( الخضار اللي عندكمــ،، انا هذا اللي كان عندي ) ،، وقطعوه دوائر بهذا الشكل ،،
14- نقلي البطاطس + الجزر في زيت لين يقرب ينضج ،،
15- ضيفوا الفطر و كملوا قلي لين ينضح الخصار تقريباً
16- ييبوا صحن زجاجي ،، وصفوا خليط الخضار ،، بحيث يكون الخضار موزعة جيداً ،،
17- الحين نييبــ،، الطماط + البصل + الثوم ،، ونغسلهم عدل !!
18- نقطع البصل شرائح ،، مثل هالصورة ،،\
19- نقلي البصل في قدر ،، لحد ما يصير لونه اصفر شوي ( مب محروق ويابس !! )
20- نقطع الطماطم قطع صغيرة ،، ونضيفه فالقدر ونكمل قلي ،،
21- نهرس فصوص الثوم ،، باي وسيلة عندكم ،،
أنا عندي هذي الهراسة ( شاريتنها من سفير )
22- نضيف الثوم المعروس للخلطة مالت الطمام + البصل ،،
( اذا ما عندكم هراسة ،، قطعوا الثوم شرائح صغيرة ،، بينهرس مع القلي ) ،،
23- نرجع لديايتنا بعد ما بردت ،، ونسلخ جلدها ،، و نشل اللحمــ،، ونفتته شوي ،،
24- نضيف اللحم للخليط ( مال البصل والطمام والثوم )
25- نخلطه زين ما زين ،،
26- نضيف شوية بهارات ( بزار وفلفل و كركم .. الخ ) ،، و ذوقوه اذا يحتاج ملح ( غالياً يبا شوي ملح ) ،،
27- خلطوا الدياي زين ويا البهاراتــ،،
28- نضيف الصلصل ( معجون الطماطم ) ،، و نكمل خلط لين ما تحسونه الدياي صار مفتت ناعم ،، وبندوا النار ،،
الخليط لازم يكون سائل غليظ شوي ،،
29- نرجع لمعكرونتنا ،، ونضيفها ويا خليط الدياي ،، ونخلطها وياه ،،
30- بعد ما نخلطه بيكون عندنا الخليط بهذي الصورة تقريباً ،،
31- نرجع لصحنا الزجاجي ،، ونضيف الدياي فوق طبقة الخضار ،، و نراعى توزيعه عدل ،،
32- الحين صار عندنا طبقتين ،، باقي الطبقة الثالثة ،،
33- نييب الجبن + القشطة + جبنة موزاريلا ،،
34- ونخلط القشطة + من 7 إلى 8 ملاعق كبيرة جبن كريمي ،،
35- نضيف جننة موزاريلا للخليط ،،
36- نخلطه ويا بعض ،، تقريباً مثل هالشكل راح يكون !!
37- نصب الطبقة الثالثة ( الجبن + القشطة .. الخ ) ،، فوق طبقة الدياي ،، ونحاول تغطي كل الاماكن ،،
لا تخلون مكان فاضي !!
38- الحين صار عندنا ثلاث طبقاتــ،، بهالصور ،، بس بعدها نية صبروا لوول ،،
39- ييبوا بيضه ،، وخلطوها عدل ،، وعقب دهنوها فوق على طبقة الجبن ،،
40- انزين يا حلوين ،، الحين فروها الطبخة بالفرن لمدة 10 دقايق ،، ( لا تكثرون لا تحترق ) !!
41- بعد 10 دقايق طلعوها من الفرن ،، وراح تكون ناضحة ،،
42- خـــلوها تبرد شوي براا ،، و جهزوا الصحون والملاعق والسكين ،،
43- قطعوها إلى قطع مربعة ،، و كلوها ،، صحتين على قلبكمــ،،
{ الصورة النهائية للطبخة ..~
،
،
إلى هناآآ ،، أصل إلى ختام طبختنا لليوم ،، إلى ان نلقاكم في أكله اخرى ،،
ترقبوا سويت ( الكيكة الدلوعة ) قريباً ،،
( تراني تعبت وانا واسوي ،، واصور و اكتب ،، ابا ردود بالهبل ،، حتى لو انتقاد عادي )
و سموحتكمــ،، ( خافق احساس ) ــ~
!!
