السلام عليكم ورحمة الله و بركااتهــ،،
مرحبــــــــــــــــــا الساآآآع ،، لكل من يا و حدر ،، قربوا حياكمــ،،
شحاالكمــ،، أعضائنا المبدعيــــــــن ،، ؟ شحال عربانكمــ،، ؟
كيــــــــف المطابخ وياكمــ،،؟ منو ما تدخل المطبخ بتنضرب بعصى هع ،، هع
احمــ،، اليوم يبنا لكمــ،، أكله يديدة ،، هالمرة معجناتـــ،،
مثل ما مبين من العنوان راح نخبركمــ،، اليوم طريقة [ الكرسوناتــ،، ] بالطريقة الخفوقية !!
أمي تسميهن [ تواير ] هع هع ،، بعرفون الحين ليش لوول ،،
نبدأ بسم الله الرحمن الرحيم ،،
{ المقاديــر ..~
3 أكواب + نص كوب طحين
ملعقة صغيرة ( ملعقة شاي ) خميرة
2 ملعقة صغيرة ( ملعقة شاي ) بيكنج بودر
نص ملعقة صغيرة ملح
نص كوب حليب دافئ
ربع كوب زيت
ربع كوب سكر
بيضة مخفوقة
ثلاثة ارباع كوب ماء ( على حسب العجينة .. ممكن تزيدون او تنقصون )
{ الطريقة ..~
1-تخلطون [ الحليب + الماء + الزيت + السكر + البيضة ] في صحن خاص للعجن ،،
مثل هالصورة تقريباً
2-في وعاء آخر ضيفوا [ الطحين + البيكنج بودر + الخميرة + الملح ] ،، واخلطوه جيداً
3-الحين عندنا خليطين الاول [ سائل] والثاني [ جاف ] ،،
نبدا الحين نضيف كمية صغيرة من الخليط الجاف للخليط السائل ،،
و نخلطه جيداً ( يعني جنة نسوي كيكة ) ،، طبعاً بخلاط يدوي ،،
4-استمروا في اضافة الخليط الجاف إلى الخليط السائل ،،
وخلطوها بخلاط يدوي ( واذا تحبوا كهربائي مب مشكلة )
و كملوا خلط لينتشوفونه بدا يستوي سميكــ،،، ( غليظ ) ،،
( 1 )
( 2 )
5 – الحين خلوا الخلاط اليدوي فصوب ،،
و راح نبدا نشغل ايدينا ( غسلوهن قبل لا تنسون ) ،،
وضيفوا الخليط الجاف ،، وبدوا عجن ،،
لحد ما تحسونها بدت تستوي اوكيه ،،
ملاحظة : اذا كانت الخليط وايد لينة تحسون فيها ماي ضيفوا زيادة طحين ،،
ولكن اذا كانت اوكيه بس تلزق ،،
بللوا ايديكم بزيت ( يفضل زيت زيتون ) وكملوا عجن ،،
لحد ما تكون اوكيه ،،
6- خلوها تتخمر لمدة ساعة تقريباً ،، وبعدها راح تلقونها تخمرت وصارت بهالشكل ،،
7 – نجهز صحن الفرن ،، بحيث ندهنه بشوي زيت علشان العجينة ما تلزق يوم نطلعها ،،
8 – نقص العجينة لنصفين متساويين تقريباً ،، ( شغلوا عندكم هندسة الدائرة هع )
9- نشل النص الأول ونفردة بحيث يشكل دائرة كبيرة نوعا ما ،،
10 – نييب سكين حادة ( استخدم مالت الذبح انا ) ونقطعها إلى اربع ارباع مثل اللي بالصورة
11- نقص العجينة ( كل ربع إلى اربع قطع ) بهالطريقة علشان نبدا نحشي الكرسون ،،
( ممكن انها تكون خمس ،، مب مشكلة )
12 – تييبون صبعكم الابهام وتسوون حفره خفيفة علشان مكان الحشوة
( انا استخدمها علشان تكون الحشوة وايد داخل ) ،،
13 - نحضر الحشوة ،، اي شيء تبونه [ انا استخدمت هنيه الزعتر والجبن ] ،،
ممكن تستخدمون دياي ولا لحم ولا لبنة .. الخ ،،
14- نشل شوي من الحشوة ونحطها في الحفرة ،، بهالطريقة ،،
15 – نلف العجينة لين ما تستوي عندنا كرسونه شكلها حلو !!
16 – الحين صارت عندنا كرسونة ( تاير ) ،، بتطالعون الطرف النهائي مال الكرسونه ،،
خلوه ويهه على الصحن مال الفرن ،،
17 _ كملوا لف القطع الباقية بنفس الطريقة ،،
18 – بعد ما تخلصون صافينهم فالصحن ،، ندهنهم بشوية زيت للمعه اونه ،،
فيه ناس تستخدم بيض ،، وفيه ناس تستخدم خلطة ( بياض البيض + ملعقتين كبار حليب + ملعتين كبار زيت )
وكلُ له طريقته ،، اختاروا اللي يعجبكم ،،
طبعا نبا نفرق اذا كانت هذي جبن ولا زعتر ،، فاحسن طريقة تستخدمون السمسم ،،
( يفضل استخدام الحبة السودة للتعربف بالجين ،، والسمسم الابيض للتعريف بالزعتر )
19 – انا هنيه استخدمت السمسم الابيض ،، لانه ما عندي غيره ^^ الحين بتطالعون الصورة ( اللي فيه سمسم زعتر )
20 – فروه بالفرن لين يصير لونه ذهبي ،، و بعدها طلعوه من الفرن ،،
21- بعد ما تطلعوهن من الفرن حطوهن فورهن نشاف ( مال الزيت ) علشان ينزل الزيت منهن ،،
ويكونن ناشفات ،،
{ الشكل النهائي ،،~
هذا هو الشكر النهائي لكرسوناتنا ( مدهونات بزيت فقط ) ،،
هذيلا كرسونات مدهونات ببيض ،،
و بالهنــــآ و الشفاء ،، نلقاكمــ،، ويا أكلة ثانية من مطبخ ( خافق احساس )
أظني راح تكون ( المعكرونة بالبشيمل الكذابة ) << على كيفها مألفة اسم !!
عاد هي راح تعذبني من الخاطر !!
تقبلوا منّي كل الود / خويتكم : خافق احساس ،،~
أي سؤال انا موجودة
و سموحتكمــ،،
!!
التعديل الأخير: