مطلوب حاضنة اطفال عمانية

[منصور العيسائي]

السلام عليكم ورحمة الله وبركاته


الموضوع طلب حاضنة اطفال عمانية في البريمي

اتمنى اللي يعرف اي امرأة عمانية ممكن احط اولادي عندها في فترة الدوام

لاني بصراحة جربت الحضانات وما عيبتني خدمتهم كثير

وعادي اذا تريد اخذ الخدامه معها تشتغلها في البيت
وهي تهتم بالاولاد لاني ما اقدر احط اولادي بروحهم مع الخادمه

ارجوكم انا محتاج كثير اتمنى احد يفيدني في اقرب وقت ممكن

جزاكم الله الف خير ​

 

[мά∂εмσίşάĻĻe]

ان شاءالله الاعضاء يفيدونگ
و لو حصلت حد بخبرگ


للرفـــع إخواني

 

[المزن]

ان شاء الله بندور لك يا خوي ..
انا عن نفسي بسأل اذا في حد وان شاء الله
حد من الاخوان يفيدك ..
يرفع

 

[المزن]

ينقل للقسم المناسب ~
احترامي

 

[أحمد الشامسي]

ان شاءالله يفيدونك الاعضاااء اذا تريد يبهم عندي البيت من عيوني اخدمهم لاني احب الايهال ،،

بدون رااتب بعد اذا تباااا ،،،


​

 

[خالد الشامسي]

ان شاءالله يفيدونك:imua1:

 

[`¤*«مُحمدْ البادِيْ»*-¤]

السلام عليكم ورحمة الله وبركاته
المعذرة منك، وعسى تجد من يفيدك في الأمر​

 

[سنفورة]

الوقت تحطهم من ساعة جم لجم انشاء الله نقدر نفيدك في ناس تبة

 

[دانة غزر]

ان شاء الله الاحوان يفيدونك

بالتوفيق لك يارب

 

[منصور العيسائي]

شكرا لكم اخواني على المرور والمساعدة

اخت سنفورة اريد احطهم من ساعه 6 صباحا الى الساعه 2 ونص ظهرا

اذا تعرفي اي احد طرشيلي رقمه على الخاص اذا ما عليك امر

 

[منصور العيسائي]

اتمنى اللي يعرف اي شخص ممكن احط اطفالي عنده يرسلي رقمه على الخاص جزاكم الله الف الف خير

 

[البلوشية]

ممكن انا استهدك بس خبرني شو هو الاعتناء الي تربده بالضبط وكم الراتب
وامورك طيبه

 

[الامل الواعد]

السلام عليكم ورحمة الله وبركاته
تعبت من بحثي عن وظيفه
واحب العيال وااااايد

 

[منصور العيسائي]

مرحبا اخواني واخواتي

انا شخص عامل وزوجتي كذلك
نطلع من البيت للعمل تقريبا الساعه 6 صباحا ونرجع للبيت الساعه 2 والنصف
وعندنا طفل عمره سنتين و8 شهور
وفي طفل بينولد بإذن الله بداية شهر 3

ومحتاجين احد يعتني فيه ويراعيهم خلال فترة غيابنا عن البيت
والراتب ما مشكله اللي نتفق عليه
انا بوفر لهم جميع اغراضهم
بس اريد احد يهتم فيهم واكون مطمئن عليهم وانا في الدوام انهم تحت ايدي امينه ومرتاحين

اتمنى اللي يحب يساعدني يرسل رقمه عالخاص

ملاحظة : انا ما يصلح ارد عليكم بالرسائل الخاصه لانه جديد مشارك بالمنتدى وغير مسموح لي ارسل رسائل للحين

 

[سنفورة]

اخوي منصور السموحة مارديت عليك خلني برد عليك بس اعمارهم جم عسب اخبرهم والسموحه على المغثة

 

[ام عبدالرحمن]

مطلوب حاضنه

السلام عليكم ورحمة الله وبركاته

لوسمحتم انا ابحث عن مربية اطفال وتكون امينه ..لدي طفلين ..اريد ترعاهم ف فترة المساء..
ارجو المساعده
وجزيتم خيرا

 

[فاطمة المعمرية]

السلام عليكم ورحمة الله وبركاته


الموضوع طلب حاضنة اطفال عمانية في البريمي

اتمنى اللي يعرف اي امرأة عمانية ممكن احط اولادي عندها في فترة الدوام

لاني بصراحة جربت الحضانات وما عيبتني خدمتهم كثير

وعادي اذا تريد اخذ الخدامه معها تشتغلها في البيت
وهي تهتم بالاولاد لاني ما اقدر احط اولادي بروحهم مع الخادمه

ارجوكم انا محتاج كثير اتمنى احد يفيدني في اقرب وقت ممكن

جزاكم الله الف خير ​

هلا اختي حصلتي حاضنة للاطفال انا ادور وظيفة خاضنة