السلام عليكم ورحمة الله وبركاته
اشحالكم ضيوفي الكرام يا مرحبا الساع بالي يزور موضوعي
منورين والله .............. قربوا حياكم
سويت مشوي دجاج مع عيش ببخار الفحم عجيب يم يم
تعالوا نشوف المقادير ثم الطريقة
المقادير :
دجاج مقطع صغير مع ازالة الجلد
ثوم مهروس
زنجبيل مهروس
علبة روب
2 م ك آجار مانجو
ماسلا حسب الرغبة عشان يعطي لون ونكهة
كركم
ملح
فلفل أسود
خل ابيض
بصل
الطريقة :
نخلط جميع المقادير بالخلاط ما عدا الدجاج
ثم ندهن به الدجاج
ونشك الدجاج بهذي الطريقة مع اي شي ( بصل – بطاطس – طماطم – فلفل )
وبعدين نشغل مكينه الشوي هذي الي عنده والي ما عنده يشويه بالفحم
ثم نشويه بالتقليب المستمر
وهذي النتيجة
مقادير حشوة العيش :
بصل شرائح محمر بالزيت - مكسرات مقلية بشوية زيت – باذنجان شرائح ومقلي – تضيفون اي شي تبونه حتى البطاطس مربعات وفلفل يعطي نكهة حلوة
طريقة عمل العيش :
نضع قدر العيش فيه ماء ومسمار وهال وكمون وملح على النار ثم نضيف العيش بعد غليان الماء ونتركه ينضج ثم نشخله ونحط له صبغة ليعطي لون للعيش
ثم نحضر فحم ونسخنه على النار
ونحضر وعاء صغير ونحط فيه زيت ونحط الفحم داخله ونحطعه في وسط العيش ثم نغطي العيش بسرعة عشان البخار يدخل بين العيش للنكهة
ونزينه بالحشوة
واخيرا تكون الطبق عندنا :ش11:
وبصحة وعافية عليكم :409:
![[ود]](/vb/data/avatars/m/7/7418.jpg?1416385870){kind=avatar}
