يا قلب***

[يكفي وجودك]

*****يا قلب*****

ياقلب جيتـك وافهـم العلـم ياقلـب
اللي تحبه يموت في حـب غيـرك !!

كم قلتلك ياقلـب خلـه علـى جنـب
يمكن مسيره ما يستوي مع مسيـرك

الدرب واضح بس لا تجهـل الـدرب
اللـي يحبـك دايــمٍ يستشـيـرك

ماهو مثل صاحبك عايش على الكذب
وان ما كذب يمـوت الله يجيـرك !!

تبي الصراحه مالك ومـال هالقـرب
ماهو كفو شـرواه يصبـح عشيـرك

انا ادري انه تـرف وصغيـر وذرب
لكن مصيره يختلف عـن مصيـرك

لا تحسبـن السالفـه كلـهـا لـعـب
اصحى معي من شان يصحى ضميرك

اللي تحبـه صعبـه شـوي ينحـب
قلـه يـروح وكـثـر الله خـيـرك

تدري وش اللي يذبـح القلـب ياقلـب
انك تحب انسان ويحـب غيـرك
*********************

 

[[ود]]

يكفي وجودك
اختيار موفق لهذه القصيدة
صح لسان شاعرها وتسلم يمينج على النقل
تقبلي شكري و تقديري

 

[المزن]

الدرب واضح بس لا تجهـل الـدرب
اللـي يحبـك دايــمٍ يستشـيـرك

ماهو مثل صاحبك عايش على الكذب
وان ما كذب يمـوت الله يجيـرك !!



روعه الصراحة ابدعتي في الانتقاء
ماشاءالله صح لسان قايلها
لا تحرمين من هالمواضيع الحلوة
ودي
::25

 

[أم حمودي]

صح.لسان قايلها صح ما يذبح غير انك تحب انسان وقلبه مع غيرك نقل رائع خيتي

 

[يكفي وجودك]

أشكركم على المرور الأكثر من رائع

 

[ˇعنودْھَہ ♡]

اللي تحبـه صعبـه شـوي ينحـب
قلـه يـروح وكـثـر الله خـيـرك

تدري وش اللي يذبـح القلـب ياقلـب
انك تحب انسان ويحـب غيـرك
،
يا سلآم ع القصيده
روووعه ..
شكرآ لج آخيت ع النقل
لاهنتي
،
ودي

 

[آلبآدي]

شكرا لج اختي على القصيده
نتريا اليديد
تحياتي