خياط الحريم معنا ريياييل ؟؟؟؟فأين أنتم ياغافلين....اصحوا افااااااااااا

[الفلاحي صاحي]

بسم الله الرحمن الرحيم
والله فضيحة الريال أهو الي ياخذ مقياس اخواتنا وامهاتنا وبناتنا في أغلبية مدن عمان لاأعمم ولاكن هذه هي الحقيقة المرة عندما سئلت اليوم احد أخوات في المنتدى وصارحتني حتى المقاييس ولمس جسمها أين هنا معنا في الغبيراء وأين ذهبت غيرتنا العمانية ونحن أهلها ولماذا البنت ترضى كل هذه السنوات وتسكت ووالسالفة أكبر عندما لاتستطيع البنت الدفع تراوده نفسها وفي أكثر من ألف قضية موجودة ف عمان وشفناها بعيوننا وأنتم هل ترضون لأخواتكم بأحد من لمس جسمها وأخذ المقاييس في الخصر والكتف والمؤخرة ...
فأين غيرتكم ياعرباننا ويامسلمين ومؤمنينين بالله ورسوله...
وتقبل الله صيامكم....



وياربي أشهد قد بلغت..​

 

[منوة الروح]

فعلا اخووي الفلاحي


ونحن واايد مضايجين من هالشي


يعني اذا ماشي قياس يلسي فالبيت
نتوهق

تكلمنا وقلنا واعترضنا .. وبعض الخيايط ومحلات العبي
حطوا حريم حق القياس


السالفه مب سالفه غيره
مافي ريال مسلم مايغار على بناته وامه وزوجته وخواته

بس الجهات المسؤلة مايعرفون هالشي ؟؟



وبعض البنات عادي عندهن
الهندي مب ريال << شي معرووف ومنتشر !!

الحمدالله قياسي وياي يوم اسير افصل



والسموحه ع المداخله ^^

 

[شيخة المزايين]

اخوي مب كلهم نفس شي

نحن نودي القياااااااااس واذا نبي نعدل شي او شي

نخلي اخوي يتفاااااهم معه

لكن مثل ما جلت بعضهم ماا عندهم غيرة ع محارمهم

ولكن شو نسوي

الله يهديهم

 

[الفلاحي صاحي]

اختي منوة شو سبب سكوت حواء لهذا كل السنوات هذه؟؟؟؟؟؟؟؟؟؟؟؟؟
والله قهر

 

[منوة الروح]

اختي منوة شو سبب سكوت حواء لهذا كل السنوات هذه؟؟؟؟؟؟؟؟؟؟؟؟؟
والله قهر

بعض الحريم .. يعرفن انه طول عمرهن وهن فخيايط ريايل
تلقاها شاله قياسها وماعندها مشكلة لان خلااص تعودت
<< الاغلبيه جيه يسون


والبعض تقولك عادي الا هندي atch_galc:

 

[السَعيدي]

اخي الكريم

اولا اود شكرك على طرح هذا الموضوع والانتباه لهذه النقطه الحساساه

للاسف وكما ذكرت اخي

فان معضم خياطين النساء هم من الرجال ومن الجنسيات الاسيويه

ومعضم النساء يقومن بالتفصيل والقياس عند هؤلاء الرجال

ولكن اخي الفاضل

توجد بعض المحلات التي يعمل بها نساء
ويقومن بالقياس نساء

ولكن هذه المحلات نادره بل وقد تكون بعيده

ولكن يجب الالتفات الى هذه النقطه من قبل الجميع

واولهم رجال الاعمال الذين يقومون بأنشاء هذه المحلات

فلماذا لا يقوم هذا التاجر بوضع نساء للقياس واخذ التفاصيل

ومن ثم المستهلك نفسه

فلماذا لاتحاول المراه الذهاب الى محلات النساء
ولماذا لا تخمل احدى الملابس الجاهزه لديها لتكون هي القياس بدلا من قياس جسمها مره اخري

اخي الكريم

للأسف للنساء الدور الاكبر ولو استطاعن تجنب ذلك لو جدو الحلول

ولكن عدم الاهتمام واللا مبالاه هي ما اوصلتنا الى هذا الحال


تحياتي للجميع


ونسأل الله ان يحفظ جميع نساء المسلمين

 

[الفلاحي صاحي]

بعض الحريم .. يعرفن انه طول عمرهن وهن فخيايط ريايل
تلقاها شاله قياسها وماعندها مشكلة لان خلااص تعودت
<< الاغلبيه جيه يسون


والبعض تقولك عادي الا هندي atch_galc:

هيه والله والهندي مب رييال وعادي سمعنا البلاوي من وراء الخياييط هييلا يخربون بناتنا والله بالستر لازم يكون في حل نحن مابنسكت نوصلها فوق السالفة وعلى كلام أبو فيصل بنحرقها عمان....​

 

[سفير الحب]

والله المشكلة اللي صايرة فمجتمعنا إنه الهندي أقرب وأحسن من العماني عند بعض النسوان يعني يخجلون من العماتي وما يخجلن من الهندي ..

والله سالفة ..

بس الحمدلله بعض المناطق فيها نسوان يخيطون ..

 

[(الكعبي)]

لالالالالالالالالالالالالالا
الموضوع يريد كلااااااااااااام وتحقيق , بالفعل أنة موضوع
خطير جداٌ............
وين الاخ, وين الزوج, وين الاب, اليس معهم شئ من الغيرة
الم يعرفوا معني الغيرة مظهر من مظاهر الرجولة الحقيقية ،
و فيها صيانة للأعراض ، و حفظ للحرمات ، و تعظيم لشعائر الله
و حفظ لحدوده ، و هي مؤشر على قوة الإيمان و رسوخه في القلب ،
و لذلك لا عجب أن ينتشر التحلل و التبرج و التهتك و الفجور في أنحاء
العالم الغربي وما يشابهه من المجتمعات؛ لضعف معاني الغيرة أو فقدانها .

الم يرا الزوج كيف غار سعد بن عبادة رضى الله عنه
قال سعد بن عبادة - رضي الله عنه -: " لو رأيت رجلا ً مع امرأتي لضربته
بالسيف غير مصفح ، فقال رسول الله صلي الله عليه وسلم: " أتعجبون من
غيرة سعد لأنا أغير منه، و الله أغير مني ".( رواه البخاري ومسلم).

وأذكر بأني مررت بقصة من قصص الحجاج
وهي:
ويذكر بعض المؤرخين في حسنات الحجاج بن يوسف الثقفي:
"أن امرأة مسلمة سُبيت في الهند، فنادت: "واحَجَّاجاه". وبلغه
ذلك، فجعل يقول: "لبيكِ". وأنفق سبعة ملايين من الدراهم حتى
أنقذ المرأة".
أين الشباااااااااااااب وأين الرجال واين الازواج واين ......واين...الخ
مشكور أخي الفلاحي ع الموضوع الذي يثلج الصدر بأن هناااك أحد
لاتزال فيه غيرة ع المسلمين بارك الله فيك وجعلك الله من عبااادة
الصالحين الذين تثووور بهم الغيرة ..........

أخوك الكعبي

 

[منوة الروح]

اخوي الارجنتيني انا ويااك فـ كلامك

بس لو يت علينا نحن فالبريمي
في خيااط فيه حريم ؟؟

مافي ناس ماتقدر تضرب خط
تسير الخياط يم البيت وتعطيه القياس وانتهت السالفه !!


الكعبي هههه دااش متحمس الموضوع
كلامك عين العقل
وهالشي ماينسكت عنه
وطبعا انتوا ماترضونها ع حريم بيتكم


بس الغلط مب من طرف الواحد


الغلط من جميع الاطرف
الحرمة والريال ولجهات المسؤله عن الخيايط !!



ولي عوده ^_^

 

[الفلاحي صاحي]

متابعdن
وتسلمين اخت منوة ولاتحرميننا من هذا....

 

[أم أحمـد]

موضوع حقاا محتاج للنقاااش

انا عن نفسي ما اسير الخياط

اصلا ما اظهر من البيت مريحه راسي كل شي يوصلني لين عندي والبس اشيك لبس


^_____^

وعلى سالفه


الخياط

مب مشكله في الي ياخذ القياس

يعني مثلا اناا الوالده الله يذكرهاا بالخير اذكر قبل كنااا

يوم نسير نفصل ملابس المدرسه << الشي الوحيد الي انا افصله ههههه


كانت هي تقيسلي

تخسي هوو يقيس بتفلعه

^___^

المهم انا متابعه للأرااء

وعلى سالفه

الهندي هههههههههههه

ذكرتوني في سالفه

في الكليه

مره كناا بنركب الأسنسير

وعندناا مدرس مواطن

ومدري امريكي

والله انه البنات ركبوو عند الأمريكي

جي الأمريكي مب ريال ههههههههه

والله ضحكت منالخاطر اقول حق ربيعاتي

اقوللهم

شوو هااا يعني المواطن ريال وهااا لا

ههههههههههه

تقبل مروري الي ما اظن له خص في الموضوع


احترامي

سويرة

 

[الكعبية]

انا اشل قياسي معاي يعني ما اخلي الهندي هوه اللي يقيسني
ومستحيييييييل اخليه اصلن يقيسني حتى لو ما عندي قياس يناسبني
بخذ قياس اختي وبقوله شو يزيد او شو ينقص من القياس
بس هاذييل اللي يخلونه يقيسهم مادري شو اقول عنهم بصراحه ما سمعت عن هالشي يمكن يصير بس نااااادر

 

[دندونة البريمي]

الموضوووووووووووع حمااس بصراحه
احنا اذا بغينا نرووووح للخياط اخذنا معنا امهاتنا اخذوا لنا القيااس والخياط بس يعلمهم من بعيد مايقرب صووووبنا
في حريم يقولن عاااااااااااااادي مو مشكله واونه مو من جنسيتنا يعني مابيضرنا بس كلامهم غلط وعقليتهن صغيرة
الله يهدي اليميع
تسلم الفلاحي عالموضوووووووووووووووع

 

[منوة الروح]

ام احمد واايد تصير اهل الدار عندهم ريايل
والغرب مب ريايل عاادي !!
الحمدالله ع نعمه العقل


الكعبيه
اانا بعد اذا ماعندي قياس اشيل قياس اختي
واخبره شو ابى
بس مرات اتوهق
عباتي الحين يمكن شهر فالخياط والسبة ماوديتله قياس هههههههه




انزين منو المسؤال؟
نحن الحريم نقدر نحل المشكلة؟
شو دور الريايل ؟
مافي حد يشتكي ؟؟
كيف بنحلها ؟


ولي عوده ...

 

[سعود الظاهري]

بخبركم مرة واحد من االاخوان قالي :
اليوم شليت الاهل يفصلون عبي المهم ربيعي قام يقايس على خواتة( الطول والعرض والايادي والخصر)
المهم يوم الهندي يسجل القياس شاف الخصر وايد ظيق قام يطالع البنت ويظحك وغامز المهم وربيعي شافة.
وجان يدخلة داخل وين مكان يخيط ويشل الكواية ويظربية أظني براسة المهم الهندي أشتكى على ربيعي
ويوم يات الشرطة قالوا حق ربيعي شو مسوي الهندي قاللهم بالسالفة .المهم شلوه الهندي .حبيت أذكرلكم هذا الموقف
ثانيا أوجة كلامي لكل البنات ليش يوم يدخلوا الخياط يشلوا الغشاوة ليش ألي يخيط مب ريال وألا حلال علية والله أنا مستغرب .. أشوف بنات متغشيات يوم يدخلن المحل يفصخن الخشاوة.
خاصتا في العين الخيايط شباب أيرانين .
والله والله أحلفلكم أني مرة ساير أشل العبي مال الاهل من خيايط العين المهم يوم دخلت المحل كلة بنات يوم عطيتة البيزات. قام يغمزلي وقولي شوف البنات ويلوح راسة فهمت منة أنة يقول شوفهن حلوت ... الغلط مب من الايراني من البنات ليش يشلن الغشاوة
ثانيا هاي الحرمه عندها جهل في الامورالدينيه عدلالحين ماقد سمعتي بشي اسمه تاخذين قياس وياج...و الله شي يرفع الضغط...كيف تسمح لنفسها بأن الريال يلمسها ماتخاف من الله..تخليه الباكستاني يقايس عليها و يحدد لها جسمها ...استغفر الله العظيم..

المشكلة يقوا هذا هندي عادي .جنه الهندي مب ريال ويحس وله دوافع.
ليش ماتخلي حد من ألي وياها يقايس عليها..
عني أنا أذا شليت حد من الاهل لازم يشلون قياس وأصلان بدون ماخبرهم يشلون القياس وأذا كان القياس مب مظبوط أنا أقايس . ومب من صعوبتهن القياسات
والسموحة
موضوع يستاهل التقيم

 

[أم أحمـد]

هيه والله انتي صادقه ههههههههه


الله يعين ويرحم


^___^


احترامي


سويرة

 

[أم أحمـد]

الظاهري


انا الصراحه

من هالبنات اشل الغشاا من ادش الخياااط

بس تراا نحن خيايط العبي عندناا غير

طابقين

والطابق الي فوق حرمه

^_____^


في نظري عادي

وما اشلهاا الا في الطابق الي فووق

مع احترامي لك

سويرة

 

[منوة الروح]

بخبركم مرة واحد من االاخوان قالي :
اليوم شليت الاهل يفصلون عبي المهم ربيعي قام يقايس على خواتة( الطول والعرض والايادي والخصر)
المهم يوم الهندي يسجل القياس شاف الخصر وايد ظيق قام يطالع البنت ويظحك وغامز المهم وربيعي شافة.
وجان يدخلة داخل وين مكان يخيط ويشل الكواية ويظربية أظني براسة المهم الهندي أشتكى على ربيعي
ويوم يات الشرطة قالوا حق ربيعي شو مسوي الهندي قاللهم بالسالفة .المهم شلوه الهندي .حبيت أذكرلكم هذا الموقف
ثانيا أوجة كلامي لكل البنات ليش يوم يدخلوا الخياط يشلوا الغشاوة ليش ألي يخيط مب ريال وألا حلال علية والله أنا مستغرب .. أشوف بنات متغشيات يوم يدخلن المحل يفصخن الخشاوة.
خاصتا في العين الخيايط شباب أيرانين .
والله والله أحلفلكم أني مرة ساير أشل العبي مال الاهل من خيايط العين المهم يوم دخلت المحل كلة بنات يوم عطيتة البيزات. قام يغمزلي وقولي شوف البنات ويلوح راسة فهمت منة أنة يقول شوفهن حلوت ... الغلط مب من الايراني من البنات ليش يشلن الغشاوة
ثانيا هاي الحرمه عندها جهل في الامورالدينيه عدلالحين ماقد سمعتي بشي اسمه تاخذين قياس وياج...و الله شي يرفع الضغط...كيف تسمح لنفسها بأن الريال يلمسها ماتخاف من الله..تخليه الباكستاني يقايس عليها و يحدد لها جسمها ...استغفر الله العظيم..

المشكلة يقوا هذا هندي عادي .جنه الهندي مب ريال ويحس وله دوافع.
ليش ماتخلي حد من ألي وياها يقايس عليها..
عني أنا أذا شليت حد من الاهل لازم يشلون قياس وأصلان بدون ماخبرهم يشلون القياس وأذا كان القياس مب مظبوط أنا أقايس . ومب من صعوبتهن القياسات
والسموحة
موضوع يستاهل التقيم

هههههههه زين سوى فيه يستاهل
واايد تصير مثل هالمواقف
وانتوا الشباب على طول ماتتفاهون وية حد ابد هههههه

المهم
نقطه مهمة طرقتها اخوي الظاهري
ليش يشيلن الغشوة

يمكن انا اقول
بعض الناس تلقى البشاكين فبيوتهم يدشوون ويظهرون
والدريوليه فتلقى خلااص تعودوا

ومنهم في بالهم هذا هندي مابيطالعني ولا بيقول شي عني
ولا بيتزوجني فتقول عادي خله يطالعني


ام احمد لازم نسوي توعيه ضد هالشي ^_^



السموحه الفلاحي دشينا فموضوع ثاني
بس يدخل فنفس الموضوع







والسمووووووووحه ع المرور

 

[أم أحمـد]

منوه توعيه


افاا عليج

وين ومتى وكيف

وانا حاظره


احترامي

سويرة