السلام عليكم ورحمة الله وبركاته
اشحالكم عساكم طيبين يا مرحبا الساع منورين الموضوع
يا ليت تعجبكم البيتزاء من ناحية الطبخ اسرع من الفرن ومن ناحية الطعم لذيذة
عجينه البيتزاء ( عجينه العشر دقائق ) كالتالي :
طبعا تنقسمين لمرحلتين :
المرحلة الاولى :
1 كوب طحين - نصف فنجان سكر - رشة ملح - 1 ونصف ملعقة كبيرة مليانه حليب بودرة - 1ملعقة كبيرة مليانه خميرة فوريه - 1كوب ماء دافى
تخلط مع بعض
بعد ما خلطتوها بتكون سائلة نتركها 10 دقايق وتغطونها
( حطوها في مكان دافئ احسن )
بعد مرور 10 دقائق نضيف عليها (كوب ونصف طحين - وربع كوب زيت )
ونعجنها بالخلاط او باليد وأحسن تحطينها على سطح سميك علشان تعجنينها
العجينه بتمسك في اليد بس من كثرة العجن تصير حلوة ( لا تحطون عليها زيت او طحين )
مقادير الحشوة :
بصل - فلفل أخضر - زيتون أسود - فطر ( مشروم ) - طماطم - دقوس - كاتشب - ملح - فلفل اسود
الطريقة :
نقلي البصل في زيت لحد ما يحمر ثم نضيف الطماطم لحد ما يذبل ثم الفلفل والفطر ونحط شويه دقوس وكاتشب و
شويه وملح وفلفل اسود وعند نضجه نقفل النار ونضيف الزيتون الاسود
هذا شكله النهائي
بعد ما جهزت العجينه والحشوة نبدء بالتطبيق
للوجه ( زعتر وجبن مبشور )
نقسم العجينه لكور صغيرة لتشكيل البيتزاء
نفرد الكور باليد ثم نوزع الحشوة عليها ثم نحط جبن ثم نرش الزعتر
نشغل القدر ونخليه يسخن شوي ثم نحط البيتزاء من فوق ولما يحمر شوي من تحت ندخله داحل القدر ونسكر عليه شوي لحد ما يحمر ويذوب الجبن
بصحة وعافية عليكم
